PM મોદી સેશેલ્સની મુલાકાતે, વિશ્વના સૌથી વૃદ્ધ જીવંત પ્રાણી ‘જોનાથન’ સાથે કરી મુલાકાત, જુઓ Photos

પ્રધાનમંત્રી નરેન્દ્ર મોદી હાલ સેશેલ્સની મહત્વપૂર્ણ મુલાકાતે છે. આ પ્રવાસ દરમિયાન તેઓ વિશ્વના સૌથી વૃદ્ધ જીવંત ભૂમિ પ્રાણી તરીકે ઓળખાતા વિશાળ કાચબા ‘જોનાથન’ સાથે મુલાકાત કરી. સાથે જ તેઓ સેશેલ્સના રાષ્ટ્રીય વનસ્પતિ ઉદ્યાન (National Botanical Garden)માં એક વૃક્ષારોપણ કાર્યક્રમમાં પણ ભાગ લીધો.

આ મુલાકાત ભારત અને સેશેલ્સ વચ્ચેના રાજદ્વારી સંબંધોના 50 વર્ષ પૂર્ણ થવાની ઉજવણીના ભાગરૂપે યોજાઈ રહી છે. પ્રધાનમંત્રી મોદીને સેશેલ્સના રાષ્ટ્રીય દિવસની ઉજવણીમાં ‘ગેસ્ટ ઓફ ઓનર’ તરીકે આમંત્રિત કરવામાં આવ્યા છે. પ્રવાસ દરમિયાન તેઓ સેશેલ્સના રાષ્ટ્રપતિ અને અન્ય વરિષ્ઠ નેતાઓ સાથે દ્વિપક્ષીય સંબંધોને વધુ મજબૂત બનાવવા અંગે ચર્ચા કરી.

જોનાથન કોણ છે?

જોનાથન સેશેલ્સમાં રહેતો વિશાળ કાચબો છે, જેનો જન્મ વર્ષ 1832માં થયો હોવાનું માનવામાં આવે છે. આ પ્રમાણે તેની ઉંમર હાલમાં અંદાજે 194 વર્ષ જેટલી છે. ગિનિસ વર્લ્ડ રેકોર્ડ્સ દ્વારા તેને વિશ્વના સૌથી વૃદ્ધ જીવંત ભૂમિ પ્રાણી તરીકે માન્યતા આપવામાં આવી છે.

લગભગ બે સદીઓથી જીવતા જોનાથને વિશ્વના અનેક ઐતિહાસિક પરિવર્તનો અને પેઢીઓ બદલાતી જોઈ છે. ઉંમર વધી હોવા છતાં તે આજે પણ સ્વસ્થ અને સક્રિય જીવન જીવી રહ્યો છે, જે તેની નિયમિત દેખરેખ રાખતા પશુચિકિત્સકોની કાળજીનું પરિણામ માનવામાં આવે છે.

વૃદ્ધાવસ્થાને કારણે જોનાથનની દ્રષ્ટિ નબળી પડી છે અને તેની ગંધ પારખવાની ક્ષમતામાં પણ ઘટાડો થયો છે. તેમ છતાં તે સેશેલ્સનું મુખ્ય આકર્ષણ છે અને વૃદ્ધત્વ તથા લાંબા આયુષ્ય અંગે સંશોધન કરતા વૈજ્ઞાનિકો માટે અભ્યાસનો મહત્વપૂર્ણ વિષય બની રહ્યો છે.

પીએમ મોદીનો પ્રવાસ કાર્યક્રમ

સેશેલ્સની મુલાકાત દરમિયાન પ્રધાનમંત્રી મોદી રાષ્ટ્રીય વનસ્પતિ ઉદ્યાનની મુલાકાત લેશે અને ત્યાં વૃક્ષારોપણ કરશે. આ પહેલ પર્યાવરણ સંરક્ષણ અને ટકાઉ વિકાસ પ્રત્યે ભારતની પ્રતિબદ્ધતાને દર્શાવે છે. ઉપરાંત તેઓ વિશ્વપ્રસિદ્ધ કાચબા જોનાથન સાથે પણ મુલાકાત કરી, જે આ પ્રવાસનું ખાસ આકર્ષણ છે.

ભારત-સેશેલ્સ સંબંધોને મળશે નવી દિશા

પ્રધાનમંત્રી મોદીની આ મુલાકાત દરમિયાન દરિયાઈ સુરક્ષા, બ્લૂ ઇકોનોમી (Blue Economy), આબોહવા પરિવર્તન સામેની તૈયારી, ક્ષમતા નિર્માણ અને વિકાસલક્ષી સહયોગ જેવા મહત્વપૂર્ણ મુદ્દાઓ પર ચર્ચા થવાની શક્યતા છે. બંને દેશો વચ્ચે વ્યૂહાત્મક અને આર્થિક ભાગીદારીને વધુ મજબૂત બનાવવા માટે પણ અનેક મુદ્દાઓ પર સહમતી બનવાની અપેક્ષા છે.

Visited the Giant Tortoise Enclosure at the Seychelles National Botanical Garden with President Dr. Patrick Herminie.

The Aldabra Giant Tortoise, which is native to Seychelles, is among the largest and longest-living species on Earth, with some of them witnessing over two… pic.twitter.com/995s3bfawf

— Narendra Modi (@narendramodi) June 27, 2026

આ મુલાકાત શા માટે ખાસ છે?

ભારત અને સેશેલ્સ વચ્ચેના રાજદ્વારી સંબંધોના સુવર્ણ જયંતિ વર્ષ પહેલા યોજાતી આ મુલાકાત અનેક રીતે ઐતિહાસિક માનવામાં આવી રહી છે. એક તરફ પ્રધાનમંત્રી મોદી સેશેલ્સના રાષ્ટ્રીય દિવસની ઉજવણીમાં મુખ્ય મહેમાન તરીકે હાજરી આપશે, તો બીજી તરફ વિશ્વના સૌથી વૃદ્ધ જીવંત ભૂમિ પ્રાણી જોનાથન સાથે તેમની મુલાકાત પણ આ પ્રવાસને વિશેષ બનાવશે. સાથે જ બંને દેશો વચ્ચે વ્યૂહાત્મક, આર્થિક અને પર્યાવરણીય સહયોગને નવી ગતિ મળવાની અપેક્ષા વ્યક્ત કરવામાં આવી રહી છે.

ભારત આવશે અમેરિકાના રાષ્ટ્રપતિ ડોનાલ્ડ ટ્રમ્પ, ભારત-અમેરિકા વેપાર કરારને મળશે આખરી ઓપ