આ દેશમાં પતિ-પત્ની ઈચ્છીને પણ નથી લઇ શકતા છૂટાછેડા, જાણો છૂટાછેડાનો કાયદો ન હોવાનું કારણ
વિશ્વના અમુક દેશોમાં અજીબોગરીબ કાયદા હોય છે. પરંતુ શું તમે જાણો છો એક દેશમાં છૂટાછેડા લેવાનો જ કાયદો નથી. જી હા એક દેશ એવો છે જ્યાં છૂટાછેડા લઇ શકાતા નથી.
વિશ્વના અલગ અલગ દેશોમાં છૂટાછેડાને લઈને અલગ અલગ કાયદા (Divorce Law) હોય છે. ઘણા દેશોના અમુક વિસ્તારોમાં કે સંગઠનોમાં માન્યતા અને પરંપરા પણ હોય છે. ગત કેટલા વર્ષોમાં મોટી સંખ્યાના દેશોમાં છૂટાછેડાના નિયમ (Divorce Law) બની ગયા છે. પરંતુ તમે જાણીને હેરાન થઇ જશો કે વિશ્વમાં એક એવો દેશ પણ છે જ્યાં છૂટાછેડાની કોઈ જોગવાઈ નથી. અહીં છૂટાછેડા માટે બિલ બનાવવામાં તો આવ્યું હતું, પરંતુ કોઈ કાયદો બન્યો નહીં.
કયો છે આ દેશ
આ દેશનું નામ છે ફિલિપાઇન્સ. ફિલિપાઇન્સ (Philippines) આ દુનિયામાં એકમાત્ર દેશ છે, જ્યાં છૂટાછેડા લેવાની કોઈ વ્યવસ્થા નથી. ખરેખર ફિલિપાઇન્સ કેથોલિક દેશોના જૂથનો એક ભાગ છે. કેથોલિક ચર્ચને કારણે, આ દેશમાં છૂટાછેડા માટેની કોઈ જોગવાઈ નથી.
જ્યારે પોપ ફ્રાન્સિસ (Pope Francis) વર્ષ 2015 માં ફિલિપાઇન્સ (Philippines) ગયા હતા. ત્યારે ત્યાના ધર્મગુરુઓ પાસે તેમને અપીલ કરી હતી કે જે લોકો છૂટાછેડા લેવા માંગતા હોય તેમના પ્રતિ સહાનુભૂતિ રાખવી જોઈએ. પરંતુ સમસ્યા એ છે કે ફિલિપાઇન્સમાં ‘છૂટાછેડા લીધેલા કૈથેલીક’ને અપમાનજનક માનવામાં આવે છે.
ફિલિપાઇન્સને હજુ આ વાત પર ગર્વ
ફિલિપાઇન્સના ઈસાઈ ધર્મગુરુઓએ પોપ ફ્રાન્સિસની આ વાત સામે આંખ આડા કાન કરી દીધા. ફિલિપાઇન્સને એ વાત પર ગર્વ છે કે વિશ્વમાં તે જ એકમાત્ર એવો દેશ છે જ્યાં છૂટાછેડા નથી લઇ શકાતા. જોકે ફિલિપાઇન્સમાં છૂટાછેડા કાયદેસર કરવાનું બીલ પહેલા જ મુકાઈ ચૂક્યું છે પરંતુ રાષ્ટ્રપતિના સમર્થન વગર આ કાયદો બની શકે તેમ નથી.
તમને જણાવી દઈએ કે ફિલિપાઇન્સ પર લગભગ ચાર સદી સુધી સ્પેનનું શાસન રહ્યું. આ દરમિયાન ત્યાં મોટાભાગના લોકોએ ઈસાઈ ધર્મ અપનાવી લીધો. વર્ષ 1898 માં સ્પેન-અમેરિકા વચ્ચે યુદ્ધ થયું અને ફિલિપાઇન્સ પર અમેરિકાનું શાસન આવ્યું. જે બાદ છૂટાછેડાને લઈને એક કાયદો બનાવવામાં આવ્યો. જો કે એમાં શરત એ હતી કે જો કે આમાં એક શરત હતી કે પતિ-પત્નીમાંથી કોઈ વ્યભિચાર કરતુ હોવાનું માલુમ પડે તો જ છૂટાછેડા લઈ શકાય છે.
બીજા વિશ્વયુદ્ધ દરમિયાન, જ્યારે ફિલિપાઇન્સ પર જાપાનનો કબજો હતો, તે સમયે પણ છૂટાછેડા માટે નવો છૂટાછેડા કાયદો બનાવવામાં આવ્યો હતો. પરંતુ જ્યારે 1944 માં અમેરિકાએ ફરીથી ફિલિપાઇન્સ પર શાસન કર્યું, ત્યારે જૂનો છૂટાછેડા કાયદો ફરીથી અમલમાં આવ્યો.
જ્યારે 1950 માં ફિલિપાઇન્સ યુએસના કબજાથી સ્વતંત્ર બન્યું, ત્યારે ચર્ચના પ્રભાવ હેઠળ છૂટાછેડા કાયદાને પાછો ખેંચી લેવામાં આવ્યો. ત્યારબાદ છૂટાછેડા પરનો પ્રતિબંધ હજી સુધી ચાલુ છે.
આ પણ વાંચો: OMG: સ્પર્મ વ્હેલની ‘ઉલટી’ની કિંમત 26 કરોડ? તસ્કરી કરતા 5 ઝડપાયા, જાણો વિગત
Published On - 1:12 pm, Tue, 13 July 21