ઈમરાન ખાન(Imran Khan) અને તેમના સમર્થકોએ પાકિસ્તાનના (Pakistan) નવા વડાપ્રધાન શાહબાઝ શરીફ અને તેમની નવી સરકારને શાંતિનો શ્વાસ લેવો પણ મુશ્કેલ બનાવી દીધો છે. આ બધાની વચ્ચે સાઉદી અરેબિયાની ત્રણ દિવસની મુલાકાતે ગયેલા શાહબાઝ શરીફનું મદીનામાં ખૂબ જ અનોખા રીતે સ્વાગત કરવામાં આવ્યું હતું, એટલું જ નહીં મસ્જિદ-એ-નબવીની અંદર શાહબાઝ શરીફને જોઈને લોકોએ ‘ચોર-ચોર’(Chor Chor) ના નારા લગાવવાનું શરૂ કર્યું હતું.
સોશિયલ મીડિયા પર વાયરલ થઈ રહેલા આ વીડિયોમાં શાહબાઝ શરીફને જોતા જ લોકો ચોર-ચોર… અને દેશદ્રોહીના નારા લગાવવાનુ શરૂ કરે છે. વીડિયોમાં ઘણા લોકો “ચોર ચોર” ના નારા લગાવતા સાંભળી શકાય છે. રિપોર્ટ અનુસાર, જ્યારે પાકિસ્તાનના વડાપ્રધાન શાહબાઝ શરીફ અને તેમનું પ્રતિનિધિમંડળ મસ્જિદ-એ-નબવીમાં પ્રવેશ્યું… તે સમયે કેટલાક લોકોએ મસ્જિદના પ્રાંગણમાં શાહબાઝ શરીફને જોતા જ ચોર, ચોરના નારા લગાવવા માંડ્યા.
શાહવાઝ શરીફ સાથે કેટલાક સુરક્ષાકર્મીઓ પણ જોવા મળી રહ્યા છે અને તે સમયે શરીફ કેટલાક અધિકારીઓ સાથે ઈ-રિક્ષામાં બેઠેલા જોવા મળે છે.
Shahbaz sharif and gang welcomed by chanting chor chor. What a disgrace.#امپورٹڈ_حکومت_نامنظور pic.twitter.com/RGxRKsCimW
— Mohammad Ali Ahmed (@aliahmedlahori) April 28, 2022
તમને જણાવી દઈએ કે, પાકિસ્તાનના વડાપ્રધાન પદ સંભાળ્યા બાદ શાહબાઝ શરીફ પ્રથમ વખત સાઉદી અરેબિયાની (Saudi Arabia) ત્રણ દિવસીય સત્તાવાર મુલાકાતે છે. પાકિસ્તાનના વડાપ્રધાનની સાઉદી મુલાકાતમાં ડઝનબંધ અધિકારીઓ અને રાજકીય સહયોગીઓ તેમની સાથે છે. આ વીડિયો સોશિયલ મીડિયા(Social Media) પર વાયરલ થતા જ લોકોની પ્રતિક્રિયાઓ સામે આવી રહી છે. એક ટ્વિટર યુઝરે લખ્યું છે કે, ‘પાકિસ્તાનીઓ, ગર્વ કરો ! આ વીડિયો જોઈને ખુશ થાઓ….. કારણ કે સાઉદી અરેબિયામાં પાકિસ્તાન વડાપ્રધાનને કેટલી અદ્ભુત રીતે આવકારવામાં આવ્યા છે.
આ પણ વાંચો : ભારતીય વિદેશ મંત્રાલયે પાકિસ્તાનને આડે હાથ લીધુ, કહ્યું ‘સતા પરિવર્તન બાદ પણ સ્થિતિમાં કોઈ ફેરફાર નહીં’
Published On - 12:37 pm, Fri, 29 April 22