યુએસ રાષ્ટ્રપતિ ડોનાલ્ડ ટ્રમ્પ પર ભ્રષ્ટાચારના આરોપો લાગ્યા છે. મળતી માહિતી મુજબ ટ્રમ્પની વિશાળ વ્યક્તિગત સંપત્તિની વિગતો આ અઠવાડિયે જાહેર થઈ હતી જેમા યુ.એસ. ઑફિસ ઑફ ગવર્નમેન્ટ એથિક્સે 927 પાનાની નાણાકીય માહિતી જાહેર કરી, જે દર્શાવે છે ટ્રમ્પે ફક્ત વર્ષ 2025માં ઓછામાં ઓછા $2.2 બિલિયન કમાયા હતા. જે મોટા ભાગે ક્રિપ્ટોકરન્સી, રિયલ એસ્ટેટ, કાનૂની કરારો અને આવકના અસંખ્ય અન્ય સ્ત્રોતોમાંથી છે.

ટ્રમ્પ નિકળ્યો ભ્રષ્ટાચારી

મળતી માહિતી મુજબ આ આવક $1 બિલિયનથી વધુ ક્રિપ્ટોમાંથી આવી હતી, જેમાં વર્લ્ડ લિબર્ટી ફાઇનાન્શિયલનો નફો પણ સામેલ છે. ડોનાલ્ડ ટ્રમ્પના ભૂતપૂર્વ વ્હાઇટ હાઉસ વકીલ, ટાય કોબે, રાષ્ટ્રપતિ પર માત્ર 18 મહિનામાં વ્યાપક “ભ્રષ્ટાચાર” માં સંડોવાયેલા હોવાનો આરોપ મૂક્યો છે

કોબે કહ્યું ટ્રમ્પ લાવી રહ્યા ભ્રષ્ટાચારનું તોફાન

સોમવારે, તેમણે CNN ના “એરિન બર્નેટ આઉટફ્રન્ટ” પર કહ્યું, “મને નથી લાગતું કે બંધારણના ઘડવૈયાઓએ ‘ઈમોલ્યુમેન્ટ્સ ક્લોઝ’ (લાભ અથવા ભેટ સ્વીકારવા પર પ્રતિબંધ મૂકવાનો નિયમ) બનાવતી વખતે આવું કંઈક વિચાર્યું હશે.” તેમણે ભ્રષ્ટાચારને રોકવા માટે રચાયેલ બંધારણમાં જોગવાઈઓનો ઉલ્લેખ કર્યો. તેમણે ક્રિપ્ટોને “અપ્રમાણિક ઉદ્યોગ” ગણાવ્યો. તેમણે વધુમાં કહ્યું કે ટ્રમ્પ જે રીતે કાર્ય કરી રહ્યા છે તેનાથી સામાન્ય અમેરિકનો આશ્ચર્યચકિત થશે. એવી નીતિઓ બનાવી રહ્યા છે જે ફક્ત તેમને અને તેમના પરિવારને લાભ આપે છે.

સીધા મુદ્દા પર વાત કરતા, કોબ જેમણે ટ્રમ્પના પ્રથમ કાર્યકાળ દરમિયાન વ્હાઇટ હાઉસના સલાહકાર તરીકે સેવા આપી હતી – કહ્યું, “તેમાં કોઈ શંકા નથી. મારો મતલબ છે કે, આપણે છેલ્લા 18 મહિનામાં માનવ ઇતિહાસમાં સૌથી મોટો ભ્રષ્ટાચાર જોઈ રહ્યા છીએ.”

મીડિયા અહેવાલો અનુસાર, ન્યૂ યોર્કના એટર્ની જનરલ લેટિટિયા જેમ્સે ડોનાલ્ડ ટ્રમ્પ, ટ્રમ્પ જુનિયર અને એરિક ટ્રમ્પ સામે દાવો દાખલ કર્યો હતો, જેમાં આરોપ મૂકવામાં આવ્યો હતો કે તેમણે બેંકો પાસેથી વધુ અનુકૂળ શરતો પર લોન મેળવવા માટે તેમની સંપત્તિના મૂલ્યમાં (આશરે $2.2 બિલિયન સુધી) છેતરપિંડીથી વધારો કર્યો હતો.

ટ્રમ્પની નીતિઓથી તેને અને તેના પરિવારને જ ફાયદો

તેમણે કહ્યું કે ટ્રમ્પ જેમની સંપત્તિ ફોર્બ્સ દ્વારા $6 બિલિયન હોવાનો અંદાજ છે. દરરોજ સંપત્તિ અને શક્તિ એકઠી કરવાનું ચાલુ રાખે છે. તેમણે એમ પણ કહ્યું કે આ “છેતરપિંડી” “આઘાતજનક” ધોરણે થઈ રહી છે. 2016 માં રશિયન ચૂંટણી હસ્તક્ષેપ અંગે રોબર્ટ મુલરની સ્પેશિયલ કાઉન્સેલ તપાસ સંબંધિત બાબતો પર વ્હાઇટ હાઉસની આંતરિક કાનૂની ટીમનું નેતૃત્વ કર્યા પછી કોબે 2018 માં પ્રથમ ટ્રમ્પ વહીવટ છોડી દીધો હતો.

વિશ્લેષકોનું માનવું છે કે ટ્રમ્પની વધતી સંપત્તિ અને તેમના વ્યાપારિક હિતોને લઈને ઉઠેલા સવાલો આગામી અમેરિકન રાજકારણમાં મોટો મુદ્દો બની શકે છે. વિરોધ પક્ષના નેતાઓ પણ આ મામલે પારદર્શિતાની માંગ કરી રહ્યા છે અને આક્ષેપોની સ્વતંત્ર તપાસ થવી જોઈએ તેવી માંગ ઉઠાવી રહ્યા છે. જોકે, ટ્રમ્પ અથવા તેમના પ્રતિનિધિઓ તરફથી આ આરોપો અંગે હજુ સુધી કોઈ સત્તાવાર પ્રતિક્રિયા આપવામાં આવી નથી.

Breaking News : રશિયા-યુક્રેન વોર ફરી ભડક્યું? પુતિનની સેનાએ કિવ પર કર્યા બેલિસ્ટિક મિસાઈલથી તાબડતોડ હુમલા, આ સ્ટોરી વાંચવા અહીં ક્લિક કરો