સંયુક્ત રાષ્ટ્ર મહાસભામાં 25મી સપ્ટેમ્બરે સંબોધન કરશે મોદી, આતંકવાદ, કોરોના વેક્સિન, આબોહવા જેવા મુદ્દાઓ ઉઠાવશે

ભારત અમેરિકાના ન્યૂયોર્ક શહેરમાં સંયુક્ત રાષ્ટ્ર મહાસભા (UNGA) ના 76 માં સત્ર દરમિયાન આતંકવાદ, કોરોના વેક્સિન, આબોહવા પરિવર્તન જેવા મુદ્દાઓ ઉઠાવશે. સંયુક્ત રાષ્ટ્રસંઘમાં ભારતના સ્થાયી પ્રતિનિધિ ટી.એસ. તિરુમૂર્તિએ જણાવ્યું છે કે ભારત ઉચ્ચસ્તરની યુએન જનરલ એસેમ્બલીમાં આતંકવાદ, આબોહવા પરિવર્તન,વેક્સિન માટે ન્યાયી અને સસ્તું વપરાશ જેવા વૈશ્વિક મુદ્દાઓ ભારપૂર્વક ઉઠાવશે. સંયુક્ત રાષ્ટ્રમાં ભારતના કાયમી પ્રતિનિધિ ટીએસ તિરુમૂર્તિએ સમાચાર સંસ્થાને ણાવ્યું હતું કે અફઘાનિસ્તાનની સ્થિતિ અને કોવિડ -19 રોગચાળા પર સંયુક્ત રાષ્ટ્ર મહાસભા (UNGA) ના 76 માં સત્રમાં ચર્ચા થવાની અપેક્ષા છે.

તેમણે જણાવ્યું હતું કે, કોવિડ -19 રોગચાળો અને તેની માનવતાવાદી અસર સિવાય, આ સત્રના ઉચ્ચસ્તરના સેગમેન્ટમાં પ્રભુત્વ ધરાવતી અન્ય સમસ્યાઓમાં વૈશ્વિક આર્થિક મંદી, આતંકવાદ અને સંબંધિત મુદ્દાઓ, આબોહવા પરિવર્તન, મધ્ય પૂર્વ અને આફ્રિકામાં ચાલી રહેલા સંઘર્ષોનો સમાવેશ થાય છે. આ ઉપરાંત અફઘાનિસ્તાનમાં તાજેતરની સ્થિતિ અને સંયુક્ત રાષ્ટ્ર સુરક્ષા પરિષદના કેટલાક જરૂરી સુધારા સંદર્ભે પણ ચર્ચા વિચારણાઓ કરાશે.

સંયુક્ત રાષ્ટ્ર મહાસભાનું 76 મો સત્ર 14 સપ્ટેમ્બરથી શરૂ થયું છે અને વિદાય લેનાર અધ્યક્ષ વોલ્કન બોઝકીરે સામાન્ય સભાના અધ્યક્ષનો કાર્યભાર શાહિદને સોંપ્યો છે. 59 વર્ષીય શાહિદ આ વર્ષે 7 જુલાઈએ સામાન્ય સભાના 76 માં સત્રના અધ્યક્ષ તરીકે ચૂંટાયા હતા. યુએન જનરલ એસેમ્બલીનું 76 મુ સત્ર મંગળવારે શરૂ થયું અને વિદાય લેનારા અધ્યક્ષ વોલ્કન બોઝકિયરે શાહિદને સામાન્ય સભાના અધ્યક્ષનો હવાલો સોંપ્યો. 59 વર્ષીય શાહિદ આ વર્ષે 7 જુલાઈએ સામાન્ય સભાના 76 માં સત્રના અધ્યક્ષ તરીકે ચૂંટાયા હતા.

યુનાઇટેડ નેશન્સ જનરલ એસેમ્બલી (UNGA) ના 76 માં સત્રના ઉચ્ચસ્તરીય સપ્તાહમાં સામાન્ય ચર્ચા 21 સપ્ટેમ્બરથી શરૂ થશે, યુએસ પ્રમુખ જો બાઈડન મંગળવારે (21 સપ્ટેમ્બર) વિશ્વના નેતાઓને સંબોધશે. ભારતના વડાપ્રધાન નરેન્દ્ર મોદી 25 સપ્ટેમ્બરે સામાન્ય સભાને સંબોધિત કરશે.

સંયુક્ત રાષ્ટ્રસંઘમાં ભારતના સ્થાયી પ્રતિનિધિ ટી.એસ. તિરુમૂર્તિએ સમાચાર સંસ્થાને જણાવ્યું કે તેમણે સંયુક્ત રાષ્ટ્ર મહાસભાના 76 માં સત્રના અધ્યક્ષ તરીકે શાહિદનું હાર્દિક સ્વાગત કર્યું. તેમણે કહ્યું કે ભારત તેમના કાર્યકાળ દરમિયાન તેમની સાથે સહયોગ કરવા આતુર છે. સંયુક્ત રાષ્ટ્રના મહાસચિવ એન્ટોનિયો ગુટેરેસે 76 માં સત્રની શરૂઆતમાં પોતાની ટિપ્પણીમાં જણાવ્યું હતું કે આજે વિશ્વ જે પડકારો અને વિભાગોનો સામનો કરી રહ્યું છે તે કુદરત દ્વારા નહીં, પણ માનવસર્જિત છે.

આ પણ વાંચોઃ દિલ્લી એરપોર્ટ પર CISF જવાનોએ ગેરવર્તનનો કર્યુ હોવાનો અભિનેત્રી આયશા શર્માનો આક્ષેપ

આ પણ વાંચોઃ MI vs CSK: મેચ દરમિયાન ધોની બ્રાવો પર ગુસ્સે થયો, જુઓ વીડિયો