Yunhai 1-02 Break Up: આ વર્ષે માર્ચમાં ચીની ઉપગ્રહ રહસ્યમય રીતે નાશ પામ્યો હતો. હવે આ ઘટના પાછળનું કારણ જાણી શકાયું છે. એવું કહેવામાં આવી રહ્યું છે કે, ચીની ઉપગ્રહને રશિયન રોકેટે જોરદાર ટક્કર મારી હતી (Chinese Satellite in Space). Yunhai 1-02 ચીનનો લશ્કરી ઉપગ્રહ હતો.
વાસ્તવમાં 22 માર્ચે અમેરિકાની સ્પેસ ફોર્સની 18મી સ્પેસ કંટ્રોલ સ્ક્વોડ્રોન (SPCS)એ એક ટ્વિટમાં જણાવ્યું હતું કે, સપ્ટેમ્બર 2019માં લોન્ચ કરવામાં આવેલા ચાઈનીઝ સેટેલાઈટ Yunhai 1-02ને અસર થઈ છે. પરંતુ આ પાછળનું કારણ આપવામાં આવ્યું નથી.
તેના ટ્વિટમાં, સ્ક્વોર્ડે જણાવ્યું હતું કે તેનું “વિશ્લેષણ ચાલુ છે.” તેને કાટમાળના 21 નવા ટુકડા મળ્યા છે. હવે આ વિશે, મેસેચ્યુસેટ્સમાં હાર્વર્ડ-સ્મિથસોનિયન સેન્ટર ફોર એસ્ટ્રોફિઝિક્સના (Harvard-Smithsonian Center for Astrophysics) ખગોળશાસ્ત્રી જોનાથન મેકડોવેલે જણાવ્યું હતું કે, ચીની ઉપગ્રહ કાટમાળ સાથે અથડાયો હતો. તેણે કહ્યું કે, આ કાટમાળ જૂની Zenit-2 શ્રેણીના રશિયન રોકેટનો છે. આ રોકેટે વર્ષ 1996માં રશિયાનો જાસૂસી ઉપગ્રહ સેલિના-2 અવકાશમાં છોડ્યો હતો.
મેકડોવેલે કહ્યું કે, ચીનના ઉપગ્રહ દ્વારા અસરગ્રસ્ત કાટમાળનો ટુકડો 4 થી 20 ઇંચ પહોળો હતો. તે ક્ષતિગ્રસ્ત રશિયન રોકેટમાંથી આવ્યો હતો. મેકડોવેલના જણાવ્યા અનુસાર, ફેબ્રુઆરી 2009 પછી પૃથ્વીની ભ્રમણકક્ષામાં આ પહેલી મોટી અથડામણ હતી.
2009માં ઇરિડીયમ 33 (Iridium 33) સંચાર ઉપગ્રહ રશિયન સૈન્યના નિષ્ક્રિય સંચાર ઉપગ્રહ કોસ્મોસ-2251 સાથે ટકરાયો હતો. નાસાએ આ ઘટનાને ‘સૌથી ગંભીર’ ઘટના ગણાવી હતી. કારણ કે આ અથડામણમાં 4 ઇંચ કરતા મોટો 1800થી વધુ કાટમાળ પેદા થયો હતો.
મેકડોવેલના જણાવ્યા અનુસાર Yunhai 1-02 સાથે પણ આવું જ થયું હતું. માહિતી અનુસાર, ચીનનો ઉપગ્રહ સપાટીથી 780 કિમી ઉપર પ્રભાવિત થયો હતો. જે જાસૂસ રોકેટના કાટમાળથી અથડાયો હતો. અમેરિકાની 18મી સ્પેસ કંટ્રોલ સ્ક્વોડ્રોન વિશે વાત કરીએ તો તે યુએસ સ્પેસ સર્વેલન્સ નેટવર્ક (Chinese Satellite Yunhai 1-02)ને સપોર્ટ કરે છે.
તેનું કામ અવકાશમાં પદાર્થોને ટ્રેક કરવાનું છે અને તે અંતરિક્ષમાં જ 27 હજારથી વધુ માનવસર્જિત પદાર્થોને પણ ટ્રેક કરે છે. સ્ક્વોડ્રને અગાઉ કહ્યું હતું કે, ચીનનો YUNHAI 1-02 ઉપગ્રહ કેટલીક રહસ્યમય અસરને કારણે તૂટી ગયો છે. આવરાશમાં થતી આ પ્રકારની ઘટનાઓ ચિંતાનો વિષય બની રહી છે.