Dublin News : ડબલિન એરપોર્ટ પર કથિત રીતે છરાબાજીની ઘટના બાદ હુમલો કરનારની કરાઇ ધરપકડ
શનિવારે ડબલિન એરપોર્ટ પર ટર્મિનલ 1 ની બહાર બનેલી ઘટનામાં કથિત રૂપે ઘણી વખત છરા માર્યા બાદ હોસ્પિટલમાં ખસેડવામાં આવ્યો છે. કથિત છરાબાજીની ઘટના સવારે 11am અને મધ્યાહન વચ્ચે બની હતી. મળતી માહિતી મુજબ એક બિન-રાષ્ટ્રીય વ્યક્તિએ ઇમારતની બહાર એક વ્યક્તિને બેફામ છરા મારવાનું શરૂ કર્યું હતું.
ડબલિન એરપોર્ટ પર છરા વડે હુમલાની ઘટનામાં 50 વર્ષની વયના એક વ્યક્તિની થોડા સમય બાદ એરપોર્ટ પોલીસે ધરપકડ કરી હતી. એર નેવિગેશન ટ્રાન્સપોર્ટ એક્ટ હેઠળ, એરપોર્ટ પોલીસ પાસે એરપોર્ટ પ્રોપર્ટી પર કોઈપણ વ્યક્તિ અથવા વાહનને રોકવા, શોધવા અને અટકાયત કરવાની સત્તા છે.
ટર્મિનલમાં કામ કરતી એક વ્યક્તિએ નામ ન આપવાની શરતે કહ્યું: “હું જ્યાં કામ કરું છું તે ટર્મિનલની બહાર મારમારીની ઘટના બની હતી. આ વ્યક્તિ, જે બિન-રાષ્ટ્રીય છે, તેણે તેની આસપાસના લોકોને કથિત રીતે છરી મારવાનો પ્રયાસ શરૂ કર્યો.
“તેને કમનસીબે એક વૃદ્ધ માણસ મળ્યો અને કથિત રીતે તેને છરી મારતો રહ્યો. તે ખૂબ જ વિચિત્ર હતું અને મુસાફરી કરનારાઓ અને અમે અંદર કામ કરતા લોકો ખૂબ જ ગભરાઈ ગયા હતા. દરેક જગ્યાએ એરપોર્ટ પોલીસ હતી.
“ઘટના બની રહી હતી ત્યારે તેઓએ (એરપોર્ટ પોલીસે) ટર્મિનલ વનની બહારનો રસ્તો બંધ કરી દીધો હતો. મહત્વનુક છે આ ઘટના અત્યંત દુખ દાઈ હતી. એરપોર્ટના ઓપરેટરો ડાએ જણાવ્યું હતું કે આ ઘટનાના પરિણામે કોઈપણ ફ્લાઈટમાં કોઈ વિક્ષેપ પડ્યો નથી.
પોલીસ અધિકારી જણાવ્યુ કે, રવિવાર 17 મી સપ્ટેમ્બર 2023, ડબલિન એરપોર્ટ, કો ડબલિન ખાતે ટર્મિનલ 1 ની બહાર જાહેરમાં હુમલાની ઘટના બની હતી. ઇજાગ્રસ્ત માણસને ગંભીર ઇજાઓ થતાં સારવાર માટે બ્યુમોન્ટ હોસ્પિટલમાં લઈ જવામાં આવ્યો હતો.
આ દરમ્યાન હુમલો કરનારની ધરપકડ કરવામાં આવી છે. ધરપકડ કરાયેલ વ્યક્તિ, તેની ઉંમર પણ 50 વર્ષ છે, હાલમાં ઉત્તર ડબલિનના પોલીસ સ્ટેશન પર ક્રિમિનલ જસ્ટિસ એક્ટ 1984 ની કલમ 4 હેઠળ પોલીસ ગિરફ્તમાં છે. પોલીસે જણાવ્યુ કે આ ઘટના સ્થળ ફોરેન્સિક તપાસ માટે કોર્ડન કરવામાં આવ્યું છે.
આ પણ વાંચો : મેલબોર્નના પશ્ચિમમાં બે કાર વચ્ચે ગમખ્વાર અકસ્માત, એકનું મોત, ત્રણ ઘાયલ
પોલીસ હવે ખાસ કરીને રાહદારીઓ જેઓ સવારે 11am અને 11.45am ની વચ્ચે ટર્મિનલ 1 ની આસપાસ હતા તેઓને 01-666 4950 પર ડબલિન એરપોર્ટ ગાર્ડા સ્ટેશનનો, 1800-616111611 પર ગાર્ડા કોન્ફિડેન્શિયલ લાઇન પર સંપર્ક કરવા અપીલ કરી રહ્યાં છે. જેથી યોગ્ય માહિતી મળી શકે.
આંતરરાષ્ટ્રીય તમામ સમાચાર વાંચવા માટે અહીં ક્લિક કરો
