ચીનથી આવનારી તમામ ઉડાનો પર અમેરિકાએ લગાવ્યો પ્રતિબંધ

કોરોના વાઈરસને લઈ ચીન અને અમેરિકાના સંબંધો તીખા થઈ રહ્યા છે. અમેરિકાએ ચીનની વિરૂદ્ધ વધુ એક પગલું લીધું છે. ટ્રમ્પ પ્રશાસને ચીનથી આવનારી તમામ ઉડાનો પર પ્રતિબંધ લગાવી દીધો છે. આ પ્રતિબંધ 16 જૂનથી લાગૂ થશે. અમેરિકાના ટ્રાન્સપોર્ટ વિભાગે તેની જાહેરાત કરી છે. આ નિર્ણય પછી ચીનની ઉડાન અમેરિકામાં પ્રવેશ નહીં કરી શકે.

અમેરિકાએ આ પગલું ત્યારે લીધું છે, જ્યારે દુનિયાની બે મોટી અર્થવ્યવસ્થાની વચ્ચે ફ્લાઈટ્સને લઈ હાલના કરારનું પાલન કરવામાં ચીન નિષ્ફળ રહ્યું. અમેરિકામાં કોરોનાથી મચેલી તબાહી પછી બંને દેશોના સંબંધોમાં કડવાશ આવી છે. ચીનની ઉડાનો પર આ પ્રતિબંધ 16 જૂનથી શરૂ થશે. આ પહેલા અમેરિકાની ડેલ્ટા એરલાઈન્સ અને યૂનાઈટેડ એરલાઈન્સે આ મહિને ચીન માટે ફરીથી ઉડાનો શરૂ કરવા માટે કહ્યું હતું. ત્યારે ચીની એરલાઈન્સે મહામારી દરમિયાન પણ અમેરિકા માટે પોતાની ઉડાનો ચાલુ રાખી હતી.

અમેરિકાએ ગયા મહિને બીજિંગ પર અમેરિકી એરલાઈન્સ માટે ચીનની ઉડાન ફરીથી શરૂ કરવાને અસંભવ બનાવવાનો આરોપ લગાવ્યો હતો. અમેરિકી પરિવહન વિભાગે સરકારી વેબસાઈટ પર પ્રકાશિત એક આદેશમાં કહ્યું હતું કે ડેલ્ટા એરલાઈન્સ અને યૂનાઈટેડ એરલાઈન્સ જૂનમાં ચીન માટે ઉડાન શરૂ કરવા ઈચ્છે છે.

ઉલ્લેખનીય છે કે અમેરિકી એરલાઈન્સ કંપનીઓના વિમાન ફાઈવ વન પોલીસી છતાં ચીન માટે ઉડાન નથી ભરી રહ્યા. તેના પાછળ એ કારણ બતાવવામાં આવી રહ્યું છે કે અમેરિકી કંપનીઓએ ચીની નાગરિક ઉડ્ડયન પ્રશાસન તરફથી લગાવેલી રોક પહેલા જ પોતાની ઉડ્ડાનો સ્થગિત કરી દીધી હતી.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]