VIDEO : ભારતની સાથે અનેક દેશોમાં દિવાળીના પર્વની ઉજવણી, અમેરિકાના રાષ્ટ્રપતિ જો બાઈડને પણ ઉજવ્યો તહેવાર
જો બાઈડને ટ્વીટર પર લખ્યું કે, દિવાળી એ એક રિમાઈન્ડર છે કે આપણા દરેક પાસે અંધકાર દૂર કરવાની અને દુનિયામાં અજવાળું પાથરવાની શક્તિ છે. આજે વ્હાઈટહાઉસમાં આ ખુશીના અવસર પર જશ્ન મનાવતા ખુશી થઈ રહી છે.
Diwali 2022 : ભારતની સાથે- સાથે વિદેશમાં પણ અનેક જગ્યાએ દિવાળીની ભવ્ય ઉજવણી થઈ. અમેરિકામાં (America) લોકોએ પ્રકાશના પાવન પર્વની ઉજવણી કરી. ખુદ અમેરિકાના રાષ્ટ્રપતિ જો બાઈડને (President Joe Biden) પણ દિવાળીનો તહેવાર ઉજવ્યો. તેમણે વ્હાઈટ હાઉસમાં (White House) ઉપરાષ્ટ્રપતિ કમલા હેરિસ સહિત અન્ય સભ્યો સાથે દીવા પ્રગટાવીને દિવાળી મનાવી.
અમેરિકામાં લોકોએ પ્રકાશના પાવન પર્વની ઉજવણી કરી.ખુદ અમેરિકાના રાષ્ટ્રપતિ જો બાઈડને પણ દિવાળીનો તહેવાર ઉજવ્યો #TV9GujaratiNews pic.twitter.com/IcZHV13zoQ
— Tv9 Gujarati (@tv9gujarati) October 25, 2022
બાઈડને ટ્વીટર પર દિવાળીની આપી શુભકામના
તો આ સાથે બાઈડને ટ્વીટર પર ઉજવણીનો ફોટો શેર કરતા લખ્યું છે કે દિવાળી (Diwali) એ એક રિમાઈન્ડર છે કે આપણા દરેક પાસે અંધકાર દૂર કરવાની અને દુનિયામાં અજવાળું પાથરવાની શક્તિ છે. આજે વ્હાઈટહાઉસમાં આ ખુશીના અવસર પર જશ્ન મનાવતા ખુશી થઈ રહી છે.
This Diwali, may we remember that from darkness there is power in the gathering of light. That the American story depends not on any one of us, but on all of us.
To those celebrating and connecting with one another during this festival of lights: Happy Diwali. pic.twitter.com/yrByVDXAvr
— President Biden (@POTUS) October 24, 2022
ઋષિ સુનકનો પરિવાર મૂળ પંજાબનો રહેવાસી
તો બીજી તરફ દિવાળીના અવસર પર ભારતને વધુ એક સારા સમાચાર મળ્યા છે. ભારતીય મૂળના ઋષિ સુનક બ્રિટનના નવા વડાપ્રધાન તરીકે ચૂંટાયા છે. બ્રિટનના વડાપ્રધાન તરીકે ભારતીય મૂળના નાગરિકની પસંદગી કરવામાં આવી હોય તેવી આ પ્રથમ ઘટના છે. સુનકને અડધાથી વધુ બ્રિટિશ સાંસદોએ કન્ઝર્વેટિવ પાર્ટીના નેતા તરીકે ચૂંટ્યા છે. બોરિસ જોન્સનના રાજીનામાથી સુનક વડાપ્રધાન પદની રેસમાં હતા, પરંતુ તેમને લિઝ ટ્રસના હાથે હારનો સામનો કરવો પડ્યો હતો. બાદમાં ટ્રસને રાજીનામું આપવું પડ્યું અને ત્યારબાદ સુનકે ફરીથી પીએમ પદ માટે દાવો રજૂ કર્યો હતો.
