ગજબ હો બાકી ! નાગરિકો કોરોનાની ગાઇડલાઇનનું પાલન ના કરવા છતાં પણ આ જગ્યા પર આજ દિવસ સુધી નથી પહોંચ્યો કોરોના
2019થી દુનિયા ભરમાં કોરોનાનો કહેર છે. ત્યારે મીડિયા રિપોર્ટ અનુસાર, આ જગ્યાએ કોરોનાનો એક પણ કેસ સામે આવ્યો નથી. અહીં લોકો સામાન્ય જીવન જીવી રહ્યા છે.
2019થી શરૂ થયેલી કોરોના (corona) મહામારીએ સમગ્ર વિશ્વમાં લાખો લોકોના જીવ લીધા છે. તો કરોડો લોકો સંક્રમિત થયા છે. જેના કારણે દુનિયાના ઘણા દેશોએ લોકડાઉન કરતા દોડધામભરી જીંદગી પર બ્રેક લાગી ગઈ હતી. આ કોરોનાને કારણે કેટલાક લોકોએ પોતાનો જીવ ગુમાવ્યો અને ઘણી મહાન હસ્તીઓએ પોતાનો જીવ ગુમાવ્યો છે. પરંતુ શું તમે જાણો છો કે દુનિયામાં એક એવી જગ્યા હતી જ્યાં કોરોના હજુ સુધી પહોંચ્યો નથી.
વાંચીને આંચકો લાગ્યો ને ? પરંતુ આ સાચું છે. અમે વાત કરી રહ્યા છીએ સેન્ટ હેલેના (Saint Helena) ટાપુની. એક મીડિયા રિપોર્ટ અનુસાર, આ જગ્યાએ કોરોનાનો એક પણ કેસ સામે આવ્યો નથી. સેન્ટ હેલેનાની સૌથી ખાસ વાત એ છે કે અહીં કોરોનાના કોઈ નિયમોનું પાલન કરવામાં આવતું નથી, અહીંના લોકો પહેલાની જેમ સામાન્ય જીવન જીવી રહ્યા છે. માસ્ક કે સામાજિક અંતરની જરૂર નથી.
આ ટાપુ નેપોલિયનના કારણે જાણીતો છે જો આપણે સલામતીની વાત કરીએ તો અહીંના લોકો સમયાંતરે હાથ ધોતા હોય છે અને ખાંસતી વખતે કોણી વડે મોં ઢાંકે છે. આ સિવાય અહીં સુરક્ષાની અન્ય પદ્ધતિઓ અપનાવવામાં આવતી નથી. કોરોનાના શૂન્ય કેસને કારણે અહીં પ્રવાસીઓની ભીડ જોવા મળે છે. અહીં લોકો પહેલાની જેમ સામાન્ય જીવન જીવી રહ્યા છે. માસ્ક કે સામાજિક અંતરની જરૂર નથી.
બ્રિટન કોરોનાથી ખરાબ રીતે હચમચી ગયું હતું. જ્યાં આ ટાપુએ બુદ્ધિપૂર્વક કોરોના મહામારીને કંટ્રોલ કર્યું હતું. જે પણ પ્રવાસીઓ અહીં આવે છે. તેઓ આગમનના 72 કલાક પહેલા કોરોના નેગેટિવ રિપોર્ટ અને નીકળતા પહેલા નેગેટિવ રિપોર્ટ સબમિટ કરે છે.
તમને જણાવી દઈએ કે આ આઈલેન્ડ માત્ર 120 ચોરસ કિલોમીટરમાં ફેલાયેલો છે. દક્ષિણ એટલાન્ટિક મહાસાગરની મધ્યમાં આવેલા આ ટાપુમાં પાંચ હજારથી વધુ લોકો રહે છે. આ ટાપુ નેપોલિયનના કારણે જાણીતો છે. આ એ જ આઈલેન્ડ છે જ્યાં વર્ષ 1821માં નેપોલિયનનું મૃત્યુ થયું હતું.
