ચીનમાં ફરી વધ્યા કોરોના કેસ, એક મહિનામાં સૌથી વધુ કેસ નોંધાતા ઘણા વિસ્તારોમાં લૉકડાઉન લગાવાયુ
કોરોના વાયરસે ફરીથી ચીનને પોતાની ચપેટમાં લીધુ છે. કોરોનાના કેસ ચીનમાં ખૂબ જ ઝડપથી વધી રહ્યા છે. જેથી સંક્રમણથી બચવા માટે ચીન ઝીરો ટોલરન્સની નીતિ અપનાવી રહ્યુ છે.
ફરી એકવાર કોરોના વાયરસે(Corona virus) ચીન પર કબ્જો જમાવવાનું શરુ કર્યુ છે. ચીન(China)માં છેલ્લા એક મહિનામાં સૌથી વધુ કેસ મંગળવારે નોંધાયા છે. અહીં 91 નવા કેસની પુષ્ટિ થઈ છે. જ્યારે તેના એક દિવસ પહેલા જ 21 કેસ નોંધાયા હતા. નેશનલ હેલ્થ કમિશન(National Health Commission)ના ડેટા અનુસાર, તમામ 91 કેસ ચીનના ઉત્તરીય ક્ષેત્ર ઇનર મંગોલિયા(Inner Mongolia)માંથી નોંધાયા છે
ત્રણ દિવસમાં 132 કેસ
આંતરિક મંગોલિયામાં, ત્રણ દિવસમાં એટલે કે 28 નવેમ્બરથી 30 નવેમ્બર સુધીમાં કોરોના વાયરસના લક્ષણોવાળા 132 કેસ મળી આવ્યા છે. જેના કારણે ઘણા વિસ્તારોમાં લોકડાઉન લાગુ કરવું પડ્યું છે.
મંઝૌલી શહેરમાં 70 ટકાથી વધુ કેસ
રશિયાની સરહદે આવેલા મંઝૌલી શહેરમાં 70 ટકાથી વધુ કેસ જોવા મળ્યા છે. જો કે આ શહેરમાં કેસોની સંખ્યા બાકીના ચીનની તુલનામાં હજુ પણ ઓછી છે. મંઝૌલીએ તરત જ લોકોને શહેરની બહાર જવા પર પ્રતિબંધ મૂક્યો છે અને બચાવના પગલાં અપનાવ્યા છે. આ સાથે રેલવે દ્વારા આવતા કન્ટેનર વગરના આયાતી માલને પણ બંધ કરી દેવામાં આવ્યો છે અને જાહેર સ્થળોએ લોકોને એકઠા કરવા પર પ્રતિબંધ મુકવામાં આવ્યો છે.
પ્રારંભિક કેસો શ્રમિકોમાં જોવા મળે છે
મંઝૌલીમાં પ્રારંભિક કેસો આયાતી માલસામાન સંભાળતા કામદારોમાં નિયમિત તપાસ દરમિયાન મળી આવ્યા હતા. આંતરિક મંગોલિયાના એક આરોગ્ય અધિકારીએ મંગળવારે મોડી રાત્રે રાજ્ય ટેલિવિઝનને જણાવ્યું હતું કે સત્તાવાળાઓ 14 દિવસની અંદર પરિસ્થિતિને નિયંત્રિત કરશે. 30 નવેમ્બર સુધીમાં, ચીને 98,824 કોરોનાવાયરસ કેસની પુષ્ટિ કરી છે, જેમાં સ્થાનિક અને વિદેશી બંને આગમનનો સમાવેશ થાય છે. મૃત્યુઆંક હજુ પણ માત્ર 4,636 છે.
ઓમિક્રોન વેરિઅન્ટ માટે કોઈ કેસ નથી
ચીન કોરોના વાયરસના સંક્રમણને રોકવા માટે ઝીરો ટોલરન્સની નીતિ અપનાવી રહ્યું છે. ચીનમાં ઓમિક્રોન વેરિઅન્ટ્સથી થતો કોઈ ચેપ જોવા મળ્યો નથી, ચીનના રોગ નિયંત્રણ અને નિવારણ કેન્દ્રોના અધિકારી ઝુ વેન્બોએ મંગળવારે એક ન્યૂઝ બ્રીફિંગમાં આ અંગે જણાવ્યું હતું કે, ”તાજેતરના વધતા કેસ વિશે વાત કરીએ તો, આંતરિક મંગોલિયામાં ચેપ ઝડપથી વધ્યો છે. મધ્ય ઓક્ટોબર અને મધ્ય નવેમ્બર વચ્ચે ચીનમાં ડેલ્ટા વેરિઅન્ટના રેકોર્ડ કેસ નોંધાયા છે.”
આ પણ વાંચોઃ વડાપ્રધાન નરેન્દ્ર મોદી 4 ડિસેમ્બરે દેહરાદૂનમાં 18,000 કરોડના પ્રોજેક્ટનું ઉદ્ઘાટન-શિલાન્યાસ કરશે
આ પણ વાંચોઃ VADODARA : SSG હોસ્પિટલના ન્યુરો સર્જરી વિભાગના તબીબોની જટિલ ઓપરેશનમાં સફળતા