ઇન્ડોનેશિયા-ફિલિપાઇન્સ આર્મી અને મલેશિયાનું સંરક્ષણ મંત્રાલય ચીની હેકર્સના નિશાના પર, જાણો ક્યા દેશોને નિશાન બનાવી રહ્યું છે ચીન

Chinese Hackers Targeted SCS Countries:ચીનના રાજ્ય પ્રાયોજિત હેકર્સ દક્ષિણપૂર્વ એશિયામાં સરકારી અને ખાનગી ક્ષેત્રની સંસ્થાઓને વ્યાપકપણે નિશાન બનાવી રહ્યા છે. આમાં ઇન્ફ્રાસ્ટ્રક્ચર ડેવલપમેન્ટ પ્રોજેક્ટ્સ (Infrastructure development projects) પર બેઇજિંગ સાથે નજીકથી સંકળાયેલી સંસ્થાઓનો સમાવેશ થાય છે. યુએસ સ્થિત એક ખાનગી સાયબર સિક્યોરિટી કંપનીએ બુધવારે જાહેર કરેલા એક રિપોર્ટમાં આ માહિતી આપી છે. મેસેચ્યુસેટ્સ સ્થિત રેકોર્ડેડ ફ્યુચરની ચેતવણી સંશોધન સંસ્થા ઈન્સેક્ટ ગ્રૂપના જણાવ્યા અનુસાર, હેકરોના મુખ્ય લક્ષ્યો થાઈલેન્ડના વડાપ્રધાન કાર્યાલય અને સૈન્ય છે.

આ સિવાય ઈન્ડોનેશિયા અને ફિલિપાઈન્સની નૌકાદળ, વિયેતનામની નેશનલ એસેમ્બલી (National Assembly)નું સેન્ટ્રલ ઓફિસ અને તેની કોમ્યુનિસ્ટ પાર્ટી અને મલેશિયાનું સંરક્ષણ મંત્રાલય (Defence Ministry) પણ તેમના નિશાના પર છે. જૂથે જણાવ્યું હતું કે, દક્ષિણપૂર્વ એશિયામાં હાઇ-પ્રોફાઇલ સૈન્ય અને સરકારી સંસ્થાઓને હેકર્સ દ્વારા ‘ફનીડ્રીમ’ અને ‘ચિનોક્સી’ જેવા સોફ્ટવેરનો ઉપયોગ કરીને નિશાન બનાવવામાં આવ્યા હતા. સોફ્ટવેર સાર્વજનિક રૂપે ઉપલબ્ધ નથી પરંતુ ચીન સરકાર દ્વારા પ્રાયોજિત જૂથો દ્વારા ઉપયોગમાં લેવાતું હોવાનું માનવામાં આવે છે.

ચીને જવાબ આપ્યો ન હતો

ચીનના વિદેશ મંત્રાલયે હજુ સુધી આ આરોપોનો જવાબ આપ્યો નથી. ભૂતકાળમાં, ચીની સત્તાવાળાઓએ હેકિંગ માટે કોઈપણ પ્રકારના સરકારી સમર્થનનો સતત ઇનકાર કર્યો છે અને તેના બદલે ચીન પોતે જ સાયબર હુમલાઓ (China Hacking)નું મુખ્ય લક્ષ્ય હોવાનું જાળવી રાખે છે. ‘ઈન્સેક્ટ ગ્રૂપ’એ અહેવાલ આપ્યો છે કે મલેશિયા, ઈન્ડોનેશિયા અને વિયેતનામ ટોચના ત્રણ દેશો છે જે સાયબર હુમલાનું નિશાન છે. આ સાથે મ્યાનમાર, ફિલિપાઈન્સ, લાઓસ, થાઈલેન્ડ, સિંગાપોર અને કંબોડિયા પણ હેકર્સના નિશાના પર છે.

તમામ દેશોને જાણ કરવામાં આવી

કંપનીએ કહ્યું કે ઓક્ટોબરમાં આ રિપોર્ટના પરિણામ વિશે તમામ દેશોને જાણ કરવામાં આવી હતી. 2021 માં, ઈન્સેક્ટ ગ્રૂપે વડા પ્રધાનના કાર્યાલયો, સૈન્ય સ્થાપનો અને વિયેતનામ, મલેશિયા અને ફિલિપાઈન્સના સરકારી વિભાગોને નિશાન બનાવતી સાયબર જાસૂસી ઝુંબેશ શોધી કાઢી હતી, જે દક્ષિણ ચીન સમુદ્ર પર દાવો કરે છે, એમ તેણે જણાવ્યું હતું. આ દરમિયાન ઈન્ડોનેશિયા અને થાઈલેન્ડમાં પણ કેટલીક સંસ્થાઓને નિશાન બનાવવામાં આવી હતી.

આ પણ વાંચો : બિપિન રાવતના નામની આગળ PVSM, UYSM, AVSM, YSM, SM, VSM, ADC કેમ લખવામાં આવે છે, તેનો અર્થ શું છે?