શું ચીન તાઇવાન માટે અમેરિકા સાથે યુદ્ધ કરશે? બે પરમાણુ મહાસત્તાઓ વચ્ચે સંઘર્ષની સ્થિતિ
ચીન અને તાઈવાન વચ્ચે તણાવ વધી રહ્યો છે. ચીને અમેરિકા દ્વારા તાઈવાનને આપવામાં આવતી સૈન્ય સહાય સામે સખત વાંધો વ્યક્ત કર્યો છે. ચીને તો ત્યાં સુધી કહ્યું છે કે અમેરિકાએ રેડ લાઈન પાર ન કરવી જોઈએ. ચાઈના સમુદ્ર માં તણાવ માટે ચીને અમેરિકાને જવાબદાર ગણાવ્યું છે.
યુક્રેન યુદ્ધ અને મધ્ય પૂર્વ સંકટ વચ્ચે દક્ષિણ ચીન સાગરમાં વધુ એક યુદ્ધ મોરચાના સંકેત દેખાઈ રહ્યા છે. ચીન આ ક્ષેત્રમાં પોતાની સૈન્ય ક્ષમતામાં સતત વધારો કરી રહ્યું છે. તે કવાયતના બહાને તાઈવાનમાં ઘૂસણખોરી કરી રહ્યો છે અને અમેરિકાને આડકતરી રીતે પડકારી રહ્યો છે.
ચીનની સેના તાઈવાન પર હુમલો કરવાની તૈયારી કરી રહી છે. યુએસ ડિફેન્સ ડિપાર્ટમેન્ટના રિપોર્ટમાં આ વાત સામે આવી છે. PLA, જે તાઈવાન સ્ટ્રેટમાં લશ્કરી ઘેરો જાળવી રહી છે, તેણે 2025 માં તાઈવાન પર અચાનક હુમલો કરવાની યોજના બનાવી છે. આકાશ અને સમુદ્રમાંથી એક સાથે હુમલો થઈ શકે છે.
તાઇવાનની શક્તિમાં અનેકગણો વધારો કરશે
બાઈડેન વહીવટીતંત્રે તેના કાર્યકાળના અંતિમ દિવસોમાં ચીન વિરુદ્ધ મોટા નિર્ણયો લીધા છે. રોઇટર્સ અહેવાલ આપે છે કે બાઈડેન વહીવટીતંત્રે તાઇવાન માટે સંરક્ષણ સહાયમાં $ 571 મિલિયનને મંજૂરી આપી છે. જે તાઇવાનની શક્તિમાં અનેકગણો વધારો કરશે. ચીનની લડાયક કાર્યવાહી વચ્ચે તાઈવાનને અમેરિકન સહાય ચાલુ છે. અમેરિકાથી 38 અબ્રામ ટેન્કની પ્રથમ બેચ તાઈપેઈ પહોંચી છે. રિપોર્ટ અનુસાર અમેરિકાથી તાઈવાનને કુલ 108 ટેન્ક પહોંચાડવાની છે.
ચીને કહ્યું- અમેરિકાએ રેડ લાઈન પાર ન કરવી જોઈએ
તાઈવાનને અમેરિકન સૈન્ય સહાયથી નારાજ ચીને અમેરિકાને યુદ્ધની ચેતવણી આપી છે. ચીને કહ્યું છે કે, અમેરિકાએ રેડ લાઈન પાર ન કરવી જોઈએ. અમે અમારી સાર્વભૌમત્વ અને પ્રાદેશિક અખંડિતતા માટે કંઈ પણ કરી શકીએ છીએ. ચીન સમુદ્રમાં તણાવ માટે ચીને અમેરિકાને જવાબદાર ગણાવ્યું છે.
MND અહેવાલ આપે છે કે, ચીન AIDZ માં ઘૂસણખોરી કરીને તાઈવાનને યુદ્ધ માટે ઉશ્કેરવામાં આવી રહ્યું છે. ફરી એકવાર તાઈવાને તેના 6 નૌકા જહાજો અને 11 એરક્રાફ્ટને અટકાવ્યા. આટલું જ નહીં યુદ્ધ કવાયતના બહાને તેના 8 વિમાનોએ તાઈવાન સ્ટ્રેટમાં ઉડાન ભરી છે. એક વૈશ્વિક અહેવાલે તાઈવાન માટે ચીનના ખતરા અંગે ચિંતા વધારી છે. CSIS અને MITના રિપોર્ટમાં દાવો કરવામાં આવ્યો છે કે અમેરિકા તાઈવાન પર ચીનના હુમલાને રોકી શકશે નહીં. આજે ચીન દરેક પાસામાં અમેરિકન હથિયારોનો જવાબ આપવા સક્ષમ છે.
ચીન વિશે ચોંકાવનારા દાવા
પેન્ટાગોનના રિપોર્ટમાં ચીનને લઈને ચોંકાવનારો દાવો કરવામાં આવ્યો છે. જે મુજબ છેલ્લા એક વર્ષમાં તેણે 100 નવા પરમાણુ હથિયાર બનાવ્યા છે. હાલમાં તેની પાસે 600 થી વધુ પરમાણુ હથિયારો છે જે 2030 સુધીમાં 1 હજારને પાર કરી જશે. તાઈવાન માટે અમેરિકાનો મુકાબલો કરવા તૈયાર ચીને પોતાની સૈન્ય ક્ષમતા અનેક ગણી વધારી દીધી છે. પેન્ટાગોનના તાજેતરના અહેવાલમાં જણાવવામાં આવ્યું છે કે, ચીન પાસે હાલમાં સૌથી વધુ હાઈપરસોનિક મિસાઈલો છે, ચીન તેની રોકેટ ફોર્સ પણ વધારી રહ્યું છે.
(TV9 બ્યુરો રિપોર્ટ)