બ્રિટિશ કોર્ટે જુલિયન અસાંજેના પ્રત્યાર્પણનો રસ્તો સાફ કર્યો, અમેરિકામાં 175 વર્ષની થઈ શકે છે સજા

યુકેની એક અદાલતે (British court), નીચલી અદાલતના નિર્ણયને ફેરવીને વિકિલીક્સના (WikiLeaks) સ્થાપક જુલિયન અસાંજેના (Julian Assange) યુએસ પ્રત્યાર્પણને (US extradition) મંજૂરી આપી છે. આ નિર્ણયે યુકે કોર્ટના જાન્યુઆરીના નિર્ણયને ઉલટાવી દીધો હતો. જેમાં કહેવામાં આવ્યું હતું કે 50 વર્ષીય અસાંજેને તેના માનસિક સ્વાસ્થ્યને કારણે પ્રત્યાર્પણ કરી શકાશે નહીં, જ્યાં આત્મહત્યાનું જોખમ છે.

અસાંજે 2010 અને 2011 માં લશ્કરી અને રાજદ્વારી કેબલ પ્રકાશિત કરવામાં તેની ભૂમિકા માટે જાસૂસી કાયદા હેઠળ યુએસ સિસ્ટમમાં આરોપોનો સામનો કરી રહ્યો છે. અમેરિકાના અધિકારીઓએ દાવો કર્યો છે કે ગોપનીય રેકોર્ડ જાહેર થવાને કારણે લોકોનું જીવન જોખમમાં છે.

ઓસ્ટ્રેલિયન નાગરિક (Australian citizen)અસાંજે વર્ષ 2019 માં લંડનમાં ઇક્વાડોર દૂતાવાસમાંથી ( Ecuador Embassy ) તેની નાગરિકતા સમાપ્ત કર્યા પછી ધરપકડ કરવામાં આવી હતી. તે 7 વર્ષથી લંડનમાં એક્વાડોર એમ્બેસીમાં રહેતો હતો. અહેવાલો અનુસાર, અસાંજે યુ.એસ.એ.માં 18 ગંભીર આરોપોનો સામનો કરી રહ્યો છે અને જો દોષિત ઠરે તો તેને 175 વર્ષની જેલની સજા થઈ શકે છે.

આંતરરાષ્ટ્રીય સમાચાર સંસ્થાના અહેવાલ મુજબ, લોર્ડ જસ્ટિસ હોલરોઇડે સંકેત આપ્યો છે કે અસાંજે બીજી અપીલની માંગ કરી રહ્યા છે, અસાંજેના વકીલો તેના માનસિક સ્વાસ્થ્યને ટાંકીને પ્રત્યાર્પણને પડકારી રહ્યા હતા. જોકે, એ સ્પષ્ટ નથી કે પ્રત્યાર્પણના નિર્ણયને વધુ પડકારી શકાય કે કેમ.

આ વર્ષની શરૂઆતમાં નીચલી અદાલતના ન્યાયાધીશે એક દાયકા પહેલા વિકિલીક્સ દ્વારા ગુપ્ત લશ્કરી દસ્તાવેજોના પ્રકાશનના સંબંધમાં જાસૂસીના આરોપોનો સામનો કરી રહેલા અસાંજેને યુએસમાં પ્રત્યાર્પણ કરવાની યુએસ વિનંતીને ફગાવી દીધી હતી. ટ્રાયલ કોર્ટે કહ્યું હતું કે અસાંજેનું માનસિક સ્વાસ્થ્ય સારું નથી અને તેથી તેને પ્રત્યાર્પણ કરવું યોગ્ય નથી. જો કે, હવે એપેલેટ કોર્ટનો (Appellate Court) નિર્ણય અસાંજેની તરફેણમાં આવ્યો નથી અને પ્રત્યાર્પણનો માર્ગ ખુલી ગયો છે.

અસાંજે સામેના આરોપ બદલ તેને 175 વર્ષની જેલ થઈ શકે છે યુએસ પ્રોસિક્યુટર્સે અસાંજે પર વિકિલીક્સમાંથી લીક થયેલા હજારો લશ્કરી અને રાજદ્વારી દસ્તાવેજોના પ્રકાશન પર 17 જાસૂસીના આરોપો અને કોમ્પ્યુટરના દુરુપયોગની ગણતરીનો આરોપ મૂક્યો છે. આ આરોપોમાં મહત્તમ 175 વર્ષની જેલની સજા થઈ શકે છે. જોકે લુઈસે કહ્યું કે આ ગુના માટે અત્યાર સુધીની સૌથી લાંબી સજા 63 મહિનાની છે. 50 વર્ષીય અસાંજેને હાલમાં લંડનની ઉચ્ચ સુરક્ષાવાળી બેલમાર્શ જેલમાં રાખવામાં આવ્યો છે.

આ પણ વાંચોઃ

Team India: પૂર્વ ફિલ્ડીંગ કોચ શ્રીધરે કહ્યુ, રવિ શાસ્ત્રી સાથે ખૂબ મતભેદ થયા, 36 રન પર ઓલઆઉટ ને લઇને પણ કહી આ વાત