“ભારતમાં લઘુમતીઓ પર અત્યાચાર…” બાંગ્લાદેશ બોલવા લાગ્યુ પાકિસ્તાનની ભાષા, લગાવ્યો મોટો આરોપ

બાંગ્લાદેશ એ ભારતના મુસ્લિમો અને ઈસાઈઓ સહિત લઘુમતી સમુદાયો વિરુદ્ધ કથિત મોટા પાયે હિંસા પર ઘેરી ચિંતા વ્યક્ત કરી છે. આ નિવેદનમાં ક્રિસમસ દરમિયાન સમગ્ર ભારતમાં લઘુમતીઓ પર થયેલા હુમલાની તપાસ અને દોષિતોને ન્યાયના કટઘરામાં લાવવાની માગ કરાઈ છે. મોટી વાત એ છે કે બાંગ્લાદેશનું ભારત વિરોધી આ નિવેદન એ દિવસે આવ્યુ છે જ્યારે પાકિસ્તાને આજ આરોપો કપર ભારતને સમજાવવાનો પ્રયાસ કર્યો છે. એવામાં સવાલ ઉઠી રહ્યો છે કે શું બાંગ્લાદેશે પાકિસ્તાનના ઈશારે આવુ નિવેદન આપ્યુ?

પાકિસ્તાનની ભાવનાઓનું પ્રતિબિંબ પાડતા બાંગ્લાદેશે ભારતમાં લઘુમતીઓ પર થતી કથિત હિંસા પર ચિંતા વ્યક્ત કરી છે. તેણે ભારત સરકાર સાથે જોડાયેલા ગુનાઓ માટે જવાબદાર લોકો સામે કડક કાર્યવાહી કરવાની માંગ કરી છે. યુનુસ સરકારનું નિવેદન બાંગ્લાદેશમાં હિન્દુઓ સામે સંસ્થાકીય અને વ્યવસ્થિત હિંસા વચ્ચે આવ્યું છે.

બાંગ્લાદેશના વિદેશ મંત્રાલયે શું કહ્યું

બાંગ્લાદેશના વિદેશ મંત્રાલયના પ્રવક્તા એસ.એમ. મહબુબુલ આલમે ભારતમાં લઘુમતીઓ પર કથિત અત્યાચાર પર તેમની સરકારનું વલણ જણાવ્યું. તેમણે બાંગ્લાદેશમાં લઘુમતી સમુદાયોની સ્થિતિ અંગે ભારતીય વિદેશ મંત્રાલયના પ્રવક્તા દ્વારા કરવામાં આવેલી તાજેતરની ટિપ્પણીઓને “પ્રેરિત” ગણાવીને ફગાવી દીધી. એસ.એમ. મહબુબુલ આલમે ભારતના વિવિધ પક્ષોને બાંગ્લાદેશમાં લઘુમતી મુદ્દાઓ પર ખોટી માહિતી ફેલાવવાનું ટાળવા વિનંતી પણ કરી.

મુસ્લિમો અને ખ્રિસ્તીઓ પર કથિત હુમલા

મહબુબુલ આલમે કહ્યું, “ભારતમાં મુસ્લિમો અને ખ્રિસ્તીઓ સહિત વિવિધ લઘુમતી સમુદાયો વિરુદ્ધ ક્રૂર હત્યાઓ, મોબ લિંચિંગ, મનસ્વી ધરપકડો અને ધાર્મિક વિધિઓમાં અવરોધથી અમે ખૂબ ચિંતિત છીએ. જેમ તમે ઉલ્લેખ કર્યો છે, આ મહિનાની શરૂઆતમાં, ઓડિશામાં એક મુસ્લિમ યુવાન, જ્વેલ રાણાની નિર્દયતાથી હત્યા કરવામાં આવી હતી; બિહારમાં મોહમ્મદ અઝહર હુસૈનની નિર્દયતાથી હત્યા કરવામાં આવી હતી; કેરળમાં બાંગ્લાદેશી હોવાની શંકામાં એક નિર્દોષ વ્યક્તિની હત્યા કરવામાં આવી હતી; અને મુસ્લિમો અને ખ્રિસ્તીઓ સામે મોબ લિંચિંગ અને હિંસાના બનાવો વિવિધ સ્થળોએ બન્યા હતા.”

ભારત પાસેથી નિષ્પક્ષ તપાસની માંગણી

તેમણે વધુમાં કહ્યું, “ગયા અઠવાડિયે નાતાલની ઉજવણી દરમિયાન ભારતભરમાં ખ્રિસ્તીઓ વિરુદ્ધ થયેલી ભીડ દ્વારા હિંસાની ઘટનાઓથી બાંગ્લાદેશ પણ ખૂબ ચિંતિત છે. અમે આ ઘટનાઓની સ્પષ્ટ નિંદા કરીએ છીએ અને તેમને નફરતી કૃત્ય અને ટારગેટેડ હિંસા ગણીએ છીએ. અમને આશા છે કે ભારતના સંબંધિત અધિકારીઓ આ ઘટનાઓની નિષ્પક્ષ તપાસ કરશે અને ગુનેગારોને ન્યાયના કઠેડામાં લાવશે. અમે માનીએ છીએ કે દરેક દેશની જવાબદારી છે કે તે તેના લઘુમતી સમુદાયોની ગરિમાનું રક્ષણ કરે અને તેને જાળવી રાખે, અને દરેક દેશે આ જવાબદારી નિભાવવી જોઈએ.”

એક સમયે ભારતીય પેદાશના ઘઉંમાં વાયરસ હોવાનો દુષ્પ્રચાર કરનાર આ દેશ આજે ભારતના ઘઉંના એક-એક દાણા માટે તરસી રહ્યો છે-વાંચો