અમેરિકાના ઐતિહાસિક પુલ સાથે અથડાયું જહાજ, 20 સેકન્ડમાં જ પુલ થયો ધરાશાયી, Video
બ્રિજ તૂટી પડવાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં એક મોટું માલવાહક જહાજ પુલના થાંભલા સાથે અથડાયું, ત્યારબાદ પુલ પટાપ્સકો નદીમાં ડૂબી ગયો હતો. વીડિયોમાં પુલ પર ઘણી કાર પણ જોવા મળી રહી છે. જો કે હજુ સુધી કોઈ જાનહાનિના સમાચાર નથી.
અમેરિકાના બાલ્ટીમોર શહેરમાં એક મોટો અકસ્માત થયો છે. સ્થાનિક મીડિયાના જણાવ્યા અનુસાર, એક કન્ટેનર જહાજ બાલ્ટીમોરના કી બ્રિજ સાથે અથડાયું હતું, જે બાદ બ્રિજ 20 સેકન્ડમાં તૂટી પડ્યો હતો. દુર્ઘટના સમયે પુલ પરથી અનેક કાર પસાર થઈ રહી હતી, જે તમામ બ્રિજ ધરાશાયી થતાં પાણીમાં ગરકાવ થઈ ગઈ હતી.
બ્રિજ તૂટી પડવાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં એક મોટું માલવાહક જહાજ પુલના થાંભલા સાથે અથડાયું, ત્યારબાદ પુલ પટાપ્સકો નદીમાં ડૂબી ગયો હતો. વીડિયોમાં પુલ પર ઘણી કાર પણ જોવા મળી રહી છે. જો કે હજુ સુધી કોઈ જાનહાનિના સમાચાર નથી.
પ્રારંભિક અહેવાલો અનુસાર, જહાજ રાત્રે લગભગ 1:30 વાગ્યે પુલ સાથે અથડાયું હતું. વીડિયોમાં જોવા મળી રહ્યું છે કે બ્રિજ સાથે અથડાયા બાદ જહાજમાં આગ લાગી હતી. બાલ્ટીમોરના ફાયર વિભાગ તરફથી મળેલી માહિતી અનુસાર રાહત અને બચાવ કામગીરી ઝડપથી હાથ ધરવામાં આવી રહી છે. તેમજ ગુમ થયેલા લોકોની શોધખોળ કરવામાં આવી રહી છે.
BREAKING: Ship collides with Francis Scott Key Bridge in Baltimore, causing it to collapse pic.twitter.com/OcOrSjOCRn
— BNO News (@BNONews) March 26, 2024
બચાવ ટુકડીઓ ઘટના સ્થળે પહોંચી
ઈમરજન્સી ડિપાર્ટમેન્ટના કોમ્યુનિકેશન ડાયરેક્ટર કાર્ટરાઈટે જણાવ્યું હતું કે કોલ મળતાની સાથે જ બચાવ ટુકડીઓ ઘટનાસ્થળે પહોંચી ગઈ હતી. તેમણે કહ્યું કે અત્યારે અમારું ધ્યાન આ લોકોને બચાવવા પર છે. તેમજ કેટલા લોકોને અસર થઈ છે તે બાદમાં ખબર પડશે. આ અકસ્માતને ગંભીર ઈમરજન્સી ગણાવવામાં આવી છે.
બચાવ ટુકડીઓ સ્થળ પર તૈનાત
કેવિન કાર્ટરાઇટે જણાવ્યું હતું કે અમારી ટીમો બચાવ કામગીરીમાં વ્યસ્ત છે, લગભગ સાત લોકો પાણીમાં ડૂબી ગયા હોવાની આશંકા છે. તેમણે જણાવ્યું હતું કે એજન્સીઓને સવારે 1:30 વાગ્યાની આસપાસ 911 પર કોલ મળ્યો હતો કે બાલ્ટીમોરથી જઈ રહેલું વિમાન પુલના થાંભલા સાથે અથડાયું હતું. જે બાદ પુલ અને તેની સાથે અનેક કાર પાણીમાં પડી ગઈ હતી. હાલમાં જહાજ પુલ સાથે કેવી રીતે અથડાયું તે અંગે હજુ સુધી કોઈ માહિતી સામે આવી નથી.