Chest Pain: જો છાતીમાં દુ:ખાવો થતો હોય તો પેઈન કિલર ન લો, નહીં તો શરીરને થઇ શકે છે નુકસાન

ઉનાળામાં પેટમાં ગેસ બનવાને કારણે ઘણી વખત છાતીમાં દુખાવો અને બળતરા થાય છે. ક્યારેક આ દુખાવો હાર્ટ પ્રોબ્લેમ (Heart Problems) કે અન્ય કારણોસર પણ થાય છે, પરંતુ લોકો પેઈન કિલર લઈને સારવાર કરવાનો પ્રયાસ કરે છે. કેટલીકવાર પેઈન કિલર લેવાની આદત બની જાય છે અને કેટલાક લોકો દર બીજા કે ત્રીજા દિવસે તેને લેવાનું શરૂ કરે છે. ડોક્ટરો કહે છે કે કોઈપણ પ્રકારના છાતીના દુખાવા દરમિયાન પેઈન કિલર ન લેવી જોઈએ. જેના કારણે સ્વાસ્થ્ય પર ગંભીર અસર પડે છે. પેઈન કિલર્સની ઘણી આડઅસર (Side Effects Of painKillers) છે. જેના કારણે શરીરના અન્ય અંગો પણ પ્રભાવિત થઈ શકે છે.

રાજીવ ગાંધી હોસ્પિટલના કાર્ડિયોલોજી વિભાગના ડૉક્ટર અજીત કુમાર કહે છે કે છાતીમાં દુખાવો એ હાર્ટ એટેકનું મુખ્ય લક્ષણ છે, પરંતુ મોટાભાગના લોકો તેને ગેસનો દુખાવો માને છે અને જાતે જ દવાઓ લેવાનું શરૂ કરી દે છે, જ્યારે આવું ન કરવું જોઈએ. જો કોઈ વ્યક્તિને છાતીમાં અચાનક તીવ્ર દુખાવો થતો હોય અને જો આ દુખાવો હાથ તરફ જતો હોય તો તે હાર્ટ એટેકનું લક્ષણ છે. આ મુજબ જો છાતીમાં દુખાવાની સાથે શ્વાસ લેવામાં તકલીફ અને થાક હોય તો આ સ્થિતિમાં પણ તાત્કાલિક હોસ્પિટલ જાવ. જો તમને છાતીમાં દુખાવો હોય તો ક્યારેય બેદરકાર ન રહો. કારણ કે સમયસર હોસ્પિટલ પહોંચવાથી હાર્ટ એટેકના દર્દીનો જીવ બચી શકે છે.

પેઈન કિલર્સના આ ગેરફાયદા છે

બ્રિટિશ મેડિકલ જનરલ અનુસાર પેઈન કિલર ક્યારેક કિડની અને લીવરને પણ નુકસાન પહોંચાડે છે. આ દવાઓ કિડનીની ક્ષમતાને અસર કરે છે. પેઈન કિલર હૃદયના કાર્યને પણ અસર કરે છે અને હાર્ટ એટેક અને સ્ટ્રોકનું જોખમ રહેલું છે. આ દવાઓ હૃદયના ધબકારા વધારે છે અથવા ઘટાડે છે. જેના કારણે હાર્ટ એટેક આવવાની શક્યતા રહે છે.

ડૉક્ટર અજિતના કહેવા પ્રમાણે જો દુખાવો ખૂબ જ તીવ્ર હોય તો માત્ર પેઈન કિલર લઈ શકાય છે અને તે પણ ડૉક્ટરની સલાહ લીધા પછી. જો તમે પેઈન કિલર લીધા પછી પેટમાં દુખાવો અનુભવો છો તો તમારે તરત જ હોસ્પિટલમાં જવું જોઈએ. હૃદયના દર્દીઓએ પેઈન કિલર બિલકુલ ન લેવું જોઈએ. તે સગર્ભા સ્ત્રીઓ અને નાના બાળકોને પણ ન આપવી જોઈએ.

(જાહેર ચેતવણી : આ લેખમાં આપવામાં આવેલી તમામ માહિતી, જાણકારીના હેતુ માટે લખવામાં આવી છે. સ્વાસ્થ્ય સંબંધિત કંઈપણ અનુસરતા પહેલા કૃપા કરીને નિષ્ણાતની સલાહ લો.)

આ પણ વાંચો :Tech News: હવે Google Play Store પર નહીં મળે Call Recording એપ્સ, પરંતુ હજુ પણ તેનો ઉપાય છે ઉપલબ્ધ!

આ પણ વાંચો :IPL 2022, DC vs RR: નો-બોલ વિવાદ સર્જાતા જ દર્શકોએ ચિટર-ચિટરના નારા સ્ટેડિયમમાં લગાવ્યા હતા, Video થયો વાયરલ