તમારા દાંતમાં થઈ રહ્યો છે અસહ્ય દુખાવો? તો અપનાવો આ ઘરેલુ ઉપાયો
How To Cure Toothache: દાંતનો દુખાવો કેવો હોય તે એ જ વ્યક્તિ સમજી શકે જેણે તે દુખાવો સહન કર્યો હોય. પણ કેટલાક ઘરેલૂ ઉપાયોથી તે દુખાવામાંથી મુક્તિ મળી શકે છે.
Home Remedies For Toothache: દાંતએ આપણી સ્માઈલને વધારે સુંદર બનાવે છે. તમે કલ્પના કરો કે તમે બોખા હોય તો? તમારા દાંત પીળા કે કાળા હોય તો? તમારા આગળના એક-બે દાંત પડી ગયા હોય તો? તમારી સ્માઈલ કેવી લાગશે. વિચારીને જ ઘભરાઈ ગયાને. એટલે જ દરેક વ્યક્તિએ પોતાના દાંતનું ખાસ ધ્યાન રાખવુ જોઈએ. દાંતને રોજ સાફ કરવું જોઈએ, સમયે સમયે પોતા દાંતની સફાઈ કરાવવા માટે ડેન્ટિસ પાસે જવુ જોઈએ. દાંતનો દુખાવો (Toothache) એ સામાન્ય છે. પણ તે દુખાવો લાંબા સમય સુધી રહે તો અસહ્ય પીડા સહન કરવી પડે. તેના કારણે કોઈપણ કામ કરવામાં ઘણી મુશ્કેલીનો સામનો કરવો પડે છે. તેના માટે તમે કેટલાક ઘરેલૂ ઉપાયો અપનાવી શકો છો. તેનાથી તમને ઘણી રાહત મળશે.
દાંતનો દુખાવો દૂર કરવામાં ઘરેલૂ ઉપાય
1. આઇસ થેરપી – દાંતના દુઃખાવાને દૂર કરવા માટે તમે બરફના ટુકડાનો ઉપયોગ કરી શકો છો. આ માટે ફ્રિજમાંથી બરફ કાઢીને રૂમાલ કે કોઈપણ કપડા કે બરફની થેલીમાં નાખીને ગાલ પાસે રાખો. થોડા જ સમયમાં દાંતના પેઢાનો સોજો ઓછો થવા લાગશે અને તમે ઘણી રાહત અનુભવશો. તેનાથી દાંતનો દુખાવો ઓછો થશે.
2. જામફળના પાન – તમે જામફળના ફાયદા વિશે તો સાંભળ્યું જ હશે, પરંતુ તેના પાંદડા પણ ખૂબ જ ફાયદાકારક સાબિત થઈ શકે છે. દાંતના દુખાવાના કિસ્સામાં જામફળના પાન ચાવવાનું શરૂ કરો, ધીમે ધીમે તમને રાહત થવા લાગશે. આ સિવાય જામફળના પાનને ઉકાળીને ગાળી લો અને પછી પાણીનો માઉથવોશ તરીકે ઉપયોગ કરો.
આ પણ વાંચો
Hair Care : આ રીતે ઘરે જ બનાવો નાળિયેર તેલનું શેમ્પૂ, જાણો તેના ફાયદા
મંકીપોક્સ પર વિશ્વ આક્રોશ, WHO એ વૈશ્વિક આરોગ્ય કટોકટી જાહેર કરી
Malaria : મેલેરિયાના રોગમાં માત્ર પપૈયું જ નહીં પરંતુ આ વસ્તુઓ પણ છે ફાયદાકારક, અજમાવો તુરંત મળશે રાહત
Health Issues : ડિજીટલ યુગમાં ગેજેટ્સ બન્યા અનેક આરોગ્ય સમસ્યાનું કારણ, કેવી રીતે કરશો બચાવ ?
3. લવિંગ – લવિંગનો ઉપયોગ મોટાભાગે ભોજનનો સ્વાદ વધારવા માટે કરવામાં આવે છે, પરંતુ તમે તેનાથી દાંતના દુઃખાવાને પણ મટાડી શકે છે. તેના માટે લવિંગના તેલને રૂની મદદથી દાંત પર લગાવો અને તેને દુખતા દાંત પર લગાવો. આ સિવાય લવિંગ ચાવવાથી પણ રાહત મળશે.
4. લસણ – લસણમાં એવા ઘણા એન્ટીબેક્ટેરિયલ ગુણ જોવા મળે છે, જેના કારણે દાંતનો દુખાવો દૂર થઈ જાય છે. લસણને થોડી છીણી લો અને તેને દુખાવાની જગ્યા પર રાખો. તેનાથી દાંતમાં રહેલા કીટાણુઓ ખતમ થઈ જશે અને દુખાવામાં રાહત મળશે.
નોંધ : આ લેખ માત્ર જાણકારી માટે છે. તેનો ઉપયોગ પુર્વે આપ આપના તબીબ અથવા તજજ્ઞોની સલાહ ખાસ લેવી.
