Women Mental Health: મહિલાઓએ માનસિક સ્વાસ્થ્ય પર પણ ધ્યાન આપવું જોઈએ, ઘણી બીમારીઓથી રક્ષણ મળશે
મહિલાઓ મનોચિકિત્સક પાસે પણ જઈ શકે છે. ડૉક્ટર સ્ત્રીની ચિંતા અને ડરના કારણોને ઓળખીને સમસ્યાને દૂર કરવામાં મદદ કરી શકે છે. ટોક થેરાપી અને કાઉન્સેલિંગ દ્વારા સારવાર સરળતાથી કરી શકાય છે
આજની દોડધામભરી જિંદગીમાં મહિલાઓ (Women )પોતાના સ્વાસ્થ્યનું ધ્યાન રાખવાનું ભૂલી જાય છે. જેના કારણે તેમને અનેક બીમારીઓનો સામનો કરવો પડે છે. ઘણા કિસ્સાઓમાં, સ્ત્રીઓ તેમના શારીરિક સ્વાસ્થ્યનું ધ્યાન રાખે છે, પરંતુ માનસિક સ્વાસ્થ્યને ભૂલી જાય છે અથવા તેની સાથે સંકળાયેલા લક્ષણો પર ધ્યાન આપતી નથી. ત્યારે આરોગ્ય તજજ્ઞો કહે છે કે મહિલાઓએ પણ તેમના માનસિક સ્વાસ્થ્ય (Mental health)પ્રત્યે જાગૃત રહેવાની જરૂર છે. આમ કરવામાં નિષ્ફળતા ઘણા ગંભીર રોગોમાં (diseases) પરિણમી શકે છે. જો કોઈ પણ મહિલાઓને જીવનમાં માનસિક તણાવ, ડર, નર્વસનેસ અને ઊંઘ ન આવવાની સમસ્યા હોય તો તેણે ડૉક્ટરની સલાહ લેવી જરૂરી છે.
તજજ્ઞો કહે છે કે મહિલાઓએ તેમના શારીરિક તેમજ માનસિક સ્વાસ્થ્યને પ્રાથમિકતા આપવી જોઈએ. માનસિક સ્વાસ્થ્ય અને શારીરિક સ્વાસ્થ્ય અલગ-અલગ માનવામાં આવે છે, પરંતુ એવું નથી. સ્ત્રીઓ માટે આ બંને વચ્ચે સંતુલન જાળવવું ખૂબ જ જરૂરી છે કારણ કે જો માનસિક સ્વાસ્થ્ય સારું નહીં હોય તો શારીરિક સ્વાસ્થ્ય પણ ખરાબ થશે. કારણ કે માનસિક તણાવ અનેક રોગોનું મૂળ છે. જો સ્ત્રીઓ શારીરિક રીતે સ્વસ્થ હોય, તો તેઓ ચિંતા અને ડિપ્રેશન જેવા માનસિક સ્વાસ્થ્ય સંબંધિત રોગોથી પીડાય તેવી શક્યતા ઓછી હોય છે.
આ સમસ્યાઓ હોઈ શકે છે
તજજ્ઞના મતે, નબળા માનસિક સ્વાસ્થ્યથી પીડિત મહિલાઓ સતત ઉદાસી અથવા નિરાશાની લાગણીથી પીડાઈ શકે છે. આ લાગણીઓ આલ્કોહોલ અથવા ડ્રગનું સેવન કરવા તરફ દોરી જાય છે. વધુ પડતા ડર કે ચિંતા અને વજન કે ભૂખમાં ફેરફારને કારણે પણ મહિલાઓ માનસિક બિમારીઓનો ભોગ બની શકે છે. નબળા માનસિક સ્વાસ્થ્યને કારણે સાયકોસોમેટિક ડિસઓર્ડર થઈ શકે છે. આવી સ્થિતિમાં, બ્લડ પ્રેશરમાં ફેરફાર, અસમાન હૃદયના ધબકારા અથવા તો થાઇરોઇડના સ્તરમાં વધારો થઈ શકે છે.
મનોચિકિત્સકોની સલાહ લો
માનસિક બિમારીઓથી પીડિત મહિલાઓ ઝડપથી શ્વાસ લે છે અને નબળાઈ અથવા થાક અનુભવે છે. અમે ભલામણ કરીએ છીએ કે આવી સ્ત્રીઓએ તરત જ વ્યાવસાયિક ડૉક્ટરની મદદ લેવી જોઈએ. મહિલાઓ મનોચિકિત્સક પાસે પણ જઈ શકે છે. મનોચિકિત્સકો સ્ત્રીની ચિંતા અને ડરના કારણોને ઓળખીને સમસ્યાને ઘટાડવામાં મદદ કરી શકે છે. ટોક થેરાપી અને દર્દીની મનોવૈજ્ઞાનિક કાઉન્સેલિંગ ચિંતાના લક્ષણોને ઘટાડવામાં મદદ કરી શકે છે.
આ પણ વાંચો-
Health and Women: પીરિયડ્સ દરમિયાન ડાયટમાં આ ફૂડ્સ સામેલ કરો, તમને દુખાવામાં મળશે રાહત
આ પણ વાંચો-
Health: શરીરમાં એનર્જીની કમી અનુભવો છો, આહારમાં રોજ આ વસ્તુઓનું સેવન કરો
