ડિલિવરી પછી કેવી રીતે માતા અને બાળકની કાળજી રાખવી જોઈએ ? જાણો આ આર્ટિકલમાં

બાળકને (Child ) જન્મ આપતી વખતે માતાને (Mother ) ઘણી મુશ્કેલીઓ સહન કરવી પડે છે. ડિલિવરી પછી મહિલાઓનું શરીર(Body ) ખૂબ જ નબળું થઈ જાય છે. આવી સ્થિતિમાં નવજાત શિશુની સાથે મહિલાઓને પણ ખાસ કાળજી લેવાની જરૂર છે. જો આમ ન કરવામાં આવે તો નાની ઉંમરમાં જ મહિલાઓને તમામ સમસ્યાઓ ઘેરી શકે છે. બીજી તરફ જો બાળકની યોગ્ય કાળજી લેવામાં ન આવે તો તેના માટે પણ ઘણી સમસ્યાઓ ઊભી થઈ શકે છે. જે મહિલાઓ એકલી રહે છે અથવા પહેલીવાર માતા બની રહી છે, તેઓ આ બાબતો વિશે વધુ જાણતા નથી. આવી સ્થિતિમાં, વિશ્વ આરોગ્ય સંસ્થા (WHO) ની પોસ્ટપાર્ટમ કેર માર્ગદર્શિકા તમારા માટે મદદરૂપ થઈ શકે છે.

જાણો WHOની માર્ગદર્શિકા શું કહે છે

1. WHO ની માર્ગદર્શિકા અનુસાર, બાળકના જન્મ પછી, દરેક માતાને સ્તનપાનને લઈને કાઉન્સેલિંગ કરવું જોઈએ. આનાથી મનના તમામ ભ્રમ દૂર થશે અને સ્ત્રી સમજી શકશે કે સ્તનપાન કરાવવાથી માત્ર બાળકને પોષણ મળતું નથી, પરંતુ માતાને પણ સ્વાસ્થ્ય સંબંધિત તમામ લાભો મળે છે. આ સિવાય જો મહિલા પહેલીવાર માતા બની છે તો તે સમજી જશે કે બાળકને કેવી રીતે ખવડાવવું. માતાનું દૂધ બાળક માટે શ્રેષ્ઠ ખોરાક માનવામાં આવે છે.

2. બાળકને જન્મ આપ્યાના ઓછામાં ઓછા 24 કલાક ખૂબ જ મહત્વપૂર્ણ છે. આ દરમિયાન માતા અને બાળક બંનેને ઉચ્ચ ગુણવત્તાની સંભાળ આપવી જોઈએ.નવજાત શિશુની યોગ્ય સંભાળ માટે, બાળકના માતાપિતા બંનેએ સાથે મળીને જવાબદારી લેવી જોઈએ.

3. ડિલિવરી પછી મહિલાઓનું શરીર ફિટ નથી રહેતું. તેને પહેલાની જેમ બનાવવામાં સમય લાગે છે. આવી સ્થિતિમાં ઘણીવાર મહિલાઓ પોસ્ટપાર્ટમ ડિપ્રેશનનો શિકાર બને છે. આવી સ્થિતિમાં મહિલાઓની નિયમિત તપાસ થવી જોઈએ. આ ઉપરાંત, ડિલિવરી પછી, નિષ્ણાતની સૂચના અનુસાર, મહિલાએ સમયાંતરે તેનું સ્વાસ્થ્ય તપાસ કરાવતા રહેવું જોઈએ.

4. બાળકને જન્મ આપ્યા બાદ માતાનું શરીર ખૂબ જ નબળું થઈ જાય છે. બાળકને ખવડાવવાથી શરીર પર પણ અસર થાય છે. આવી સ્થિતિમાં સ્ત્રીને પોષક તત્વોથી ભરપૂર આહારની જરૂર હોય છે. આ દરમિયાન મહિલાએ પોતાના આહારમાં આખા અનાજ, શાકભાજી અને ફળો તેમજ પ્રોટીનયુક્ત વસ્તુઓ ખાવી જોઈએ. શરીરમાં પાણીની કમી કોઈપણ રીતે ન થવા દો.

(ચેતવણી : આ લેખમાં આપવામાં આવેલી માહિતી સામાન્ય ધારણાઓ પર આધારિત છે. TV9 ગુજરાતી તેની પુષ્ટિ કરતું નથી. નિષ્ણાતની સલાહ લીધા પછી જ તેને અનુસરો.)

Child care: જાણો એવા ચિહ્નો જે સૂચવે છે કે તમારું બાળક યોગ્ય રીતે વિકાસ કરી રહ્યું છે કે નહીં

Child care: બાળકોને આ ફળ ખવડાવવાથી સ્વાસ્થ્ય સમસ્યાઓ રહેશે દૂર, જાણો આ ફળની ખાસિયત

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો