Heat Stroke in Child: બાળકોને આ ગરમીમાં હિટ સ્ટ્રોકથી કેવી રીતે બચાવશો?
ગરમ(Heat ) વાતાવરણમાં કોઈપણ કસરત કે રમત-ગમતથી દૂર રહો, આહારનું ધ્યાન રાખો અને પાણીથી ભરપૂર ફળોનું સેવન કરો, બહાર જતી વખતે હંમેશા પાણીની બોટલ સાથે રાખો.
દેશના(India) અનેક ભાગોમાં આકરી ગરમી (Heat) પડી રહી છે. દિલ્હી-NCRમાં પણ ગરમીનો પ્રકોપ જોવા મળી રહ્યો છે. તાપમાન (Temperature) 50 ડિગ્રી સેલ્સિયસની નજીક પહોંચી રહ્યું છે. જેના કારણે લોકોને હીટ સ્ટ્રોકની સમસ્યાનો સામનો કરવો પડી રહ્યો છે. હોસ્પિટલોમાં આ સમસ્યાના દર્દીઓ મોટી સંખ્યામાં આવી રહ્યા છે. ડોક્ટરોનું કહેવું છે કે હીટ સ્ટ્રોક એ ગંભીર સ્થિતિ છે. જ્યારે બહારનું તાપમાન 35◦Cથી ઉપર વધે ત્યારે આવું થઈ શકે છે. વધતા તાપમાનના કારણે હીટ સ્ટ્રોકના અનેક કિસ્સાઓ સામે આવી રહ્યા છે. વૃદ્ધ લોકો, લાંબા સમયથી બીમાર વ્યક્તિઓ અને બાળકો સૌથી વધુ પીડાય છે.
બાળકો ક્યારેક સૂર્યપ્રકાશમાં લાંબા સમય સુધી રમે છે. આ દરમિયાન, તેને હીટ સ્ટ્રોક થાય છે, જો કે તે ગંભીર રોગ નથી. તેના લક્ષણોને ઓળખીને અને સમયસર સારવાર લેવાથી તેને સરળતાથી અટકાવી શકાય છે. યશોદા સુપરસ્પેશિયાલિટી હોસ્પિટલના બાળરોગ વિભાગના ડો. દીપિકા રૂસ્તોગીએ tv9ને જણાવ્યું કે, હોસ્પિટલની ઓપીડીમાં દરરોજ 10થી 15 બાળકો હીટ સ્ટ્રોકના લક્ષણો સાથે આવે છે. છેલ્લા કેટલાક સમયથી આવા બાળકોની સંખ્યા વધી રહી છે. કાળઝાળ ગરમીના કારણે આવું થઈ રહ્યું છે.
ડો.દીપિકાના જણાવ્યા અનુસાર, હૃદયના ધબકારા વધવા, માથાનો દુખાવો, ચક્કર, ઉલટી, બેચેની, ત્વચાની લાલાશ અને બેહોશી આ તમામ બાળકોમાં હીટ સ્ટ્રોકના લક્ષણો છે. જો કોઈ બાળકને આ સમસ્યાઓ થઈ રહી હોય તો માતાપિતાએ બાળકને હોસ્પિટલમાં લઈ જવું જોઈએ. હીટ સ્ટ્રોક સમયસર સારવારથી સરળતાથી મટી જાય છે.
તમારા બાળકને હીટ સ્ટ્રોકથી કેવી રીતે બચાવવું
ડો.નું કહેવું છે કે હાલમાં વધી રહેલા તાપમાનને જોતા હીટસ્ટ્રોકથી બચવું ખૂબ જ જરૂરી છે. આ માટે શક્ય હોય ત્યાં સુધી ઘરની અંદર જ રહો, ગરમ વાતાવરણમાં કોઈપણ કસરત કે રમત-ગમતથી દૂર રહો, આહારનું ધ્યાન રાખો અને પાણીથી ભરપૂર ફળોનું સેવન કરો, બહાર જતી વખતે હંમેશા પાણીની બોટલ સાથે રાખો, આરામદાયક સુતરાઉ કપડાં પહેરો અને છત્રીનો ઉપયોગ કરો. સૂર્યના કિરણોથી બને ત્યાં સુધી દૂર રહો.
હાઈપરથર્મિયા શું છે
ડો.એ જણાવ્યું કે ઉનાળાની આ ઋતુમાં બાળક હાઈપરથર્મિયાની પણ ફરિયાદ કરે છે. જ્યારે આવું થાય છે, ત્યારે શરીરનું તાપમાન અચાનક વધી જાય છે. જો કોઈ વ્યક્તિ હાઈપરથેર્મિયાના લક્ષણો દર્શાવે છે તો તે બાળકને આઈસ પેક અને ઠંડા પાણી દ્વારા પ્રાથમિક સારવાર આપવામાં આવે છે. જો હાઈપરથર્મિયાની સમયસર સારવાર ન કરવામાં આવે તો તે ઘણી સમસ્યાઓ તરફ દોરી શકે છે.
Latest News Updates
