Health Tips: પગને લટકતા રાખી બેસવાથી જો સોજા આવે છે તો અજમાવો આ ઉપાય, ચોક્કસ થશે ફાયદો
Home Remedies for Foot Swelling: જો તમારા પગમાં સોજાની સમસ્યા છે તો તમારે તેને ગંભીરતાથી લેવુ જોઈએ અને નિષ્ણાતની સલાહ લેવી જોઈએ, જેથી તે જાણી શકાય કે તેનું કારણ શું છે. પરંતુ જો આ સમસ્યા સામાન્ય કારણોસર થતી હોય, તો તમે પગના સોજાને ઘટાડવા માટે ઘરેલું ઉપચાર અજમાવી શકો છો.
પગમાં સોજો (Foot Swelling)એ એક સામાન્ય સમસ્યા છે. આના ઘણા કારણો હોઈ શકે છે. ખરાબ જીવનશૈલી, પોષક તત્વોની ઉણપ, શારીરિક પ્રવૃત્તિઓ ન કરવાની આદત અને સ્થૂળતા આનું કારણ હોઈ શકે છે. આ સિવાય લાંબા સમય સુધી પગ લટકવાને કારણે અથવા પ્રેગ્નન્સી (Pregnancy)ના કારણે પણ આવું થઈ શકે છે. ક્યારેક હૃદય (Heart),લીવર અથવા કિડનીની સમસ્યાને કારણે પણ આવું થઈ શકે છે. આવી કોઈપણ સમસ્યાના કિસ્સામાં તમારે નિષ્ણાતની સલાહ લેવી જોઈએ અને જરૂરી તપાસ કરાવવી જોઈએ. પરંતુ જો આ સમસ્યા સામાન્ય કારણોસર થતી હોય તો તમે આ ઘરેલું ઉપાયો અજમાવી શકો છો.
ફટકડી અને રોક મીઠું
જો તમને વારંવાર તમારા પગમાં સોજો આવે છે તો ગરમ પાણીમાં એક ચમચી મીઠું અને એક ચમચી ફટકડીનો પાઉડર નાખીને આ પાણીમાં તમારા પગ પલાળી દો. ફટકડીમાં હાજર પોટેશિયમ સલ્ફેટ અને રોક સોલ્ટમાં હાજર મેગ્નેશિયમ અને સલ્ફેટને કારણે પગના સોજામાં ઘણી રાહત મળે છે.
સફરજનનો સીરકો
એપલ સાઈડર વિનેગર પગના સોજાને દૂર કરવામાં પણ ખૂબ જ ઉપયોગી છે. એક ડોલમાં પૂરતું ગરમ પાણી લો, જેની ગરમી તમારા પગ સહન કરી શકે. આ પાણીમાં એપલ સીડર વિનેગર ઉમેરો. તમારા પગને આ પાણીમાં ડૂબાડી રાખો. તેનાથી ઘણી રાહત થશે.
કોથમીર
ધાણાને પીસીને પેસ્ટ બનાવો. આ પેસ્ટને તમારા પગ પર લગાવો. ધાણાના બીજમાં એન્ટિમાઈક્રોબાયલ અને એન્ટિ-ઈન્ફ્લેમેટરી ગુણ હોય છે, જે બળતરા ઘટાડવામાં મદદરૂપ થાય છે. સૂકાયા પછી તમારા પગને હૂંફાળા પાણીથી ધોઈ લો. આવું સતત બેથી ત્રણ દિવસ કરવાથી ઘણી રાહત મળે છે.
સરસવનું તેલ
સરસવના તેલમાં ઓમેગા 3 ફેટી એસિડની સાથે એન્ટિ-માઈક્રોબાયલ અને એન્ટિ-ઈન્ફ્લેમેટરી ગુણ હોય છે. નવશેકું ગરમ કરીને પગની માલિશ કરવાથી પગનો સોજો દૂર થાય છે. જો તમે ઈચ્છો તો સરસવના તેલમાં થોડી હળદર ભેળવીને હૂંફાળા પગ પર લગાવી શકો છો. હળદરમાં બળતરા વિરોધી ગુણ પણ હોય છે. તેની માલિશ કરવાથી ઘણી રાહત મળે છે.
આ બાબતો ધ્યાનમાં રાખો
1- જો તમારું વજન વધારે છે તો તેને નિયંત્રિત કસરત કરો. વજન વધારે હોવાથી તમારી અન્ય સમસ્યાઓ પણ વધી શકે છે.
2- ક્યારેય એક જગ્યાએ પગ લટકીને બેસી ન રહો. લાંબા સમય સુધી બેસી રહેવાનું હોય તો વચ્ચે ઉભા થાઓ થોડું ચાલો. આ સિવાય પગ નીચે સ્ટુલ મૂકીને પગને ટેકો આપો.
3- જો તમને વારંવાર તમારા પગમાં સોજો આવે છે, તો તમારે મીઠું અને ખાંડનું સેવન ઓછું કરવું જોઈએ. તેનાથી તમારી બળતરાની સમસ્યા વધી જાય છે. આ સિવાય તેલયુક્ત ખોરાક, પ્રિઝર્વેટિવ્સ મિશ્રિત ખોરાક, જંક ફૂડનું સેવન ટાળો.
Latest News Updates
