Health: મગફળી કે બદામ? બંનેથી થતા ફાયદામાં બહુ ઓછો છે તફાવત
બદામમાં (Almond )ભરપૂર માત્રામાં ફાઈબર હોય છે. આ સિવાય તેમાં પ્રોટીન, વિટામિન ઈ, કોપર, ફોસ્ફરસની સાથે મેગ્નેશિયમ પણ હોય છે.
સારા સ્વાસ્થ્યનો (Health) પરેજી, કસરત અને યોગ (Yoga) સાથે ઘણો સંબંધ છે. જ્યારે સ્વાસ્થ્યની વાત આવે છે, ત્યારે દરેક વ્યક્તિ ઈચ્છે છે કે કોઈપણ પ્રકારની બીમારી તેમને ઘેરી ન લે. સંપૂર્ણ રીતે ફિટ અને સ્વસ્થ રહેવા માટે ઘણા લોકો ખાલી પેટ બદામ ખાવાનું પસંદ કરે છે. બીજી તરફ, મગફળી સામાન્ય રીતે સાંજના નાસ્તા તરીકે પસંદ કરવામાં આવે છે. સ્વાસ્થ્ય નિષ્ણાતોના મતે બદામ અને મગફળી બંને સ્વાસ્થ્ય માટે ખૂબ જ ફાયદાકારક છે. કારણ કે આ બંને વસ્તુઓમાં સમાન પોષક તત્વો હોય છે. મગફળી અને બદામમાં બહુ ઓછો તફાવત છે. આ બેમાંથી કયું સૌથી વધુ ફાયદાકારક છે અને કયું નથી, ચાલો જાણીએ. બદામમાં ભરપૂર માત્રામાં ફાઈબર હોય છે. આ સિવાય આ બંનેમાં પ્રોટીન, વિટામિન ઈ, કોપર, ફોસ્ફરસની સાથે મેગ્નેશિયમ પણ હોય છે.
જાણો બદામના ફાયદા
- વજન વધારવું કે ઘટાડવું, બદામનું સેવન બંને રીતે કરી શકાય છે.
- બદામ ખાવાથી હૃદય રોગ, કેન્સર અને ડાયાબિટીસનું જોખમ ઓછું થાય છે.
- બદામ ખાવાથી બ્લડપ્રેશર કંટ્રોલમાં રહે છે.
- બદામ ખાવાથી મગજ તેજ બને છે.
- બદામ વાળ સંબંધિત કોઈપણ પ્રકારની સમસ્યાને દૂર કરે છે.
- બદામમાં ભરપૂર માત્રામાં ફાઈબર હોય છે. આ સિવાય તેમાં પ્રોટીન, વિટામિન ઈ, કોપર, ફોસ્ફરસની સાથે મેગ્નેશિયમ પણ હોય છે.
જાણો મગફળીના ફાયદા
- મગફળી ટાઇપ-2 ડાયાબિટીસનું જોખમ ઘટાડે છે.
- મગફળી શરીરની બળતરા ઓછી કરે છે.
- મુઠ્ઠીભર મગફળી ખાવાથી પાચનક્રિયા ઝડપી બને છે.
- મગફળી કેન્સરનું જોખમ ઘટાડે છે.
- મગફળી બ્લડ શુગરને કંટ્રોલમાં રાખે છે.
- મગફળીમાં વિટામિન B, થાઇમીન, વિટામિન B6, B9 સહિત ખનિજો, પોષણના તમામ ગુણો હોય છે. જે શરીરને સ્વસ્થ રાખવા માટે પૂરતું છે.
- મગફળી અને બદામ બંને ખાવાથી શરીરને પોષક તત્વો મળે છે. બંનેનું સંતુલિત માત્રામાં સેવન સ્વાસ્થ્ય માટે ફાયદાકારક છે.
આમ, બંનેના અલગ અલગ ફાયદા છે. જેને જોઈને તમે બેમાંથી કોઈપણ વસ્તુનું સેવન કરી શકો છો. આમ, જોવા જઈએ તો કિંમત બંનેની અલગ અલગ છે, પણ બંનેના ફાયદા પણ તેટલા જ ભરપૂર છે.
(આ લેખમાં આપવામાં આવેલી માહિતી સામાન્ય ધારણાઓ પર આધારિત છે. TV9 ગુજરાતી તેની પુષ્ટિ કરતું નથી. નિષ્ણાતની સલાહ લીધા પછી જ તેને અનુસરો.)
Latest News Updates
