વડતાલ : સ્વામિનારાયણ સંપ્રદાયના તીર્થધામમાં કાર્તિકી સામૈયાનો દબદબાભેર આરંભ

વડતાલમાં (Vadtal) સ્વામિનારાયણ (Swaminarayan)સંપ્રદાયના તીર્થધામમાં કાર્તિકી સામૈયાનો દબદબાભેર આરંભ થયો છે. આ પ્રસંગે પૂ.જ્ઞાનજીવનદાસજી સ્વામીએ વ્યાસપીઠ પરથી વચનામૃત કથાનું રસપાન કરાવતા જણાવ્યું હતું કે આ સંપ્રદાયના સ્થાપક રામાનંદ સ્વામી છે.

220 વર્ષ પહેલા જેતપુર(Jetpur)માં રામાનંદસ્વામી એ ગાદી સ્વામિનારાયણ ભગવાન ને સોંપી હતી. નંદ સંતો અને દાસ સંતોએ આ સંપ્રદાય નો પ્રચાર – પ્રસાર કર્યો છે; કરે છે અને કરતા રહેશે .

સંતના લક્ષણોથી યુક્ત વ્યક્તિ સાક્ષાત ભગવાનની જેમ સેવા કરવા યોગ્ય છે. શુદ્ધ મુમુક્ષુ અને સાચા સંતનો સંયોગ થાય છે ત્યારે જીવનમાં ભગવાન પ્રગટ થાય છે આ વચનામૃત નો સાર છે અને ભગવાનશ્રી સ્વામિનારાયણ નો મત છે. આપણે એ ઊંચાઈ મેળવવાની છે. તા 15મી ને સોમવાર પ્રબોધિની એકદિશીના દિને ગોપાળાનંદસ્વામીના આસને એક એન.આર.આઈ. સહીત 41 જેટલા યુવાનો આચાર્યશ્રી રાકેશપ્રસાદજી મહારાજના હસ્તે ભાગવતી દિક્ષા ગ્રહણ કરશે.

સાંજે 5:00 કલાકે ગોમતીજીથી જળયાત્રા નીકળી મંદિર પહોંચશે. રાત્રે 8:30 કલાકે સ્વામિનારાયણ રાસ – થ્રિડી ફિલ્મનું આચાર્ય રાકેશપ્રસાદજી મહારાજ , ચેરમેન દેવપ્રકાશસ્વામી તથા કોઠારી  ડો.સંતસ્વામી ના હસ્તે વિમોચન થશે.આ પ્રસંગે બોલીવૂડ સિંગર દિલેર મહેંદી પોતાની ટીમ સહીત ખાસ ઉપસ્થિત રહેશે.પૂ. શ્યામસ્વામી આ વિશેષ કાર્યક્રમને આખરી ઓપ આપી રહ્યા છે.

આ પણ વાંચો : જાણો શા માટે નર્મદા મહાઆરતી માટે શૂલપાણેશ્વર પાસે જ વિશાળ ઘાટ બનાવાયો, શું છે આ પ્રાચીન તીર્થનું મહત્વ અને ઈતિહાસ?

આ પણ વાંચો : ગુજરાતમાં કોરોના વેક્સિનના બુસ્ટર ડોઝ અંગે આરોગ્ય પ્રધાન ઋષિકેશ પટેલનું મહત્વનું નિવેદન, જાણો શું કહ્યું