Surat : ડ્રિમ સિટીની મુખ્ય ઓફિસનું આગામી અઠવાડિયે સીએમના હસ્તે ખાતમુહૂર્ત થશે
ડ્રિમ સિટીની ઓફિસનો જ ખર્ચ 13 કરોડ, સીએમ વિજય રૂપાણી આવતા અઠવાડિયે કરશે ખાતમુહૂર્ત
surat સુરત શહેરમાં ખજોદ ખાતે 681 હેક્ટરની વિશાલ જગ્યામાં સાકાર થઇ રહેલા ડ્રિમ સીટી(Diamond Research and Mercantile City )પ્રોજેક્ટ હવે ગતિ પકડી રહ્યો છે. કોરોનાકાળમાં જ સુરત મેટ્રોના ડ્રિમસિટી સ્ટેશનનું ખાતમહૂર્ત નરેન્દ્ર મોદીના હસ્તે કરવામાં આવ્યું હતું. અને હવે ડ્રિમ સિટીમાં(dream city ) અન્ય પ્રોજેક્ટોની કામગીરી પણ ઝડપથી વેગ પકડી રહી છે.
ડાયમંડ બુર્સનું(Diamond Bourse) પણ કામ ઝડપથી આગળ વધી રહ્યું છે. ત્યારે ડ્રિમસિટીમાં તૈયાર થઇ રહેલી મુખ્ય ઓફિસ અને ગાર્ડનનું લોકાર્પણ મુખ્યમંત્રી વિજય રૂપાણીના(CM Vijay Rupani ) હસ્તે કરવામાં આવનાર છે. આવતા અઠવાડિયે તેઓ સુરતના મહેમાન બનશે જેમાં આ કાર્યક્રમની પણ રૂપરેખા ગોઠવવામાં આવી છે.
કુલ 681 હેક્ટરની જમીનના ડ્રિમસિટી પ્રોજેક્ટમાં વિવિધ પ્રકલ્પો સાકાર થવાના છે. હાલમાં આ કેમ્પસમાં ડાયમંડ બુર્સની કામગીરી પુરજોશ ગતિએ ચાલી રહી છે. તેમજ અહીં રેસિડેન્શિયલ, કોમર્શિયલ,રિક્રિયેશનલ, પબ્લિક એનીમીટીસ, ઓપન ગ્રીન એરિયા વગેરે સુવિધાઓ પણ સાકાર કરવામાં આવનાર છે. જેમાં હાલ અહીં કુલ 13.69 કરોડના ખર્ચે અને 50 હજાર ચોરસ મીટર વિસ્તારમાં સાકાર થનાર ગાર્ડન તેમજ કુલ રૂપિયા 29.50 કરોડના ખર્ચે અને 3500 સ્કવેર ફૂટ વિદ્વતારમાં સાકાર થનારી મુખ્યઓફિસનું ખાતમહૂર્ત મુખ્યમંત્રી વિજય રૂપાણીના હસ્તે કરવામાં આવશે.
ડ્રિમ સિટીનો મુખ્ય દરવાજો હશે 9.50 કરોડનો
આ પ્રોજેક્ટ થકી લખો લોકોને રોજગારી મળવાની છે. આ પ્રોજેક્ટની ડિઝાઇન પણ અદ્યતન રાખવામાં આવી છે. ડ્રિમસિટીના મુખ્ય ગેટ માટે જ કુલ રૂ.9,50,76,280 કરોડનો ખર્ચ કરવામાં આવનાર છે. જે માટેની ડિઝાઇન પણ તૈયાર કરવામાં આવી છે. અહીં લિફ્ટ જ 39.28 લાખના ખર્ચે બનવાની છે. તેમજ ગેટના ઉપટની ડિઝાઇનમાં વોટરબોડી હશે અને એલઇડી લાઇટથી તેને અદભુત લુક મળશે.
ડ્રિમ સિટીના 6 ટકા એરિયા ગાર્ડન વિસ્તાર
ડ્રિમસિટી કુલ 681 હેકટર જગ્યામાં વિસ્તરેલું છે. જેના 6 ટકા વિસ્તાર ગાર્ડન એરિયા માટે રાખવામાં આવ્યું છે. અને 8 ટકા વિસ્તાર ઓપન ગ્રીન એરિયા રહેશે. કુલ વિસ્તારના 2.95 લાખ સ્કવેર મીટર વિસ્તારમાં ગાર્ડન અને 4.42 લાખ ચોરસ મીટર વિસ્તારમાં ઓપન ગ્રીન એરિયા હશે. જે પૈકી હાલ 50 હજાર સ્કવેર મીટર વિસ્તારમાં સાકાર થનારા ગાર્ડનમાં ખાતમુહૂર્ત કરવામાં આવશે. આ ગાર્ડનમાં કિડ્ઝ પ્લે એરિયા, વોક વે, સેન્ટ્રલ સીટિંગ એરિયા, વોટર પોન્ડ, ફૂડ પ્લાઝા, એમ્ફી થિયેટર વગેરે હશે.