Surat : રીક્ષામાં પેસેન્જરોને બેસાડી નજર ચૂકવી ચોરી કરતી ભાઈ-બહેનની જોડી ઝડપાઇ
ભાઈ બહેનની આ જોડીએ સહ આરોપી જાવીદ ઉર્ફે મિથુન સાથે મળી રીક્ષામાં પેસેન્જરને બેસાડી રોકડા રૂપિયા ચોરી કરી લીધા હતા. આ ઘટનામાં પોલીસે જાવીદ ઉર્ફે મિથુનને પકડવાના ચક્રો ગતિમાન કર્યા છે. તેમજ ભાઈ બહેન ઝડપાઈ જતા ખટોદરા પોલીસ મથકમાં નોંધાયેલા ગુનાનો ભેદ ઉકેલાઈ જવા પામ્યો હતો.
સુરતમાં(Surat)રીક્ષામાં પેસેન્જરોને બેસાડી આગળ પાછળ કરી પૈસાની ચોરી(Theft)કરતી ભાઈ બહેનની જોડી ઝડપાઈ છે. ખટોદરા પોલીસે ભાઈ બહેનની ધરપકડ કરી એક રીક્ષા સહીત 1.40 લાખનો મુદામાલ કબજે કર્યો છે તેમજ એક ગુનાનો ભેદ પણ ઉકેલી કાઢ્યો છે. જેમાં મળતી માહિતી મુજબ સુરતમાં ખટોદરા પોલીસનો સ્ટાફ પેટ્રોલિંગમાં હતો તે દરમ્યાન માહિતી મળી હતી કે એક રીક્ષામાં એક યુવક અને યુવતી સવાર છે તે રીક્ષામાં પેસેન્જરોને રીક્ષામાં આગળ પાછળ કરી પૈસા ચોરી કરતી ગેંગ છે.
પેસેન્જરને રીક્ષામાં બેસાડી ચોરી કરેલા રોકડા રૂપિયા લૂંટતા
તેઓ રીક્ષા લઈને ઉધના રાયકા સર્કલ તરફથી કોમલ સર્કલ તરફ આવનાર છે. માહિતીના આધારે પોલીસે વોચ ગોઠવી લીંબાયત મદીના મસ્જીદ પાસે રહેતા શાબીર ઉર્ફે શાહરૂખ સમસુદિન શેખ (ઉ.23) અને તેની બહેન શાબેરાબી સમસુદિન શેખ (ઉ.21] ને ઝડપી પાડી હતી. પોલીસે તેઓની પાસેથી પેસેન્જરને રીક્ષામાં બેસાડી ચોરી કરેલા રોકડા રૂપિયા ઉપરાંત એક રીક્ષા મળી કુલ 1.40 લાખની મત્તા કબજે કરી હતી.
ખટોદરા પોલીસ મથકમાં નોંધાયેલા ગુનાનો ભેદ ઉકેલાઈ જવા પામ્યો
ભાઈ બહેનની આ જોડીએ સહ આરોપી જાવીદ ઉર્ફે મિથુન સાથે મળી રીક્ષામાં પેસેન્જરને બેસાડી રોકડા રૂપિયા ચોરી કરી લીધા હતા. આ ઘટનામાં પોલીસે જાવીદ ઉર્ફે મિથુનને પકડવાના ચક્રો ગતિમાન કર્યા છે. તેમજ ભાઈ બહેન ઝડપાઈ જતા ખટોદરા પોલીસ મથકમાં નોંધાયેલા ગુનાનો ભેદ ઉકેલાઈ જવા પામ્યો હતો.
શહેરમાં ઈમ્પોર્ટ એક્સપોર્ટના વેપારી સાથે ઠગાઈ મામલે પોલીસે તપાસ હાથ ધરી
આ ઉપરાંત, સરથાણા જકાતનાકા વિસ્તારમાં રહેતા અને ઈમ્પોર્ટ એક્ષપોર્ટનો વેપાર કરતા વેપારીને ઠગબાજ ઈસમ ભેટી ગયો હતો. ભેજાબાજ ઈસમે વેપારીની ફર્મના નામે ડુપ્લીકેટ દસ્તાવેજા બનાવી આઈસગેટ પોર્ટલ ઉપ૨ રજીસ્ટ્રેશન કરાવી વેપારીનો માલ ઈમ્પોર્ટ કર્યા બદલ સરકાર તરફથી સ્કીમ હેઠળ મળેલા રૂપિયા 95 લાખમાંથી 54 લાખ ટ્રાન્સફર કરી છેતરપિંડી કરી હતી. જોકે બાદમાં વેપારીને જાણ થતા તેઓએ આ અંગે સાયબર પોલીસ મથકમાં ફરિયાદ નોંધાવતા પોલીસે ગુનો નોંધી વધુ તપાસ હાથ ધરી હતી.
સુરત સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો
