સુરતની (Surat) એક દિવ્યાંગ મહિલા ખેલાડી (Divyang) અમદાવાદ ખાતે યોજાયેલા રાજ્યકક્ષાના ખેલ મહાકુંભમાં (Khel Mahakumbh) 200 મીટરની દોડમાં સમગ્ર રાજ્યમાં પ્રથમ આવી હતી પ્રથમ આવી. આ વાત આમ તો સામાન્ય કહી શકાય પરંતુ આ ખેલ મહાકુંભ માં ભાગ લેવા માટે તેણે સુરતથી અમદાવાદ સુધીના સફરમાં જે સંઘર્ષ કર્યો તેની કહાની સાંભળવા લાયક છે અને આ કહાની સાંભળીને રાજ્યના ગૃહ અને રમતગમત મંત્રી હર્ષ સંઘવી આજે જ્યારે સુરતની મુલાકાતે હતા ત્યારે ખાસ સમય કાઢીને આ દીકરી અને તેના પિતાને મળવા તેના ઘરે પહોંચ્યા હતા.
સુરતની 15 વર્ષીય દીકરી રીન્કુ દેવાશી ખેલ મહાકુંભ માં ભાગ લેવા માટે સુરત થી અમદાવાદ બસ મારફતે જઈ રહી હતી. ત્યાં રસ્તામાં તેને વોમિટિંગ જેવું થતા બસમાં બારી પાસે બેઠેલા એક પ્રોફેસરને તે બારી પાસેની સીટ આપવા માટે વિનંતી કરી હતી અને ત્યાંથી શરૂ થઈ હતી રીન્કુ ની સંઘર્ષની કહાની.પ્રોફેસરે પોતાન પરગજુ સ્વભાવના કારણે આ દીકરીને બારી પાસે બેઠાં બેસવાની સીટ આપી દીધી હતી અને ત્યારબાદ તેની સાથે વાતચીતમાં જાણવા મળ્યું હતું કે દીકરી અમદાવાદ ખાતે દિવ્યાંગો માટે યોજાયેલ ખેલમહાકુંભમાં ભાગ લેવા જઈ રહી હતી દીકરી સાથે તેના પિતા પણ બસમાં ઉપસ્થિત હતા.
જેમાં પિતાએ આ પ્રોફેસરને બસ અમદાવાદ ક્યારે પહોંચશે તે બાબતે વાતચીત શરૂ કરતા પ્રોફેસરને તેમની કહાની માં રસ પડ્યો હતો અને વધુ વાત કરતા દીકરીના પિતાએ જણાવ્યું હતું કે તેમણે સવારે છ વાગે ખેલ મહાકુંભ માટે પહોંચવાનું છે પરંતુ તેઓ જે બસમાં સફર કરી રહ્યા હતા તે બસ તો રાત્રે દોઢ વાગે અમદાવાદ પહોંચી જવાની હતી દીકરીના પિતાએ પૂછયું કે રાત્રે અમે બસ સ્ટોપ પર રોકાઈ એ તો કોઈ વાંધો નહીં આવે ને તેના જવાબમાં પ્રોફેસરે પ્રથમ તો કહી દીધું કે હા તમે બસ સ્ટોપ પર રોકાશો તો કોઈ પ્રકારની તકલીફ નહીં પડે.
બસમાં દીકરી રીન્કુ ને મદદ કરનાર પ્રોફેસર નવીન અંગેની વાત જ્યારે રાજ્યના ગૃહમંત્રી હર્ષ સંઘવીને કોઈ વ્યક્તિ વોટ્સઅપના માધ્યમથી મોકલી ત્યારે તે વાંચીને હર્ષ સંઘવી એવો નિર્ણય કર્યો કે તેઓ જાતે આ પ્રોફેસર નવીન તેમજ દીકરી રીન્કુ ને મળવા તેના ઘરે જશે બીજાને હંમેશા મદદ કરવાના પોતાના સ્વભાવને કારણે પ્રોફેસર નવી ને તે રાત્રે રીન્કુ અને તેના પિતાને બસ સ્ટોપ પર સુઈ જવાની જગ્યાએ પોતાના ઘરે લઇ ગયા હતા અને ત્યાં સુવડાવ્યા હતા અને વહેલી સવારે તેઓ પોતે આ બંનેને લઈને ખેલ મહાકુંભ માં ભાગ લેવા માટે ગયા હતા.
જ્યાં રત્ન કલાકારની દીકરી રીન્કુ એ 200 મીટરની દોડમાં સમગ્ર રાજ્યમાં પ્રથમ ક્રમ મેળવ્યો છે જેને કારણે દીકરીના પિતા પણ પ્રોફેસરના ભારી થયા હતા કે જો બસમાં અને ત્યારબાદ રાત્રી દરમિયાન પ્રોફેસરે તેમને મદદ ન કરી હોત તો ચોક્કસ તેમની દીકરી ને મળવું જોઈએ તે પ્રમાણેનું પરિણામ ન મળી શક્યું હોત.
આજે જ્યારે રાજ્યના ગૃહમંત્રી હર્ષ સંઘવી સુરતની સુરતની મુલાકાતે હતા ત્યારે તેમણે પોતાના વ્યસ્ત સમયમાં થી દીકરી અને પ્રોફેસર નવીનને મળવા માટેનો સમય કાઢ્યો હતો અને દીકરીના ઘરે જઈ ને તેના માતા-પિતાને મળીને તેમની સાથે વાતચીત કરી હતી અને દીકરીને પ્રોત્સાહન આપ્યું હતું.
Published On - 5:09 pm, Sun, 22 May 22