Monsoon 2022 : સાબરકાંઠા અને અરવલ્લીમાં વહેલી પરોઢે ચોમાસાનુ આગમન, વડાલીમાં પોણા 2, વિજયનગરમાં 1 ઈંચ વરસાદ

સાબરકાંઠા અને અરવલ્લી જિલ્લામાં વહેલી સવારે વરસાદ (Rainfall) વરસ્યો હતો. એકાએક જ ચોમાસા (Monsoon 2022) નુ આગમન વિસ્તારમા થતા ખેડૂતો અને સ્થાનિકોમાં આનંદ છવાયો હતો. અચાનક જ ધોધમાર વરસાદ વરસાદ વરસવો શરુ થયો હતો. પવન અને થોડાક વિજળીના ચમકારા સાથે વરસાદ વરસવા લાગતા ગરમી ભર્યા માહોલમાં રાહત સર્જાઈ હતી. સાથે જ પશુઓને પણ હવે રાહત સર્જાશે. સાબરકાંઠાના વડાલીમાં પોણા બે ઈંચ જેટલો વરસાદ વરસ્યો હતો. જ્યારે વિજયનગરમાં એક ઈંચ વરસાદ વરસ્યો હતો. અરવલ્લી (Aravalli) ના ભિલોડા, માલપુર અને મોડાસા વિસ્તારમાં વરસાદ વરસ્યો હતો.

વરસાદની જૂન મહિનાની શરુઆત સાથે જ રાહ જોવી શરુ થઈ ગઈ હતી. કાળઝાળ ગરમી અને પાણીની સમસ્યાને લઈને લોકો વરસાદ વરસવાની રાહ જોઈ રહ્યા હતા. ચોમાસાની શરુઆત હવે થઈ જતા ખેડૂતો સહિત લોકો ખુશ થઈ ચુક્યા છે. મુંગા પશુઓ અને પંખીઓ માટે પણ સમસ્યા સર્જાઈ હતી અને જેના માટે નદીઓમાં જળાશયના પાણી છોડવામાં આવ્યા હતા.

Web Stories View more

IPL 2024 : આઈપીએલની મિસ્ટ્રી ગર્લ કોણ જાણો , જુઓ ફોટો

યુઝ કરેલા વેટ વાઈપ્સને ફેકવાની જગ્યાએ આ રીતે કરો ઉપયોગ

લસણ ભલે ઔષધિ હોય, પણ વધારે ખાવાથી થાય છે નુકસાન, જાણો કેટલી માત્રામાં ખાવું

કેળા સાથે ભૂલથી પણ ના ખાતા આ વસ્તુઓ, ફાયદાને બદલે થશે નુકસાન

આજનું રાશિફળ તારીખ 26-04-2024

લાલ લહેંગો, હાથમાં ચૂડો અને હેવી જ્વેલરી..લગ્નમાં પરી જેવી લાગી આરતી સિંહ

સાબરકાંઠામાં ક્યા વરસ્યો વરસાદ

જિલ્લામાં વહેલી સવારે ચારેક વાગ્યાના અરસા દરમિયાન વરસાદનુ આગમન થયુ હતુ. જિલ્લાના છ તાલુકામાં વરસાદ નોંધાયો હતો. જેમાં સૌથી વધુ વડાલી તાલુકામાં પોણા બે ઈંચ વરસાદ વરસ્યો હતો. જ્યારે વિજયનગરમાં એક ઈંચ વરસાદ અને પોશીનામાં અડધો ઈંચ વરસાદ ખાબક્યો હતો. ઈડરમાં 8 મીમી, ખેડબ્રહ્મામાં 05 મીમી જ્યારે હિંમતનગરમાં 03 મીમી વરસાદ વરસ્યો હતો. પ્રાંતિજ અને તલોદ તાલુકા કોરા રહ્યા હતા.

હિંમતનગરના પૂર્વ પટ્ટાના વિસ્તારના કેટલાક ગામડાઓમાં વરસાદ પંદરથી વીસ મીનીટ સુધી વરસ્યો હતો. હિંમતનગર શહેરના કાંકણોણ અને બેરણા રોડ પરના વિસ્તારમાં સારો વરસાદ વરસ્યો હતો. આ વિસ્તારમાં કેટલીક સોસાયટી વિસ્તારના રસ્તાઓ પર પાણી વહ્યા હતા.

અરવલ્લી જિલ્લામાં ક્યા વરસ્યો વરસાદ

જિલ્લાના મોડાસાના ગ્રામ્ય વિસ્તાર ઉપરાંત ભિલોડા, માલપુર અને મેઘરજ પંથકમાં વરસાદ વરસ્યો હતો. વહેલી સવારે વીજળીના ચમકારા અને પવન સાથે વરસાદ ખાબક્યો હતો. વહેલી સવારે ચોમાસાના આગમનને લઈ સ્થાનિક ખેડૂતોમાં ખુશીઓ વર્તાઈ હતી. મોડાસા તાલુકાના દધાલિયા, જંબુસર, મોતીપુરા, સહિતના વિસ્તારોમાં વરસાદ વરસ્યો હતો. મેઘરજ તાલુકાના ઈસરી અને રેલ્લાવાડા વિસ્તારમાં વરસાદ વરસ્યો હતો. ભિલોડા તાલુકામાં સુનોખ, લીલછા, વાસેરા કંપા સહિતના વિસ્તારોમાં વરસાદ વરસતા રાહત થઈ હતી. ભિલોડામા તાલુકામા અડધો ઈંચ વરસાદ નોંધાયો હતો. જ્યારે માલપુરમાં 03 મીમી નોંધાયો હતો.

#Aravalli receiving rain showers from early morning #Monsoon2022 #Gujarat #TV9News pic.twitter.com/bUaZeBtJE8

— Tv9 Gujarati (@tv9gujarati) June 12, 2022

બાયડ અને ધનસુરા તાલુકા કોરા રહ્યા હતા. ભિલોડા તાલુકામાં ભારે પવન સાથે વરસાદ વરસવાને લઈ ઝાડ ધરાશાયી થયાના દૃશ્યો પણ જોવા મળ્યા હતા.