Tender Today : પશ્ચિમ રેલવે રાજકોટ ડિવિઝન દ્વારા વોટર વેન્ડિંગ મશીનના કોન્ટ્રાક્ટ માટે ઇ-ટેન્ડર જાહેર, કોન્ટ્રાક્ટની અવધિ 5 વર્ષની રહેશે
રાજકોટ (Rajkot) ડિવિઝનના અને સુરેન્દ્રનગરના સ્ટેશનો ખાતે બે પેકેટ પ્રણાલી હેઠળ વોટર વેન્ડિંગ મશીનના કોન્ટ્રાક્ટ માટે ઇ-ટેન્ડર જાહેર કરવામાં આવ્યા છે.
પશ્ચિમ રેલવે- રાજકોટ ડિવિઝન દ્વારા વોટર વેન્ડિંગ મશીનના કોન્ટ્રાક્ટ માટે ઇ-ટેન્ડર જાહેર કરવામાં આવ્યુ છે. રાજકોટ ડિવિઝનના અને સુરેન્દ્રનગરના સ્ટેશનો ખાતે બે પેકેટ પ્રણાલી હેઠળ વોટર વેન્ડિંગ મશીનના કોન્ટ્રાક્ટ માટે ઇ-ટેન્ડર જાહેર કરવામાં આવ્યા છે. જામનગરમાં પ્લેટફોર્મ નંબર 1ના અંતે ( દ્વારકા અંત), સુરેન્દ્રનગરમાં પ્લેટફોર્મ નંબર 1-4ના અંતે (વિરમગામ અંત) સુરેન્દ્રનગરમાં પ્લેટફોર્મ 2-3ના અંતે (રાજકોટ અંત)ના કામો માટેની પ્રતિ વર્ષની રિઝર્વ કિંમત 1 લાખ 34 હજાર 750 રુપિયા રાખવામાં આવી છે. તો ઇ-ટેન્ડર ફોર્મ ફી રુ. 5,900 રાખવામાં આવી છે. અર્નેસ્ટ ફી 14,100 રુપિયા રાખવામાં આવી છે.
આ ટેન્ડર માટે લાયસન્સ ફી પ્રથમ ત્રણ વર્ષ માટે નિશ્ચિત રહેશે અને ચોથા વર્ષે તેમાં 10 % વધારો કરવામાં આવશે. ચોથા અને પાંચમા વર્ષ માટે લાયસન્સ ફી 18 % GST સહિત સમાન રહેશે. રાજકોટના ડિવિઝન મેનેજરની સલાહ મુજબ ઇ ટેન્ડર બંધ થવાની તારીખ અને સમય 6 એપ્રિલ 2023ના બપોરે 3 વાગ્યા સુધીની રહેશે.
ઇ ટેન્ડર ખુલવાની તારીખ 6 એપ્રિલ 2023ના બપોરે 3.30 વાગ્યા સુધીની રહેશે. કોન્ટ્રાક્ટની અવધિ 5 વર્ષની રહેશે. આ ટેન્ડરની વધુ માહિતી www.ireps.gov.in પરથી મળી શકશે.
Latest News Updates
