રાજકોટનો આજી ડેમ ઓવરફ્લો થતા રાજકોટવાસીઓમાં આનંદની લાગણી, આજીડેમનાં આકાશી દ્રશ્યોમાં ડેમ દેખાયો ભરપૂર

આમ તો રાજકોટમાં ભારે વરસાદને પગલે થોડી ચિંતા હતી પરંતુ આ વચ્ચે રાજકોટ માટે સૌથી મોટા રાહતના સમાચાર પણ સામે આવ્યા. રાજકોટનો આજી ડેમ 16મી વખત ઓવરફ્લો થયો. રાજકોટથી ભાવનગર હાઇવે પર આવેલા સરધાર, ત્રમ્બા સહિતના ગ્રામ્ય વિસ્તારમાં સારો વરસાદ પડ્યો જેને પગલે આજી ડેમમાં મોટા પ્રમાણમાં પાણીની આવક થઈ છે. રાજકોટ શહેરને પાણી પુરૂ […]

http://tv9gujarati.in/rajkot-no-aaji-d…uals-saame-aavya/

Pinak Shukla | Edited By: Bipin Prajapati | Updated on: Sep 20, 2020 | 10:06 PM

આમ તો રાજકોટમાં ભારે વરસાદને પગલે થોડી ચિંતા હતી પરંતુ આ વચ્ચે રાજકોટ માટે સૌથી મોટા રાહતના સમાચાર પણ સામે આવ્યા. રાજકોટનો આજી ડેમ 16મી વખત ઓવરફ્લો થયો. રાજકોટથી ભાવનગર હાઇવે પર આવેલા સરધાર, ત્રમ્બા સહિતના ગ્રામ્ય વિસ્તારમાં સારો વરસાદ પડ્યો જેને પગલે આજી ડેમમાં મોટા પ્રમાણમાં પાણીની આવક થઈ છે. રાજકોટ શહેરને પાણી પુરૂ પાડતો આજી-1 ડેમ છલકાતા, હવે શહેરની પાણીની સમસ્યાનો અંત આવશે તેવી આશા બંધાણી છે. મહત્વનું છે કે, 1955માં આજી ડેમનું બાંધકામ શરૂ કરવામાં આવ્યું હતું. જેના 3 વર્ષ બાદ 1958માં આજી ડેમ તૈયાર થયો. આજી ડેમ બંધાતા જ રાજકોટના લોકોનું પાણીનું સંકટ હળવું થયું. સૌની યોજના મારફતે પણ આજી ડેમને 70 ટકા જેટલો ભરવામાં આવ્યો હતો. દર વર્ષે આજી ડેમમાં લોકો નહાવાની મજા માણવા આવે છે. જો કે, હાલની કોરોનાની પરિસ્થિતિને લઈને લોકો માટે પ્રતિબંધ મુકાયો છે. જુઓ આજી ડેમનાં આકાશી દ્રશ્યો.