રાજકોટના જેતપુરમાં પ્રદૂષણ માફિયાઓ બેફામ, સરધારપુર ગામનો ભાદર નદી પરનો કોબા ચેક ડેમ પ્રદૂષિત, પ્રદૂષણના કારણે ફીણની એક ચાદર બની ગઈ

રાજકોટના જેતપુરમાં પ્રદૂષણ માફિયાઓ બેફામ બન્યા છે.જેના કારણે સરધારપુર ગામનો ભાદર નદી પરનો કોબા ચેક ડેમ પ્રદૂષિત થઇ ચૂક્યો છે. ચેકડેમમાં પ્રદૂષિત પાણી આવતા ચેક ડેમના પાણીમાં પ્રદૂષણના કારણે ફીણ વળ્યા છે. ચેક ડેમ ઉપર પ્રદૂષણના કારણે ફીણની એક ચાદર બની ગઇ છે. લાખો લીટર પ્રદૂષિત પાણી ભાદર નદીમાં છોડવામાં આવે છે, અને આ પ્રદૂષિત પાણી ધોરાજીના ભાદર-2 ડેમમાં પહોંચે છે. આસપાસના તમામ પીવાના અને ખેતી પિયતના પાણીના સ્ત્રોત પ્રદૂષિત થઇ ચૂક્યા છે. પ્રદૂષણ નિયંત્રણ બોર્ડની સદંતર નિષ્ક્રિયતાના કારણે જેતપુરના પ્રદૂષણના પાપીઓએ પાણીના તમામ પાણી પ્રદૂષિત કરી નાખ્યા છે.