રાજકોટમાં ફરી મેઘરાજાની ધમાકેદાર બેટિંગ, ખેડૂતોની વધી ચિંતા

લાંબા સમયના વિરામ બાદ ફરી એક વખત મેઘરાજાએ બેટિંગ કરવાનું શરુ કરી દીધું છે. ત્યારે રાજકોટ જિલ્લાના ધોરાજી, ઉપલેટા તેમજ આસપાસના વિસ્તારોમાં ભારે પવન સાથે ધોધમાર વરસાદ વરસ્યો. ભારે વરસાદના કારણે  નીચાણવાળા અનેક વિસ્તારોમાં પાણી ભરાયા. મહત્વનું છે કે કમોસમી વરસાદના કારણે ખેડૂતોની ચિંતા વધી છે. કારણકે કમોસમી વરસાદના કારણે મગફળી, એરંડા ,સોયાબીન જેવા ખરીફ પાકોને નુકસાન થવાની સંભાવના છે. ઉલ્લેખનીય છે કે હવામાન વિભાગ દ્વારા ગુજરાત વરસાદની આગાહી કરવામાં આવી છે. અને આગાહીના પગલે સૌરાષ્ટ્ર તેમજ દક્ષિણ ગુજરાતના અનેક  વિસ્તારોમાં વરસાદ વરસ્યો છે.