રાજકોટ કોંગ્રેસમાં આંતરિક વિખવાદ, જિ. કોંગ્રેસ મહામંત્રીના ધારાસભ્ય વસોયા સામે ગંભીર આક્ષેપ
સ્થાનિક સ્વરાજની ચૂંટણી પહેલા રાજકોટ કોંગ્રેસમાં આંતરિક વિખવાદ સપાટી પર આવી ગયો છે. રાજકોટ જિલ્લા કોંગ્રેસ મહામંત્રી વિઠ્ઠલ હીરપરાએ ધોરાજીના ધારાસભ્ય લલિત વસોયા સામે ગંભીર આક્ષેપ કર્યા છે. હીરપરાએ આક્ષેપ કર્યો છે કે ધોરાજીના કોંગ્રેસના ધારાસભ્યને જનતાના કામો કરવામાં કોઈ જ રસ નથી.સાથે જ તેમણે એવો પણ ગંભીર આક્ષેપ કર્યો છે કે કોંગ્રેસ શાસિત ધોરાજી […]
સ્થાનિક સ્વરાજની ચૂંટણી પહેલા રાજકોટ કોંગ્રેસમાં આંતરિક વિખવાદ સપાટી પર આવી ગયો છે. રાજકોટ જિલ્લા કોંગ્રેસ મહામંત્રી વિઠ્ઠલ હીરપરાએ ધોરાજીના ધારાસભ્ય લલિત વસોયા સામે ગંભીર આક્ષેપ કર્યા છે. હીરપરાએ આક્ષેપ કર્યો છે કે ધોરાજીના કોંગ્રેસના ધારાસભ્યને જનતાના કામો કરવામાં કોઈ જ રસ નથી.સાથે જ તેમણે એવો પણ ગંભીર આક્ષેપ કર્યો છે કે કોંગ્રેસ શાસિત ધોરાજી નગરપાલિકામાં બેફામ ભ્રષ્ટાચાર કરવામાં આવ્યો છે. ધોરાજીના કોંગ્રેસના ધારાસભ્ય લલિત વસોયા સામે ગંભીર આક્ષેપ કરતો તેમણે વીડિયો પણ જાહેર કર્યો છે.
આ તરફ ધોરાજીના ધારાસભ્ય લલિત વસોયાએ વિઠ્ઠલ હીરપરાના આક્ષેપો ફગાવી દીધા છે. લલિત વસોયાએ વિઠ્ઠલ હીરપરાને જવાબ આપતા ભાજપ પર પણ નિશાન સાધ્યું. વસોયાએ વળતો પ્રહાર કરતા કહ્યું હતું કે ધોરાજીમાં ભાજપના શાસનમાં 14 કરોડના વિકાસના કામો હજુ સુધી પુરા નથી થયા. તેમની સામે થયેલા આક્ષેપોને લઈને હીરપરાને ખુલ્લી ચર્ચા માટે પણ પડકાર ફેંક્યો હતો.
Latest News Updates
