ગુજરાતમાં પડશે કાળઝાળ ગરમી,15 માર્ચ સુધી 39 ડિગ્રીએ પહોંચશે પારો
Gujaratમાં આ વખતે ઉનાળાની વહેલી શરૂઆત જોવા મળી રહી છે. જેમાં પણ આ વખતે ફેબ્રુઆરી માસના અંતથી જ ગરમીનો પારો સતત વધી રહ્યો છે.
Gujaratમાં આ વખતે ઉનાળાની વહેલી શરૂઆત જોવા મળી રહી છે. જેમાં પણ આ વખતે ફેબ્રુઆરી માસના અંતથી જ ગરમીનો પારો સતત વધી રહ્યો છે. જેમાં બુધવારે ગરમીના પારો અનેક શહેરોમાં 36 ડિગ્રીને પાર પહોંચી ગયો છે. જ્યારે હવામાન વિભાગની આગાહી મુજબ આગામી અઠવાડિયામાં ગુજરાતમાં ગરમીનો પ્રકોપ વધશે. આ ઉપરાંત હવામાન વિભાગ મુજબ અમદાવાદ શહેરનું મહત્તમ તાપમાન 38 ડિગ્રી અને લધુત્તમ તાપમાન 19 ડિગ્રી રહેવાનું અનુમાન છે. જ્યારે તાપમાન 15 માર્ચના રોજ મહત્તમ તાપમાન 39 ડિગ્રીએ અને લઘુત્તમ તાપમાન 19 ડિગ્રી રહેવાનું અનુમાન છે.
હવામાન વિભાગ આ પહેલા જ ગરમીને લઈને પૂર્વાનુમાન જાહેર કર્યું હતું. જ્યારે Gujaratમાં માર્ચથી મે મહિના સુધી તાપમાન સામાન્ય કરતા ઊંચું રહેશે. બીજી તરફ રાજ્યમાં માર્ચ મહિનાની શરૂઆત થતાં જ કાળઝાળ ગરમી અનુભવવા લાગી છે. હાલ માર્ચની શરૂઆતથી જ અમદાવાદ સહિતના શહેરમાં ગરમીનો અનુભવ થવા લાગ્યો છે. પરંતુ સવારના સમયે શિયાળા જેવી ગુલાબી ઠંડી અને બપોરના સમયે ગરમી એમ બેવડી ઋતુ જોવા મળી રહી છે. ગુજરાતના મોટાભાગના શહેરોમાં હાલથી જ ગરમીનો અનુભવ શરૂ થવા લાગ્યો છે.
હવામાન વિભાગના જણાવ્યા અનુસાર આ વખતે ગરમી વધારે પડશે, લોકોએ ગરમી સામે સુરક્ષિત રહેવા માટે તૈયાર રહેવું પડશે. જોકે, સૌરાષ્ટ્રના દરિયાકાંઠા વિસ્તારમાં હજુ પણ વહેલી સવારે ટાઢકનો અહેસાસ થઈ રહ્યો છે. સાંજના સમયે પવનની ગતિ પણ ઘટી જાય છે. હવામાન ખાતાના જણાવ્યા અનુસાર આગામી દિવસોમાં ગુજરાતીઓએ હીટવેવ અને ગરમી માટે તૈયાર રહેવું પડશે. આવનારા 4 દિવસ સુધી અમદાવાદનું તાપમાન 38થી 39 ડિગ્રી વચ્ચે રહેશે.
આ પણ વાંચો: કમોસમી વરસાદથી થયેલા નુકસાનની રકમ ખાનગી Insurance Companyએ ચૂકવી ના હોવાનો સ્વીકાર
Latest News Updates
