14 ફેબ્રુઆરીના મહત્વના સમાચાર : પ્રધાનમંત્રી નરેન્દ્ર મોદી આજે આસામની મુલાકાત લેશે

રાજકોટઃ જસદણના શિવરાજપુર ગામ નજીક જાહેરમાં હત્યા

રાજકોટ જિલ્લાના જસદણ તાલુકાના શિવરાજપુર ગામ નજીક જાહેરમાં હત્યાની ગંભીર ઘટના સામે આવી છે. શિવરાજપુર ગામની ચોકડી પાસે રોડ પર અજાણ્યા શખ્સોએ તીક્ષ્ણ હથિયારો વડે એક આધેડની નિર્દયી રીતે હત્યા કરી હતી. માહિતી મુજબ 10થી વધુ શખ્સોએ પાઇપ, લાકડી અને છરી જેવા હથિયારો સાથે હુમલો કર્યો હતો. સમગ્ર મારામારી અને હત્યાની ઘટના CCTV કેમેરામાં કેદ થઈ હોવાનું જાણવા મળ્યું છે. આ હુમલામાં મૃતકનો દીકરો પણ ઇજાગ્રસ્ત થયો છે, જેને સારવાર માટે Rajkot Civil Hospital ખાતે ખસેડવામાં આવ્યો છે. મામલે જસદણ પોલીસે ગુનો નોંધાવી આરોપીઓની શોધખોળ અને વધુ તપાસ શરૂ કરી છે.

ભરૂચઃ અંકલેશ્વર GIDCના રહેણાંક વિસ્તારમાંથી ઝડપાઈ ડ્રગ્સની ફેકટરી

ભરૂચ જિલ્લામાંથી ચોંકાવનારી ઘટના સામે આવી છે, જ્યાં Ankleshwar GIDC વિસ્તારની સિદ્ધ કો.ઓ. હાઉસિંગ સોસાયટીના ભાડાના મકાનમાં ગેરકાયદેસર MD ડ્રગ્સ બનાવાતી ફેક્ટરી ઝડપાઈ છે. મળતી માહિતી મુજબ મકાનના બાથરૂમમાં જ લેબોરેટરી તૈયાર કરી MD ડ્રગ્સનું ઉત્પાદન કરવામાં આવતું હતું. આ ગેરકાયદેસર પ્રવૃત્તિમાં સંડોવાયેલ વ્યક્તિ એક ફાર્મા કંપનીમાં કામ કરતો કેમિસ્ટ હોવાનું બહાર આવ્યું છે. પોલીસે દરોડા દરમિયાન આશરે 70 ગ્રામ જેટલું MD ડ્રગ્સ તથા મોટા પ્રમાણમાં રો મટીરિયલ કબ્જે કર્યું છે. સમગ્ર મામલે ભરૂચ SOGની ટીમે વધુ તપાસ હાથ ધરી આરોપીઓના નેટવર્ક સુધી પહોંચવા કાર્યવાહી શરૂ કરી છે.

તેલંગાણામાં એક લેબમાં જોરદાર વિસ્ફોટ, આગ લાગી

શુક્રવારે તેલંગાણા જિલ્લાના દોથીગુડેમ વિસ્તારમાં આવેલી rundavan Laboratories Pvt Ltd માં રેડિયેટર ફાટવાથી જોરદાર વિસ્ફોટ થયો હતો. ફાયર બ્રિગેડની દસ ગાડીઓ ઘટનાસ્થળે દોડી ગઈ હતી અને આગ પર કાબુ મેળવ્યો હતો.

હમ્પી ફેસ્ટિવલના ઉદ્ઘાટન સમારોહમાં આગ લાગી

કર્ણાટકના મુખ્યમંત્રી સિદ્ધારમૈયા હમ્પી ફેસ્ટિવલના ઉદ્ઘાટન માટે સ્ટેજ પર પહોંચ્યા ત્યારે ફટાકડા ફોડવામાં આવ્યા હતા, જેના કારણે સ્ટેજની નજીક આગ લાગી હતી. જોકે, કોઈને ઈજા થઈ ન હતી અને ફાયર ફાઇટરોએ આગ પર કાબુ મેળવ્યો હતો.

#WATCH | Vijayanagara, Karnataka: As Karnataka CM Siddaramaiah arrived on stage to inaugurate the Hampi Festival, firecrackers were set off, leading to a fire near the stage. No casualties were reported, and fire department officials brought the fire under control. pic.twitter.com/KTnGLsUKxE

— ANI (@ANI) February 13, 2026

પ્રધાનમંત્રી નરેન્દ્ર મોદી આજે આસામની મુલાકાત લેશે

પ્રધાનમંત્રી નરેન્દ્ર મોદી આજે આસામની મુલાકાત લેશે. પ્રધાનમંત્રી લગભગ સવારે 10:30 વાગ્યે ડિબ્રુગઢમાં મોરન બાયપાસ પર ઇમરજન્સી લેન્ડિંગ સુવિધા પર ઉતરશે, જ્યાં તેઓ ફાઇટર જેટ, ટ્રાન્સપોર્ટ એરક્રાફ્ટ અને હેલિકોપ્ટરનું હવાઈ પ્રદર્શન નિહાળશે. ત્યારબાદ, પ્રધાનમંત્રી લગભગ બપોરે 1:00 વાગ્યે બ્રહ્મપુત્ર નદી પર કુમાર ભાસ્કર વર્મા પુલની મુલાકાત લેશે. ત્યારબાદ, લગભગ બપોરે 1:30 વાગ્યે, પ્રધાનમંત્રી ગુવાહાટીના લચિત ઘાટ ખાતે ₹5,450 કરોડથી વધુના વિવિધ પ્રોજેક્ટ્સનું ઉદ્ઘાટન અને લોકાર્પણ કરશે.