ગૃહ મંત્રી હર્ષ સંઘવીએ શેર કર્યો ભાવનાત્મક Video, ગુજરાતમાં સ્ટુડન્ટ પોલીસ કેડેટ કાર્યક્રમમાં વિદ્યાર્થીનો અનોખો ઉત્સાહ

ગુજરાતમાં સ્ટુડન્ટ પોલીસ કેડેટ કાર્યક્રમમાં વિદ્યાર્થીનો અનોખો ઉત્સાહ જોવા મળી રહ્યો છે. જેમાં રાજ્યના ગૃહ મંત્રી હર્ષ સંઘવીએ શેર કર્યો ભાવનાત્મક વીડીયો શેર કર્યો છે. જેને લઇને તેમણે ટ્વિટર પર લખ્યું છે કે ગુજરાતના વૃદ્ધ નાગરિકો (દાદા-દાદી) દ્વારા સ્ટુડન્ટ પોલીસ કેડેટ કાર્યક્રમનું સ્વાગત કરવામાં આવી રહ્યું છે તે સાંભળીને આનંદ થયો.

SPC કાર્યક્રમનો ઉદ્દેશ્ય યુવાનોમાં સકારાત્મક મૂલ્યો, નેતૃત્વના ગુણો અને સામાજિક જવાબદારી કેળવવાનો છે અને સમુદાયના વરિષ્ઠ નાગરિકો દ્વારા આ કાર્યક્રમને માન્યતા અને પ્રશંસા મળી રહી છે તે જોઈને આનંદ થાય છે. SPC કાર્યક્રમ માત્ર પોલીસ અને યુવાનો વચ્ચે મજબૂત સંબંધ બાંધવામાં જ મદદ કરતું નથી પરંતુ યુવા પેઢીમાં કાયદો અને વ્યવસ્થા માટે આદરની ભાવનાને પણ પ્રોત્સાહન આપે છે. વૃદ્ધ નાગરિકોની સામેલગીરી અને સમર્થન કાર્યક્રમની અસરને વધુ મજબૂત બનાવી શકે છે અને વધુ યુવાનોને ભાગ લેવા માટે પ્રોત્સાહિત કરી શકે છે.

સમુદાયમાં દરેક માટે સલામત અને સુરક્ષિત વાતાવરણ ઊભું કરવું જરૂરી છે, અને SPC પ્રોગ્રામ આ ધ્યેય હાંસલ કરવા તરફનું એક સકારાત્મક પગલું છે.યુવાનોમાં જવાબદારીની ભાવના અને જાગરૂકતા કેળવીને, આપણે બધા માટે સારું ભવિષ્ય બનાવવાની દિશામાં કામ કરી શકીએ છીએ.

શિક્ષણ અને પોલીસ વિભાગે સયુક્ત રીતે સ્ટુડન્ટ્સ પોલીસ કેડેટ યોજના શરૂ કરી

જેમાં ગુજરાતના શિક્ષણ અને પોલીસ વિભાગે સયુક્ત રીતે સ્ટુડન્ટ્સ પોલીસ કેડેટ યોજના શરૂ કરી, ઘોરણ 8માં અભ્યાસ કરતાં 44 વિદ્યાર્થી પસંદ કરી ટ્રેનિંગ આપવામાં આવી છે. આ તાલીમ થકી વિદ્યાર્થીનો સર્વાંગી વિકાસ થશે. કાયદો, સન્માન, ક્ષમતા, શિસ્ત, આદર્શ, જેવા ગુનો સૂચના કરવામાં તાલીમ મહવની બની રહેશે.

આ ઉપરાંત કુટુંબ, સમાજ, દેશ, પર્યાવરણ જવાબદારી કેળવાય, યુવાનો કાયદાનું પાલન કરે, યુવાનો સમજ સેવા કરતા થયા, માનસિક અને શારીરિક રીતે મજબૂત બને, એ હેતુથી વિદ્યાર્થીઓને તાલીમ આપવામાં આવશે. ચોમાસામાં અને શિયાળામાં કેમ્પનું આયોજન કરવામાં આવે છે. આ યોજના ગુજરાત ઉપરાંત સમગ્ર દેશમાં અમલી બનાવવામાં આવી છે.

ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

દેશના તમામ જિલ્લાના સમાચાર વાંચવા માટે જોડાયેલા રહો…