Surat: ફ્રાન્સના પર્યાવરણ પ્રધાને કરી મુલાકાત, સુરતમાં પર્યાવરણલક્ષી કામગીરી કરવાની ઈચ્છા વ્યક્ત કરી

ફ્રાન્સનાં પર્યાવરણ મહિલા પ્રધાન બાર્બરા પોમપિલી પોતાના 15 પ્રતિનિધિઓ સાથે સુરતની મુલાકાતે આવ્યા હતા. તેઓએ પાલીકાની મુખ્ય કચેરીનેની મુલાકાત લીધી હતી, જ્યાં મહિલાઓની પિંક રીક્ષા જોઈ તેઓ ખૂબ જ પ્રભાવિત થયા. સાથે જ અડાજણ ખાતે આવેલા આઈ.ટી.એમ.એસ ની મુલાકાત લીધી હતી. સુરતમાં પ્રખ્યાત બાયોડાઈવર્સિટીની મુલાકાતથી તેઓ ખૂબ જ પ્રભાવિત થયા હતા. ત્યારબાદ તેમણે શહેરના કિલ્લાની પણ મુલાકાત લીધી હતી. પાલિકા કમિશનર બંછા નિધી પાની અને અધિકારીઓએ તેમને પાલિકાના વિવિધ પ્રોજેક્ટો અંગે પ્રેઝન્ટેશન આપ્યું હતું. આ પ્રેઝન્ટેશથી પર્યાવરણ પ્રધાન અને તેમના પ્રતિનિધિ મંડળ ખૂબ જ પ્રભાવિત થયા હતા અને સુરત સાથે પર્યાવરણ લક્ષી કાર્ય કરવાની ઇચ્છા જાહેર કરી હતી.