રાજ્યમાં (Gujarat) ફરી એકવાર વરસાદી (heavy rain) માહોલ શરૂ થઈ ગયો છે.બે દિવસથી રાજ્યના કેટલાક વિસ્તારમાં ધોધમાર વરસાદ વરસી રહ્યો છે.ત્યારે દેવભુમિ દ્વારકામાં (devbhumi dwarka) વહેલી સવારથી વરસાદી માહોલ જોવા મળી રહ્યો છે.સાડા ત્રણ ઇંચ વરસાદથી ચારેકોર જળબંબાકારની (Gujarat rain) સ્થિતિ છે.મેઘરાજાની તોફાની બેટિંગથી અનેક વિસ્તારોમાં વરસાદી પાણી ભરાયા છે.રસ્તાઓ (Roads) પર પાણી ભરાતા હાલ લોકોને પારવાર મુશ્કેલી વેઠવાનો વારો આવ્યો છે.
રાજકોટ શહેરના (Rajkot City) અનેક વિસ્તારોમાં શનિવારે બપોર બાદ વરસાદ વરસ્યો.શહેરના કાલાવડ રોડ, યુનિવર્સિટી રોડ,યાજ્ઞિક રોડ, અમીન માર્ગ, ત્રિકોણબાગ, ગોંડલ રોડ, ઢેબર રોડ સહિતના વિસ્તારોમાં વરસાદ જોવા મળ્યો હતો.જૂનાગઢમાં (Junagadh) સતત ત્રીજા દિવસે મેઘરાજાએ કૃપા વરસાવી છે.શહેરના મોતીબાગ, મધુરમ, કાળવાચોક વિસ્તારમાં વરસાદ નોંઘાયો હતો.ભારે વરસાદને પગલે નીચાણવાળા વિસ્તારોમાં વરસાદી પાણી વહેતા થયા.
ગઈકાલથી સુરતમાં મેઘરાજા મહેરબાન છે.માંડવીમાંડવીના રૂપન ,સઠવાવ ,મોરીથા પંથકમાં ધોધમાર વરસાદ જોવા મળ્યો.ખેતી લાયક વરસાદ થતા ખેડૂતોમાં ખુશીનો માહોલ જોવા મળી રહ્યો છે.
Published On - 11:55 am, Sun, 7 August 22