Devbhoomi dwarka: ગોમતી ઘાટ પર કરવામાં આવ્યું દીપદાન, શ્રદ્ધાળુઓએ મોટી સંખ્યામાં કર્યા દ્વારકાધીશના દર્શન

દેવભૂમિ દ્વારકા જિલ્લામાં  નવા વર્ષ અને  ભાઇ બીજના દિવસે મોટી સંખ્યામાં શ્રદ્ધાળુઓ ઉમટી  પડ્યા હતા.  ખાસ કરીને ભાઈ બીજના દિવસે બહેનોએ ગોમતી નદીમાં દીપ દાન કરીને  ભાઈઓ માટે લાંબા આયુષ્યની  પ્રાર્થના કરી હતી.  દ્વારકા ખાતે  દ્વારકાધીશના દર્શન કરવા માટે નવા વર્ષમાં લાબી કતારો લાગી હતી.  દર્શનાર્થીઓ મોટી સંખ્યામાં સરળતાથી દર્શન કરી શકે તે માટે   મંદિર દ્વારા  પૂરતી વ્યવસ્થા ગોઠવવામાં આવી હતી.   દ્વારકામાં ભક્તિમય માહોલ વચ્ચે ગોમતી ઘાટે ભક્તોની ભીડ જામી હતી.   જોકે ભક્તોની ભીડ વચ્ચે ગોમતી ઘાટ ખાતે રખડતા ઢોરનો ત્રાસ જોવા મળ્યો હતો.   ભાઈ બીજના દિવસે મોટી સંખ્યામાં ભાવિકો ગોમતી કાંઠે એકઠા થયા હતા ત્યારે રખડતા ઢોરે   બાખડતા લોકોના જીવ અધ્ધરતાલ થઈ ગયા હતા.

દેવભૂમિ દ્વારકાના ગોમતી નદીના તટ પર ઢોરનો ત્રાસ જોવા મળ્યો છે. ભાઈબીજના પવિત્ર તહેવાર પર ગોમતી નદીમાં ભાઈના આયુષ્ય માટે દીવડા તરતા મૂકવાનું મહત્વ છે. જેથી મોટી સંખ્યમાં મહિલાઓ અને યાત્રીકો ઘાટ પર પહોંચ્યા હતા. પરંતુ આ દરમિયાન રખડતા ઢોર પણ બાખડ્યા હતા અને લોકોના જીવ અધ્ધર તાલ થયા હતા. નદી કાંઠે રખડતા ઢોરના ત્રાસથી લોકોએ પરેશાની વેઠી હતી. જોકે સદ્દનસીબે કોઈને પણ ઈજા પહોંચી ન હતી.