અલકાયદાની ધમકીને પગલે ગુજરાત હાઈ એલર્ટ પર, દ્વારકાધીશ મંદિરની સુરક્ષામાં પોલીસ ખડેપગે
આતંકવાદી હુમલાની દહેશતના પગલે દ્વારકા જિલ્લાના તમામ ચેકપોસ્ટ પર પોલીસ દ્વારા એન્ટ્રી કરતા વાહનોનું (Vehicle) ચેકિંગ કરવામાં આવી રહ્યું છે.
આંતકવાદી સંગઠન અલકાયદા દ્વારા ગુજરાતમાં હુમલાની ધમકીના પગલે સમગ્ર ગુજરાત (Gujarat Police) હાઈ એલર્ટ પર હોઈ ત્યારે દ્વારકા ખાતે આવેલ દ્વારકાધીશ જગત મંદિરની (Dwarka Temple) સુરક્ષામાં પણ વધારો કરવામાં આવ્યો છે. દ્વારકા જિલ્લો કે જે ત્રણ તરફથી સમુદ્ર સાથે ઘેરાયેલો હોવાથી જે સુરક્ષાની દ્રષ્ટિએ અતિ મહત્વ પૂર્ણ ગણાય છે અહી જગ વિખ્યાત દ્વારકાધીશ મંદિર આવ્યુ હોવાથી દરરોજ હજારોની સંખ્યામાં યાત્રાળુ સમગ્ર દેશમાંથી આવતા હોય ત્યારે સુરક્ષાની (Safety) દ્રષ્ટિએ આ જિલ્લો ખૂબજ મહત્વ પૂર્ણ ગણવામાં આવે છે.
આતંકવાદી હુમલાની દેહશતના પગલે દ્વારકા જિલ્લાના તમામ ચેકપોસ્ટ પર પોલીસ દ્વારા એન્ટ્રી કરતા વાહનોનું(Vehicle) ચેકિંગ કરવામાં આવી રહ્યું છે.ઉપરાંત દ્વારકાધિશ મંદિર, ગોમતીઘાટ, સુદામાસેતુ, રેલ્વે સ્ટેશન, બસ સ્ટેશન પર તેમજ શહેરના ભીડભાડ વાળી જગ્યામાં પોલીસ(Police) દ્વારા ખાસ નજર રખાઈ રહી છે. દ્વારકા મંદિર આવતા તમામ લોકોને ચેકીંગ કર્યા બાદ જ મંદિર પરિસરમાં પ્રવેશ આપવામાં આવી રહ્યો છે.આ સાથે વાહનોનું (Vehicle) પણ સઘન ચોકિંગ કરવામાં આવી રહ્યું છે.
Latest News Updates
