દાહોદમાં કૂવામાંથી મળેલી નવજાત બાળકીએ લીધા અંતિમ શ્વાસ,એક દિવસમાં બે કૃત્યએ ‘માનવતા’ને શર્મશાર કરી !

Dahod : રાજ્યમાં (gujarat)  ફરી એકવાર માનવતાને શર્મશાર કરતી ઘટના બની.દાહોદના (Dahod)  ગરબાડાના ભે ગામે કૂવામાંથી મળેલી બાળકીને અંતિમ શ્વાસ લીધા છે. સારવાર દરમિયાન માસૂમ બળકીનું મોત થયું છે.કૂવામાંથી બાળકીનો અવાજ આવતા ગામ લોકોએ પોલીસને જાણ કરી હતી. ત્યારબાદ પોલીસે (Dahod POlice) બાળકીને કૂવામાંથી બહાર કાઢી હતી અને સારવાર માટે હોસ્પિટલ ખસેડી હતી.બીજી તરફ બળકી કૂવામાં ક્યાંથી આવી તેને લઈને પણ તપાસ શરૂ કરી હતી. પ્રાથમિક તપાસમાં (Investigation)સામે આવ્યું છે કે, 19 વર્ષીય યુવતી અને એક યુવક બાળકીને કૂવામાં નાખી ગયા હતા. આ બંને વિરૂદ્ધ ફરિયાદ નોંધી પોલીસે કાયદાકીય કાર્યવાહી હાથ ધરી છે.

#Dahod :New born died after falling in well in Garbada #Gujarat #TV9News pic.twitter.com/dLfGZw1lkz

— Tv9 Gujarati (@tv9gujarati) August 6, 2022

એક દિવસમાં બે ઘટનાએ માતાની મમતાને લજાવી !

તો સાબરકાંઠા જિલ્લામાં પણ ‘મા’ ની મમતાને શર્મશાર કરતી ઘટના સામે આવી હતી.ખુદ માતાએ જ બાળકીને જમીનમાં દાટી હોવાનુ સામે આવતા સમગ્ર વિસ્તારમાં ખળભળાટ મચી ગયો છે.બીજી તરફ પસાબરકાંઠા પોલીસે (Sabarkantha Police) નવજાત બાળકીને દફનાવી દેવાના મામલામાં માતા અને પિતાની ધરપકડ કરી છે. બંનેની ઓળખ કરવા માટે પોલીસે હ્યુમન ઈન્ટેલીજન્સનો ઉપયોગ કરીને બાળકીના માતા પિતાને શોધવા માટે પ્રયાસ શરુ કર્યો હતો. જેમાં ગાંભોઈ (Ganbhoi Police) વિસ્તાર અને આસપાસમાં આ અંગે તપાસ શરુ કરવામાં આવી હતી. મહત્વનું છે કે, માતા અને પિતાએ પૂછપરછ દરમિયાન પોતાના કૃત્યને કબૂલી લીધુ હતુ.