Breaking News: ગીર ગઢડામાં કરૂણ ઘટના, પિતાની નજર સામે 12 વર્ષના બાળકને મગર ખાઇ ગયો, 5 કલાક બાદ મળ્યો મૃતદેહ, જુઓ Video

ગીર ગઢડા તાલુકાના કોડીનાર નજીક આવેલા હરમડીયા ગામમાં હૃદયદ્રાવક ઘટના સામે આવી છે. સાંગાવાડી નદી કિનારે હાથ-પગ ધોતા સમયે 12 વર્ષના બાળક પર મગરે હુમલો કરતા તેનું મોત થયું હતું. આ ઘટનાએ સમગ્ર વિસ્તારમાં શોકનું મોજું ફેલાવી દીધું છે.

મગરે તેના પર હુમલો કર્યો

મળતી માહિતી મુજબ, બાળક પોતાના પરિવાર સાથે નદી કિનારે ગયો હતો. આ દરમિયાન તે હાથ-પગ ધોઈ રહ્યો હતો ત્યારે અચાનક પાણીમાંથી બહાર આવેલા મગરે તેના પર હુમલો કર્યો અને તેને પાણીની અંદર ખેંચી ગયો. આ સમગ્ર ઘટના બાળકના પિતાની નજર સામે બની હતી, જેના કારણે પરિવાર આઘાતમાં આવી ગયો હતો.

ઘટનાની જાણ થતાં જ સ્થાનિક લોકો મોટી સંખ્યામાં સ્થળ પર એકત્ર થયા હતા. ત્યારબાદ ફાયર વિભાગ અને વન વિભાગની ટીમો ઘટનાસ્થળે પહોંચી હતી અને બાળકને શોધવા માટે રેસ્ક્યૂ ઓપરેશન શરૂ કરવામાં આવ્યું હતું. ભારે જહેમત અને સતત શોધખોળ બાદ લગભગ 5 કલાક પછી મગરે બાળકના મૃતદેહને જડબામાંથી મુક્ત કર્યો હતો.

જળાશયો નજીક સાવચેતી રાખવાની જરૂરિયાત

બાળકના મૃતદેહને કબજે લઈ આગળની કાર્યવાહી માટે પોસ્ટમોર્ટમ માટે ખસેડવામાં આવ્યો હતો. આ ઘટનાએ ફરી એકવાર નદી અને જળાશયો નજીક સાવચેતી રાખવાની જરૂરિયાત તરફ ધ્યાન દોર્યું છે. સ્થાનિક તંત્ર દ્વારા લોકોને જંગલી પ્રાણીઓના જોખમવાળા વિસ્તારોમાં સતર્ક રહેવાની અપીલ કરવામાં આવી છે.

Breaking News : ગુજરાતને ‘ઉડતા પંજાબ’ બનાવવાનું આયોજન? સરહદ પારથી ડ્રગ્સ મગાવવામાં ભાજપના નેતાના સગા ભાઈનું નામ ખુલતાં વહીવટી તંત્રમાં ભૂકંપ! જુઓ Video