Tv9 ગુજરાતીના ધારદાર અહેવાલ બાદ જાગ્યુ ભાવનગરનું તંત્ર, શહેરમાં ઠેર ઠેર પડેલા ખાડા પુરવાની કામગીરી તાત્કાલિક ધોરણે શરૂ કરાઈ- Video

ભાવનગર શહેરમાં વરસાદ બાદ તમામ રસ્તા પર ખાડા પડ્યા હતા અને રસ્તા પર ખાડા છે કે ખાડામાં રસ્તા છે તે નક્કી કરવુ મુશ્કેલ બની ગયુ હતુ. જો કે ભાવનગર મહાનગરપાલિકાના પ્રતાપે ખાડાની આ સમસ્યા ન માત્ર ચોમાસા પુરતી સીમિત રહી છે, તે કાયમી બની ગઈ છે. આ અંગે Tv9 ગુજરાતની દ્વારા મહાનગરપાલિકાના સત્તાધિશોને અણિયાળા સવાલો કરતો અને ભાવેણાવાસીઓની વ્યથાને રજૂ કરતો ધારદાર અહેવાલ પ્રસારીત કર્યો હતો. આ અહેવાલ બાદ મહાનગરપાલિકાના સત્તાધિશોએ જાણે આળસ ખંખેરી હોય તેમ તાત્કાલિક ધોરણે ખાડ પુરવાની કામગીરી શરૂ કરવામાં આવી છે. હાલ શહેરમાં રોડને સમતલ બનાવવાની અને જ્યાં જ્યા રસ્તા તૂટી ગયા હોય કે ઉબડ ખાબડ બન્યા હોય તેનુ સમારકામની કામગીરી ચાલી રહી છે

શહેરમાં ઠેર ઠેર પડેલા ખાડાને કારણે વાહનચાલકો ત્રાહિમામ છે. અનેકવાર અકસ્માત સર્જાવાની સમસ્યા સામે આવી છે તો ખાડામાં પાણી ભરાઈ જવાને કારણે લોકોને પારાવાર મુશ્કેલી પડી રહી હતી. આ તમામ સમસ્યાને લઈને મહાનગરપાલિકાના શાસકોને ઉંઘમાંથી જગાડવાનું કામ tv9 દ્વારા કરવામાં આવ્યુ અને અહેવાલ રજૂ થતા શાસકો અને અધિકારીઓ બેદરકારીની ઉંઘમાંથી ઉઠીને તાત્કાલિક ધોરણે શહેરમાં પડેલા ખાડા પુરવાની કામગીરી શરૂ કરાઈ છે.

આ સમગ્ર ઘટનાને લઈને સ્ટે.કમિટીના ચેરમેનને પૂછતા તેમને જણાવેલ કે ભારે વરસાદને લઈને શહેર ના અમુક રોડ રસ્તા પર ખાડા પડી ગયા હતા જે tv9 ના માધ્યમથી અમને જાણ થતા તાત્કાલિક ધોરણે સૂચના આપીને કામગીરી શરૂ કરવામાં આવી છે. આ અંગે વિપક્ષના સભ્ય દ્વારા પણ tv9 ના અહેવાલની પ્રશંસા કરવામાં આવી હતી અને શાસકો શહેરના રોડ રસ્તા કેટલી નબળી ગુણવત્તાવાળા કરે છે તેવો આક્ષેપ કરવામાં આવ્યો હતો.

હાલ શહેરના અનેક રસ્તાઓ પર મજૂરો અને મશીનરી દ્વારા ખાડા પૂરવાની કામગીરી પૂરજોશમાં ચાલી રહી છે, જેથી વરસાદી સિઝનમાં નાગરિકોને વધુ મુશ્કેલી ન પડે. આમ ફરી એકવાર ટીવીનાઈનના અહેવાલના પડઘા પડ્યા છે અને ટીવીનાઈનના અહેવાલ અસરદાર સાબિત થયો છે.

Input Credit- Ajit Gadhvi- Bhavnagar

ગિરનાર પર્વતનો અદ્દભૂત નજારો આવ્યો સામે, ચારે બાજુ હરિયાળી અને વાદળોથી ઘેરાયેલા પર્વતનો સુંદર નજારો આવ્યો સામે- જુઓ Video