Breaking News: ખંભાતમાં બાળકી પર દુષ્કર્મ બાદ હત્યા કેસમાં દોષીતને સેશન્સ કોર્ટે ફટકારી ફાંસીની સજા

આણંદના ખંભાતના કાણીસા ગામે વર્ષ 2019માં એક નરાધમે 7 વર્ષની બાળકીને તેની હવસનો શિકાર બનાવી.  દોષીતે બાળકીને બિસ્કિટની લાલચ આપીને પોતાની પાસે બોલાવી અને મંદિરની પાછળ લઈ જઈ દુષ્કર્મ આચર્યુ હતુ. જે બાદ બાળકીને ગળુ દબાવીને મોતને ઘાટ ઉતારી અને લાશને કેનાલમાં ફેંકી દીધી હતી. ઘટના બાદ પોલીસે અર્જુન નામના આ નરાધમની ધરપકડ કરી હતી અને સમગ્ર કેસ કોર્ટમાં ચાલ્યો હતો આખરે 7 વર્ષે ખંભાત સેશન્સ કોર્ટે ચુકાદો આપતા હત્યારાને હવસખોરને ફાંસીની સજા ફટકારી છે.

ઘટના બાદ આખા વિસ્તારમાં ચકચાર મચી ગઈ હતી. લોકોમાં ભય અને રોષ વ્યાપ્ત થયો હતો. બાળકીને શોધવા માટે પોલીસ તંત્ર અને ગ્રામજનો દ્વારા મસીહત શરૂ કરવામાં આવી હતી. થોડા સમય બાદ બાળકીની લાશ કેનાલમાંથી મળી આવી, જેને પગલે પોલીસે મોટે ભાગે શક્ય સંદિગ્ધોની પૂછપરછ શરૂ કરી હતી. તકેદારી અને ટેકનિકલ સાક્ષો આધારે આરોપી અર્જુન સુધી પોલીસ પહોંચી હતી અને તેને તાત્કાલિક પકડી લીધો હતો.

આ કેસમાં પોલીસ તપાસ ખૂબ જ ગાઢ અને ઝડપી રહી હતી. તપાસ દરમ્યાન મળેલા DNA પુરાવા, સારવાર રિપોર્ટ્સ અને અન્ય સાક્ષોથી આરોપી સામે દંડનિય પુરાવા ઊભા થયા. આરોપીની ધરપકડ બાદ સમગ્ર કેસ ખંભાત સેશન્સ કોર્ટમાં ચાલ્યો હતો. સરકાર તરફથી સરકારના વકીલે કડક રીતે દલીલ કરતા કહ્યું કે આ કેસ ‘રેર્સ્ટ ઓફ ધ રેર’ શ્રેણીનો છે અને સમાજમાં ભયનું વાતાવરણ ઊભું કરનારો છે. તેમણે દલીલ કરી હતી કે આવા જઘન્ટ અપરાધ માટે માત્ર ફાંસી એક જ વિકલ્પ છે.

છેક 2025માં, લગભગ સાત વર્ષના લાંબા કાયદાકીય લડત બાદ, ખંભાતની સેશન કોર્ટે આ કેસમાં ચુકાદો આપ્યો. કોર્ટે આરોપીને જઘન્ય ગુનામાં દોષીત ઠેરવી ફાંસીની સજા ફટકારી છે.

આ ચુકાદા બાદ પીડિત પરિવાર તરફથી આશ્ચર્ય અને રાહતનો શ્વાસ જોવા મળ્યો. બાળકીના પિતાએ જણાવ્યું કે “અમે વર્ષોથી આ દિવસની રાહ જોઈ રહ્યા હતા. ન્યાય મળ્યો છે, પરંતુ જે દુઃખ ભોગવ્યું છે તે ક્યારેય ભૂલાઈ નહીં.” ગામમાં પણ લોકોનો અવાજ આવ્યો કે આવી ઘટનાઓને ફાંસી જેવી કડક સજા  દ્વારા જ રોકી શકાય છે.

Input Credit- Dharmendra Kapasi- Anand

ગુજરાતના તમામ જિલ્લાના સમાચાર વાંચવા માટે અહીં ક્લિક કરો