અમૂલ અને મધર ડેરીનું દૂધ બન્યું વધુ મોંઘું, આજથી નવા દર લાગુ

ગુજરાત કો-ઓપરેટિવ મિલ્ક માર્કેટિંગ ફેડરેશને (Amul Federation) અમૂલ દૂધના ભાવમાં પ્રતિ લિટર રૂ. 2નો વધારો કર્યો છે. આ સાથે મધર ડેરીએ (Mother Dairy) પણ દૂધના ભાવમાં વધારો કર્યો છે. નવા દરો આજથી (17 ઓગસ્ટ, 2022)થી લાગુ થશે. છેલ્લા છ મહિનામાં અમૂલ (Amul) દ્વારા દૂધના ભાવમાં પ્રતિ લિટરે રૂપિયા ચારનો વધારો કર્યો છે. તો દૂધની બનાવટ ઉપર લાદવામાં આવેલ 5 ટકા જીએસટીને કારણે દૂધની વિવિધ બનાવટ ઉપર 19 જુલાઈથી વધારો કરાયો હતો. અમૂલ દ્વારા દૂધના ભાવમાં છેલ્લે 1 માર્ચ 2022ના રોજ પ્રતિ લિટરે 2 રૂપિયા વધાર્યા હતા. ત્યાર બાદ આજથી એટલે કે 17મી ઓગસ્ટથી પ્રતિ લીટરે રૂપિયા 2 નો વધારો કર્યો છે. આજથી અમલી બનેલા ભાવ વધારાને પગલે, અમૂલ ગોલ્ડ (Amul Gold) 500 મિલીનો ભાવ રૂ. 31 અને લીટરનો ભાવ 62 થયો છે. જ્યારે 500 મિલી અમૂલ તાઝાનો ભાવ રૂ. 25 અને એક લીટર દૂઘનો ભાવ 50 થયો છે. જ્યારે 500 મિલી અમૂલ શક્તિ દૂધનો ભાવ રૂ. 28 પ્રતિ થશે.

અગાઉ અમૂલે 1 માર્ચ 2022થી 2 રૂપિયાનો કર્યો હતો વધારો

અમૂલ દ્વારા નજીકના ભૂતકાળ એટલે કે, માર્ચમાં પણ ભાવ વધારો કર્યો હતો. 1 માર્ચ 2022ના રોજથી દૂધના ભાવમાં પ્રતિ લિટરે બે રૂપિયાનો વધારો કર્યો હતો. 1 માર્ચ 2022થી અમદાવાદ અને સૌરાષ્ટ્રની માર્કેટોમાં અમૂલ ગોલ્ડની કિંમત 500 મિલી. દીઠ રૂ.30 કરાયા હતા. અમૂલ તાજાની કિંમત 500 મિલી. દીઠ રૂ.24 અને અમૂલ શક્તિ દૂધની કિંમત 500 મિલી. દીઠ રૂ.27 કરાયા હતા. 1 માર્ચ બાદ 17 ઓગસ્ટે ફરીથી દૂધના ભાવમાં પ્રતિ લિટરે બે રૂપિયાનો વધારો કર્યો છે.

દૂધની પ્રોડક્ટ પર 5 ટકા GST લાદવામાં આવતા 19 જુલાઈએ વધ્યા હતા આ પ્રોડક્ટના ભાવ

દૂધની વિવિધ બ્રાન્ડેડ બનાવટ ઉપર 5 ટકા GST લાદવામાં આવ્યો છે. આ 5 ટકા GSTનું ભારણ અમૂલે દૂધની બનાવટના વપરાશકારો ઉપર 19 જુલાઈથી લાદ્યો હતો. અમૂલ દહીના 400 ગ્રામના પાઉચ ઉપર 2 રૂપિયાનો વધારો કરવામાં આવ્યો હતો. જે બાદ નવો ભાવ 32 થયો હતો. આજ રીતે મસ્તી દહીના 1 કિલોના પાઉચમાં 4 રૂપિયાનો વધારો કરવામાં આવ્યો હતો. 170 મીલી છાશમાં પણ રૂપિયા 1નો વધારો કરાયો હતો, અમૂલ લસ્સી 170 ગ્રામના પેકેટમાં રૂપિયા 1નો વધારો કરાયો હતો.

Web Stories View more

આજનું રાશિફળ તારીખ 26-04-2024

ડાઉન ટુ અર્થ છે અરિજીત સિંહ , જુઓ ફોટો

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?