Breaking News: અમરેલીમાં 24 કલાકમાં આવ્યો ભૂકંપનો ત્રીજો આંચકો. 8.18 વાગ્યે 3.2ની તીવ્રતાનો ભૂકંપ
Amreli: અમરેલીના આજુબાજુના ગામોમાં સતત ભૂકંપના હળવા આંચકા આવી રહ્યા છે. જેમા આજના દિવસમાં એક દિવસમાં સતત ત્રીજીવાર ભૂકંપનો આંચકો આવ્યો છે. રાત્રે 8.18 આસપાસ 3.1ની તીવ્રતાનો ભૂકંપ આવ્યો હતો. જેનુ કેન્દ્રબિંદુ અમરેલીથી 43 કિમી દૂર નોંધાયુ છે.
અમરેલીમાં છેલ્લા 24 કલાકમાં ભૂકંપનો ત્રીજો આંચકો આવ્યો છે. 8.18 વાગ્યે 3.2ની તીવ્રતાનો ભૂકંપ આવ્યો છે. અમરેલીથી 43 કિલોમીટર દૂર ભૂકંપનું કેન્દ્રબિંદુ નોંધાયુ છે. અગાઉ સવારે 11.50 કલાકે 3.1ની તીવ્રતાનો ભૂકંપ આવ્યો હતો. ગત રાત્રે પણ 3.4ની તીવ્રતાનો ભૂકંપ આવ્યો હતો.
ગઈકાલે(23.02.23) પણ સતત ત્રણવાર ભૂકંપના આંચકા આવ્યા હતા. જો કે હળવા આંચકા હોવાથી કોઈ જાનહાની થવા પામી નથી. ગઈકાલે ખાંભાના સાકરપડા, ધજડી, જીકીયાળી સહિતના ગામડામાં ભૂકંપનો આંચકો અનુભવાયો હતો. આજે સવારે પણ 11.50 વાગ્યે ભૂકંપનો આંચકો આવ્યો હતો. અત્યારે ભૂકંપના આંચકાને લઈને સાવધાની રાખવા માટેની માર્ગદર્શિકા પણ જાહેર કરવામાં આવી છે.
ફેબ્રઆરીમાં વારંવાર ધ્રુજી ગુજરાતની ધરા
- 24 ફેબ્રુઆરીના રોજ એક દિવસમાં ત્રણવાર ધ્રુજી ધરા
- 23 ફેબ્રુઆરીના રોજ અમરેલી પાસે 3.1ની તીવ્રતાનો ભૂકંપો આંચકો અનુભવાયો
- 20 ફેબ્રુઆરીના રોજ કચ્છના દુધઈ પાસે સવારે 3.2ની તીવ્રતાનો ભૂકંપનો આંચકો અનુભવાયો
- 19 ફેબ્રુઆરીના રોજ અમરેલી પાસે સવારે 2.8ની તીવ્રતાનો ભૂકંપનો આંચકો અનુભવાયો
- 14 ફેબ્રુઆરીના રોજ તાપીના ઉકાઇમાં સવારે 2.3ની તીવ્રતાનો ભૂકંપનો આંચકો અનુભવાયો
- 12 ફેબ્રુઆરીના રોજ રાત્રે 2.44 કલાકે તાલાલાથી 7 કિમી દૂર 2.1ની તીવ્રતાનો ભૂકંપનો આંચકો અનુભવાયો હતો.
- 11 ફેબ્રુઆરીના રોજ બપોરે 1.51 કલાકે કચ્છના દુધઈમાં 3.7ની તીવ્રતાનો ભૂકંપનો આંચકો અનુભવાયો હતો.
- 11 ફેબ્રુઆરીના રોજ રાત્રે 12.52 કલાકે સુરતમાં 3.8ની તીવ્રતાનો ભૂકંપનો આંચકો અનુભવાયો હતો.
- 9 ફેબ્રુઆરીના રોજ કચ્છના દુધઈમાં બપોરે 1.45 કલાકે 3ની તીવ્રતાનો ભૂકંપનો આંચકો અનુભવાયો હતો.
- 8 ફેબ્રુઆરીના રોજ કચ્છના ભચાઉમાં સાંજે 9.08 કલાકે 3.0 ની તીવ્રતાનો ભૂકંપનો આંચકો અનુભવાયો હતો.
- 6 ફેબ્રુઆરીના રોજ સૌરાષ્ટ્રના અમરેલીમાં સાંજે 9.10 કલાકે 3.2 ની તીવ્રતાનો ભૂકંપનો આંચકો અનુભવાયો હતો.
- 5 ફેબ્રુઆરીના રોજ કચ્છના ભચાઉમાં સવારે 11.11 કલાકે 3.1 ની તીવ્રતાનો ભૂકંપનો આંચકો અનુભવાયો હતો.
- 4 ફેબ્રુઆરીના રોજ સૌરાષ્ટ્રના ગોંડલમાં સાંજે 8.15 કલાકે 2.5 ની તીવ્રતાનો ભૂકંપનો આંચકો અનુભવાયો હતો.
- 4 ફેબ્રુઆરીના રોજ સૌરાષ્ટ્રના અમરેલીમાં સવારે 7.51 કલાકે 3.2 ની તીવ્રતાનો ભૂકંપનો આંચકો અનુભવાયો હતો.
- 4 ફેબ્રુઆરીના રોજ સૌરાષ્ટ્રના અમરેલીમાં રાત્રે 10.47 કલાકે 2.8 ની તીવ્રતાનો ભૂકંપનો આંચકો અનુભવાયો હતો.
આ પણ વાંચો: Breaking News: અમરેલી પાસે ફરી એકવાર 3.1 તીવ્રતાનો ભૂકંપ, સવારે 9:06 કલાકે અનુભવાયો આંચકો
ગુજરાતમાં જાન્યુઆરી મહિનામાં પણ ભૂકંપના નાના-મોટા આંચકાઓ અનુભવાયા હતા. ફેબ્રુઆરીની શરુઆતથી જ ગુજરાતમાં સુરત, સૌરાષ્ટ્ર અને કચ્છના અલગ અલગ વિસ્તારમાં કુલ 10 વાર ભૂકંપના આંચકા અનુભવાયા હતા.
