રાજ્યમાં વધ્યુ ઠંડીનું જોર, દિવસે ગરમી તો રાત્રે અને વહેલી સવારે વધ્યો ઠંડીનો ચમકારો

છેલ્લા થોડા દિવસથી રાજ્યમાં ઠંડીએ જોર પકડયું છે. દિવસ દરમિયાન લોકોને ગરમીનો અહેસાસ થયા બાદ રાત્રે અને વહેલી સવારે ઠંડીનો ચમકારો પણ જોવા મળી રહ્યો છે. રાજ્યમાં ઉત્તર પૂર્વના પવન ફૂંકાતા તાપમાનમાં ઘટાડો નોંધાઇ રહ્યો છે. તેમજ ઠંડા અને સૂકા પવન ફૂંકાતા રાત્રે અને વહેલી સવારે ઠંડી લાગે છે. જો કે બપોર થતા જ આકરો તાપ લાગતા લોકોને દિવસ દરમિયાન બેવડી ઋતુનો અનુભવ કરવો પડી રહ્યો છે. જો કે હવે ધીમે ધીમે તાપમાન ઘટતું જશે તેવી આગાહી હવામાન વિભાગે કરી છે.

આગામી 5 દિવસ તાપમાન યથાવત રહેશે: હવામાન વિભાગ

હવામાન વિભાગનું જણાવવું છે કે આગામી 5 દિવસ તાપમાન યથાવત રહેશે. જોકે 2 દિવસ બાદ એક ડિગ્રી જેટલુ તાપમાન ઘટી શકે છે. અમદાવાદમાં 15 ડિગ્રી આસપાસ તાપમાન નોંધાયું છે તે 14 ડિગ્રી પહોંચી શકે છે. તો ઉત્તરી પવન ફૂંકાવવાને કારણે લોકોને ઠંડીનો વધુ અહેસાસ થઈ શકે છે.

Web Stories View more

બ્લેક આઉટફિટમાં ભાભી 2 નો બોલ્ડ લુક વાયરલ, જુઓ તસવીર

અક્ષય તૃતીયા પર જો સોના-ચાંદીનું બજેટ ન હોય તો શુભ સમયે ખરીદો આ 5 સસ્તી વસ્તુઓ

કથાકાર જયા કિશોરીએ જણાવ્યું પરિવારનું 'ટોપ સિક્રેટ'

મેટ ગાલામાં આલિયા ભટ્ટનો જલવો, સબ્યસાચીની સાડીમાં લાગી હુશ્નની પરી, જુઓ-Photo

એક, બે, ત્રણ... ઉમેદવાર કેટલી બેઠકો પર ચૂંટણી લડી શકે?

સરકારી બેંક SBI પાસેથી 5 વર્ષ માટે 13 લાખની કાર લોન પર કેટલી EMI આવશે?

રાજ્યમાં અનેક શહેરોમાં ઠંડીનું જોર વધ્યુ

રાજ્યના શહેરોની જો વાત કરવામાં આવે તો ગાંધીનગરમાં 13.2 ડિગ્રી. અમદાવાદમાં 14.5 ડિગ્રી, અમરેલીમાં 14.4 ડિગ્રી, વડોદરામાં 14.4 ડિગ્રી, ડીસામાં 16 ડિગ્રી, ભાવનગરમાં 16.6 ડિગ્રી, ભુજમાં 19 ડિગ્રી, દ્વારકામાં 22.3 ડિગ્રી, કંડલામાં 18.8 ડિગ્રી, નલિયામાં 16.4 ડિગ્રી, સુરતમાં 20.6 ડિગ્રી, વેરાવળમાં 19.6 ડિગ્રી તાપમાન નોંધાયુ છે.

રાજ્યમાં વધ્યુ ઠંડીનું જોર#Winter #Winter2022 #Gujarat #TV9News pic.twitter.com/BoKK2Hqvl5

— Tv9 Gujarati (@tv9gujarati) November 19, 2022

અમદાવાદ શહેરમાં ઠંડા પવન ફુંકાવાની શરૂઆત થઈ

ઉલ્લેખનીય છે કે રાજ્યમાં છેલ્લા એક સપ્તાહમાં લઘુતમ તાપમાન 3 થી 4 ડિગ્રી ઘટી ગયું છે. અમદાવાદ શહેરમાં એક સપ્તાહ પહેલા 17.6 ડિગ્રી તાપમાન હતું જે ઘટીને અમદાવાદનું લઘુતમ તાપમાન 14.5 ડિગ્રી નોંધાયું છે. જો કે આજે વહેલી સવારે અમદાવાદ શહેરમાં ઠંડા પવનો ફૂંકાયા છે અને લોકોએ ઠંડીનો અહેસાસ કર્યો છે. રાજ્યમાં ઉત્તર પૂર્વના પવન ફૂંકાતા આગામી પાંચ દિવસ વાતાવરણ સૂકું રહેવાનું હવામાન વિભાગનું અનુમાન છે અને આગામી 4 થી 5 દિવસ તાપમાન પણ યથાવત રહેશે.