કેશવબાગ બનશે હવે અમદાવાદનું નવું માણેકચોક ! 7400 ચોરસ યાર્ડનો કેશવબાગ પાર્ટી પ્લોટ રૂ.219 કરોડમાં વેચાયો
Ahmedabad News : કેશવબાગ ખાતેનો નવો પ્રોજેક્ટ આ વિસ્તારથી શિવરંજની સુધીના વિસ્તારને માણેક ચોકમાં ફેરવે તેવી શક્યતા છે. માણેક ચોક એ જૂના શહેરનો એક વિસ્તાર છે જે તેના ઝવેરાતના વ્યવસાય અને દુકાનો માટે જાણીતો છે.
અમદાવાદ શહેરનો પ્રખ્યાત કેશવબાગ પાર્ટી પ્લોટ પ્રતિ ચોરસ યાર્ડ રૂ. 2.95 લાખમાં વેચાયો છે. સૂત્રોએ જણાવ્યું હતું કે આશરે 7,400 ચોરસ યાર્ડની જમીન અને બીઆરટીએસ કોરિડોરની બાજુમાં મુખ્ય માર્ગ પર આવેલી જમીન રૂ. 219 કરોડમાં વેચવામાં આવી હતી. શહેરના પશ્ચિમ ભાગમાં માનસી ચોકડી પાસે આવેલા બે દાયકા જૂના પ્લોટ પર એક આકર્ષક કોમર્શિયલ કોમ્પ્લેક્સ બનાવવામાં આવશે.
આ વિસ્તારનો ઝડપી વિકાસ જોવા મળી રહ્યો છે.
ડેવલપરે જણાવ્યું હતું કે, કેશવબાગ પાર્ટી પ્લોટનો સોદો તાજેતરમાં શહેર સ્થિત આર્યન ઇન્ફ્રાબિલ્ડ પ્રાઇવેટ લિમિટેડ સહિત ચાર હિસ્સેદારો સાથે ફાઇનલ કરવામાં આવ્યો હતો. પાર્ટી પ્લોટની પાછળ જ અગ્રણી હોસ્પિટાલિટી ચેઇન દ્વારા 5-સ્ટાર હોટેલ સહિત તાજેતરના વર્ષોમાં આ વિસ્તારનો ઝડપી વિકાસ જોવા મળ્યો છે. ડેવલપરે કહ્યું કે, આ વિસ્તારને કનેક્ટિવિટીનો ફાયદો મળે છે અને તેથી પ્રોજેક્ટ સફળ થશે. “એ સમયે જ્યારે રિયલ એસ્ટેટ માર્કેટ નિસ્તેજ દેખાતું હતું ત્યારે આ ડીલે બજારમાં થોડો ઉત્સાહ ઉભો કર્યો છે.
કેશવબાગ નવુ માણેકચોક બને તેવી શક્યતા
કેશવબાગ ખાતેનો નવો પ્રોજેક્ટ આ વિસ્તારથી શિવરંજની સુધીના વિસ્તારને માણેક ચોકમાં ફેરવે તેવી શક્યતા છે. માણેક ચોક એ જૂના શહેરનો એક વિસ્તાર છે જે તેના ઝવેરાતના વ્યવસાય અને દુકાનો માટે જાણીતો છે.
કેશવબાગ જ્વેલર્સનું નવું ડેસ્ટિનેશન હશે.
આ સોદામાં ભૂમિકા ભજવનાર એક રિયલ એસ્ટેટ ડેવલપરે જણાવ્યું હતું કે, શિવરંજની ચોકડીથી કેશવબાગ સુધીનો સમગ્ર વિસ્તાર ટૂંક સમયમાં નવો આધુનિક માણેક ચોક બની જશે. શિવરંજની પહેલાથી જ અનેક જ્વેલર્સના શોરૂમનું ઘર છે અને આ જ્વેલરીનું નવું ડેસ્ટિનેશન હશે. જોધપુર ચોકડી પર લગભગ ત્રણ વર્ષ જૂનું નવું કોમર્શિયલ કોમ્પ્લેક્સ પણ સંપૂર્ણ રીતે જ્વેલર્સને સમર્પિત છે જેમાં અનેક જ્વેલરી શોરૂમ ઉપરાંત આંગડિયા અને લોકરવાળી બેંકો છે.
(વિથ ઇનપુટ-દર્શલ રાવલ, અમદાવાદ)
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…
