Ahmedabad: ડ્રગ્સ નેટવર્કમાં મહિલાની સંખ્યા વધી, 6 માસમાં SOG ક્રાઈમે 9 મહિલા ડ્રગ્સ પેડલર ઝડપી

અમદાવાદમાં ડ્રગ્સ નેટવર્કમાં મહિલાઓ પણ સક્રિય હોવાનો ખુલાસો થયો છે. જુહાપુરામાં ઘરમાં ડ્રગ્સનું વેચાણ કરતી મહિલા ડ્રગ્સ પેડલર ઝડપાઇ ગઈ છે. આ મહિલા ઝડપાયા બાદ તેની પુછપરછમાં ખુલાસો થયો છે કે બીમારીના ઈલાજ માટે આ મહિલા પૈસા બનાવવા ડ્રગ્સ પેડલર બની છે. SOG ક્રાઈમે 6 માસમાં નશાનો સોદો કરનાર 9 મહિલા ડ્રગ્સ પેડલરની ધરપકડ કરી છે. ત્યારે નશાનો કારોબાર કરતા ડ્રગ્સ નેટવર્કમાં આ મહિલાઓ કેવી રીતે જોડાઈ એ અમે તમને જણાવીશુ.

મહિલા પેડલર પોતાના જ ઘરમાં ચલાવતી હતી નેટવર્ક

SOGએ પરવીનબાનું બલોચ નામની મહિલાને નશાના કારોબાર કરવાના ગુનામાં કસ્ટડીમાં લીધી છે. આ મહિલા પોતાના જ ઘરમાં નશાનો સોદો કરતી હતી. SOG ક્રાઈમને બાતમી મળી હતી કે અમદાવાદના જુહાપુરામાં સંકલિત નગરમાં ડ્રગ્સનું નેટવર્ક ચાલી રહ્યું છે. આ માહિતીના આધારે SOG ક્રાઈમે રેડ કરતા પરવીનબાનું નામની મહિલા ડ્રગ્સનું વેચાણ કરતા ઝડપાઈ ગઈ હતી. તેની પાસેથી 34.900 ગ્રામનો એમડી ડ્રગ્સનો કુલ 3.49 લાખ રુપિયાનો જથ્થો ઝડપાયો છે. છેલ્લા 4 માસથી આ મહિલા પોતાના ઘરમા ડ્રગ્સનું વેચાણ કરતી હોવાનું ખુલ્યું છે. SOG ક્રાઈમે મહિલાની ધરપકડ કરીને વધુ તપાસ શરૂ કરી છે.

ડ્રગ્સ સાથે પકડાયેલી મહિલા પરવીનબાનું અને તેનો પતિ મોહસીનખાન બલોચ જુહાપુરા રહે છે. તેમને કોઈ સંતાન નથી. પતિ ડ્રગ્સની લત ધરાવે છે. જ્યારે પરવીનબાનુને ટીબીની ગાંઠ થતી હોવાથી તેના ઓપરેશન માટે એક લાખનો ખર્ચ થવાનું ડોક્ટરે જણાવ્યુ હતુ. જેથી તેણે ડ્રગ્સ પેડલર બનીને પૈસા કમાવવાનું શરૂ કર્યુ હતુ. આ મહિલામાં વટવામાં શહેજાદખાન પઠાણ પાસેથી રૂપિયા 20 હજારમાં ડ્રગ્સ ખરીદીને લાવી હતી અને 50 હજાર સુધીમાં વેચાણ કરતી હતી. તેના ગ્રાહકો ઘરેથી ડ્રગ્સ લઈ જતા હતા. SOG ક્રાઈમે આ ડ્રગ્સ નેટવર્ક મહિલાએ કેવી રીતે બનાવ્યું અને કેટલા ગ્રાહકો ડ્રગ્સ લઈ જાય છે તેની તપાસ શરૂ કરી. આ ઉપરાંત ડ્રગ્સ આપનાર વોન્ટેડ સેજાદખાન પઠાણની શોધખોળ શરૂ કરી છે.

Web Stories View more

દેશી સફેદ જુવાર ખાવાના ફાયદા, જાણીને ચોંકી જશો

Cannesમાં કિયારા અડવાણીનો ચાલ્યો જાદું, પિંક અને બ્લેક ગાઉનમાં લૂટી મહેફિલ

જાહ્નવી કપૂરની ફિટનેસ ટ્રેનર પણ છે ખૂબ ગ્લેમરસ, જુઓ તસવીર

આ મેદાન પર રમાશે ભારત અને પાકિસ્તાનની મેચ, જુઓ વીડિયો

First Ballot Box વિશે જાણો, તેના દ્વારા થઈ હતી દેશની પ્રથમ ચૂંટણી

Knowledge : ચાલતી ટ્રેનમાં ધડક-ધડક અવાજ કેમ આવે છે? જાણો કારણ

6 માસમાં SOG ક્રાઈમે 9 મહિલા ડ્રગ્સ પેડલર ઝડપી

• 21 જુલાઈ 2022 : એસજી હાઈવે નજીક જાહેરમાં ડ્રગ્સ સાથે ચાંદખેડાની હરપ્રિતકૌર સહોતા નામની મહિલા ઝડપી. તેની પાસેથી 1.55 લાખનું MD ડ્રગ્સ મળ્યું..
• 22 જુલાઈ 2022:  કાલુપુરમાં રેલવે સ્ટેશન નજીક સોલૈયામાલ સુબ્રમણ્યમ, પૂજા ગોયલ અને શેલવી નાયડુ નામની મુંબઈની 3 મહિલાને 3.96 લાખના 39 કિલો ગાંજો સાથે ધરપકડ કરાઈ
• 23 ઓગસ્ટ 2022: કાલુપુર ભંડેરી પોળ નજીક ડ્રગ્સ માફિયા અમીનાબાનું ઉર્ફે ડોન પઠાણ નામની મહિલાની ધરપકડ કરી. MD ડ્રગ્સના જથ્થા સહિત 3.13 લાખનો મુદામાલ જપ્ત કરાયો. આ મહિલા ડોન ડ્રગ્સનું નેટવર્ક ઉભું કરીને 100થી વધુ પેડલર બનાવ્યા હતા.
• 21 નવેમ્બર 2022 : દાણીલીમડામાં નાઝીયા શેખ નામની મહિલાને કફ શિરપના જથ્થા સાથે પડકવામાં આવી.
• 24 નવેમ્બર 2022 : ખાનપુરમાં રહેનુમા ઉર્ફે સિઝા ખાન નામની મહિલા ડ્રગ્સ પેડલરને 29 ગ્રામના MD ડ્રગ્સ સાથે પકડવામાં આવી.
• 28 નવેમ્બર 2022 : કુબેરનગરમાં અફસાનાબાનું શેખ નામની મહિલાને એમ ડી ડ્રગ્સના જથ્થા સાથે મહિલા પેડલરની ધરપકડ કરી. જે દારૂની જેમ ડ્રગ્સનું વેચાણ કરતી હતી.
• 9 ડિસેમ્બર 2022 : રામોલમાં જનતાનગરમાં ડ્રગ્સ કેસમાં મુંબઈની મહિલા ડ્રગ્સ પેડલર અમરીનખાન નું નામ ખુલ્યું.. જે હજુ ફરાર હોવાથી SOG તપાસ શરૂ કરી છે.
• 24 ડિસેમ્બરના રોજ પણ SOG ક્રાઇમે મહિલા પેડલર પરવીનબાનુની ધરપકડ કરી.

અમદાવાદથી મુંબઈ સુધીના ડ્રગ્સ નેટવર્કમાં મહિલાઓનો નશામાં દબદબો વધી રહ્યો છે. SOGની જુદી જુદી ટીમોએ આ નેટવર્કને લઈને સર્ચ શરૂ કર્યું છે.