Ahmedabad : સોશિયલ મીડિયાના માધ્યમથી દેશભરમાં કેમિકલ ખરીદીના બહાને છેતરપીંડી કરતી નાઇઝેરીયન ગેંગનો પર્દાફાશ, બે આરોપીઓની ધરપકડ

ગુજરાત(Gujarat)  અને દેશભરમાં  વેપારીઓ સાથે છેતરપીંડી(Fraud)  કરતી નાઇઝેરીયન ગેંગનો(Nigerian gang)  પર્દાફાશ થયો છે..જે ગેંગ કેમિકલ ખરીદવાના બહાને દેશભરના વેપારીઓને ટાર્ગેટ કરી કરોડો રૂપિયા છેતરપીંડી કરી છે.મહત્વનું છે કે આરોપીઓ પોતે જ કેમિકલ બનાવી જે કેમિકલ ખરીદવાના બહાને ખોટી કંપનીના નામ હેઠળ છેતરપીંડી આચરતો ખુલાસો થયો છે. સાયબર ક્રાઇમ બ્રાંચે નાઇઝેરીયન ચીનેદુ અનુમોલે અને રાકેશ મહાદેવ કશ્યપની મુંબઈથી ધરપકડ કરી છે. જેમાં નાઇઝેરીયન આરોપી દેશના કેમિકલ વેપારીઓને સોશિયલ મીડિયા પર મેસેજ કરી મિત્રતા કેળવતા હતા.જેની બાદ ધંધામાં સારો નફો કમાવાની લાલચ આપી છેતરવાનુ કામ કરતા હતા.આ પ્રકારે આ ગેંગ દ્વારા ગુજરાતના અલગ અલગ વેપારીને સંપર્ક કર્યો હતો.જેમાં નાઇઝેરીયનએ પોતાની CHEM ઇન્ટનેશનલ કંપની છે.જે પોલેન્ડમાં ધરાવે છે અને તે ભારતમાંથી અનિગ્રા લિકવીડ એક્સટ્રાક્ટ નામનું લિકવીટ ખરીદી કરે છે.

આ લિકવિડ ભારતથી જાય છે અને જે વ્યકિત લિકવીડ સપ્લાય કરતો હતો તેનું મરણ થયેલ છે. હવે આ લિકવીડનો સપ્લાય કરવા માંગતા હોય તો 20 ટકા કમિશન આપવામાં આવશે.આમ કરી વેપારીને લાલચ આપી થોડું સેમ્પલ મંગાવતાં જે બાદ મોટો ઓર્ડર મંગાવી લઈ કરોડો રૂપિયાની છેતરપીંડી આચરતા હતા.

પકડાયેલ નાઇઝેરીયન ચીનેદુ અનુમોલની મોડ્સ ઓપરેન્ડી વાત કર્યે તો દેશભરના કેમિકલના વેપારી સાથે સંપર્ક કરતા હતા..જે બાદ નાઇઝેરીયન ચીનેદુ પોતાની કંપની પોલેન્ડ માં હોવાનું ખોટી કંપની ઓળખ આપતો અને પોતાની કંપની ભારતમાં અનિગ્રા લિકવીડ એક્સટ્રાક્ટ નામનું કેમિકલ ખરીદી કરે છે..જે કેમિકલ સપ્લાય કરનાર વ્યક્તિ મૃત્યુ થયું છે જેથી કેમિકલ ખરીદી અમારી કંપની વેચનાર 20 ટકા કમિશન આપવામાં આવશે.

આમ કરી દેશભરના મોટા કેમિકલના વેપારીને નાઇઝેરીયન દ્વારા વિશ્વાસ માં લઇ કહેતા કે જે લિકવીડ કેમિકલની જરૂરિયાત છે તે ભારતના આર.કે.એન્ટરપ્રાઈઝ પૂનમ યાદવ પાસેથી મળશે.જેનો ઇમેઇલ આઈડી અને મોબાઇલ નંબર પર આપતા હતા..જે વેપારી લિકવીડ ખરીદીને નાઇઝેરીયને આપતા હતા.જો કે ભોગબનર વેપારી જેની પાસે લિકવીડ કેમિકલ ખરીદી કરતા તે નાઇઝેરીયન દ્વારા ડમી કંપની ઉભી કરવામાં આવેલી છે..જેથી નાઇઝેરીયન દ્વારા કેમિકલ બનાવવા અને ખરીદી કરવા વાળા પોતે જ ડમી કંપની ઉભી કરી છેતરપીંડી કરતા હતા.

સાયબર ક્રાઇમ બ્રાંચ દ્વારા પકડાયેલ નાઇઝેરીયન પુછપરછમાં અલગ અલગ રાજ્યોના 13 વેપારીઓ સાથે છેતરપીંડી આચરી છે..જેમાં છેતરપીંડી આંકડો 4.5 કરોડ પહોંચ્યો છે પરંતુ પોલીસ તપાસમાં છેલ્લા એક વર્ષથી નાઇઝેરીયન દ્વારા વેપારીઓ સાથે ઠગાઇ કરતો હોવાથી છેતરપીંડી અને ભોગબનાર આંકડો હજી વધી શકે છે.